შეიძლება რამე ვთქვათ ადამიანზე, მხოლოდ იმის მიხედვით, თუ რამდენ რძეს უმატებს ყავას? ეს საინტერესო ფაქტი ადამიანის ხასიათს არ უკავშირდება, მაგრამ მის გემოვნებაზე ბევრ რამეს ამბობს. თქვენს მეგობრებს, ნათესავებს და კოლეგებს დააკვირდით და შემდეგ მათი ჩვევები ჩვენს პატარა ტესტს შეადარეთ.
რამდენი რძეა ყავაში – ხშირად ყავას იმისთვის ადუღებენ, რომ დარჩენილი სქელი ნალექი სამკითხაოდ გამოიყენონ. შევეცდებით მთელი ფინჯანი არომატული სასმელისგან მეტი ინფორმაცია მივიღოთ.
- დავიწყოთ ესპრესოთი. ასეთი ყავა მკაცრ და კონსერვატიულ ადამიანს მოსწონს. მისი გზიდან გადახვევა რთულია. ყურადღებიანი, პრაგმატული და თავდაჯერებულია. ბუნებით უფროსი, მმართველი, დედოფალია.
- ამერიკანო ნამდვილი რაციონალისტის არჩევანია. საკუთარი აზრი აქვს, მაგრამ კონტაქტზე ადვილად გამოდის. ენერგიული და კომუნიკაბელურია. ბევრი მეგობარი და კიდევ უფრო მეტი ნაცნობი ჰყავს. ასეთი ადამიანი ამერიკანოს სასიცოცხლო ენერგიის აღსადგენად ირჩევს. ძალიან ბევრი დასჭირდება.
- კაპუჩინოს მშვიდი და თავშეკავებული ადამიანი ირჩევს. საიდუმლო არაა, რომ შეუძლია იყოს რომანტიკული, მეოცნებე და ცოტათი თავქარიანი. ფინჯანი საყვარელი სასმელი ოცნებების სამყაროში გადაშვებაში, მოდუნებაში, ხმაურიანი ქალაქისგან მოშორებაში ეხმარება.
- ადამიანები, რომლებიც ახლობლებს ძალიან აფასებენ, საყვარელი ლატეს გარეშე ვერ ძლებენ. მისთვის მათთან კომუნიკაცია ძალიან მნიშვნელოვანია, ხოლო ფინჯანი ლატე ამ სიტუაციაში შესაფერისია. ლატეს მოყვარული კეთილი, მეგობრული, ნაზი და ცოტათი დაუცველია.
- არიან ისეთები, რომელთაც ცივი ყავა უყვართ. ეს იმას არ ნიშნავს, რომ გულგრილი და უგრძნობია. ასეთი სასმელის მოყვარული პირდაპირი და ოდნავ ჩაკეტილია. ნათესავებსა თუ მეგობრებს შორის შესამჩნევია, მაგრამ მისი ნამდვილი გრძნობების გაგება ყველას არ შეუძლია. მასთან ურთიერთობისას მისი სიბრძნით და სიკეთით გაოცებული დარჩებით.
საოცარი არომატი – შეიძლება ყურადღება მივაქციოთ, თუ რამდენი რძეა ყავაში? ეს რამეს ნიშნავს?
- სასმელს, სადაც რძე და ყავა თანაბრადაა, ირჩევს ადამიანი, რომელიც ფეხზე მყარად დგას და საკუთარ თავს ღრუბლებში ფრენის უფლებას იშვიათად აძლევს. კრიტიკული აზროვნება კარგად განვითარებული აქვს. მისი კონტროლი შეუძლებელია.
- ყავა ბევრი რძით ნამდვილ მეოცნებე და კომუნიკაციის დიდ მოყვარულს მოსწონს. ასეთი ადამიანი ფინჯან საყვარელ სასმელს იღებს და თავგადასავლებისკენ, საინტერესო შეხვედრებისა და ხმაურისკენ მიიჩქარის. ბევრი რძე სასმელში ახალი საქმის დაწყებამდე ერთგვარ შესვენებას აძლევს.
- სასმელი ცოტა რძით მოსწონს მას, ვისაც მნიშვნელოვანი საქმის შესრულება ეჩქარება. იმდენი რამ უნდა მოასწროს, ხოლო საყვარელმა სასმელმა მხარი უნდა დაუჭიროს და კიდევ ერთი პროდუქტიული დღის ეფექტურად დასრულებაში დაეხმაროს. ტვინი საათივით უნდა მუშაობდეს, რასაც საყვარელი სასმელი აუცილებლად ხელს შეუწყობს.
რძის სწორი რაოდენობა – სიტყვაზე, როგორ დავამატოთ რძე ფინჯან ყავაში სწორად? ყავის მომზადებისთანავე თუ ცოტა ხნის შემდეგ? რძე თბილი უნდა იყოს? რა თქმა უნდა, ყველა ისე აკეთებს, როგორც სურს. აღსანიშნავია, რომ ყავა, რომელსაც მომზადებისთანავე რძეს უმატებენ, სხვებისგან დიდად განსხვავდება. თუ უფრო ნაზი და კარამელის გემოს მიღება გსურთ, მზა ყავა ცოტა ხნით გააჩერეთ. ამას 3–4 წუთი დასჭირდება, მაგრამ გემო ნამდვილად გაგახარებთ. რძე 40 გრადუსამდე უნდა შეათბოთ და სასმელს შემდეგ დაუმატოთ. უბრალოდ ჯადოსნური გემო აქვს.
