სარეცხი მანქანა საოჯახო საქმეში უნდა დაგეხმაროთ და ცხოვრება გაგიმარტივოთ. ძალიან სასარგებლო ტექნიკაა. უბრალოდ ნივთები ჩატვირთეთ და ცოტა ხანში იდეალურად სუფთა გამოიღეთ. თან სასიამოვნო სისუფთავის სურნელს აფრქვევს. გამონაკლისიც არსებობს.
სარეცხი მანქანის მოწყობილობა – პრობლემა ვლინდება, როცა სუფთა ნივთები არომატული აღარაა. თან კონდიციონერის და ფხვნილის რაოდენობას მნიშვნელობა არ აქვს. საქმე ეხება სარეცხ მანქანას ჰორიზონტალური ჩატვირთვის ტიპით. მის კარზე სპეციალური შემამჭიდროებელი რეზინია, რომ წყლის გამოჟონვა არ მოხდეს. სწორედ ის პრობლემის მიზეზი შეიძლება გახდეს.
თამაში დასწრებაზე – თავიდან ახალ სარეცხ მანქანას აქებენ და თავს ევლებიან. აკონტროლებენ, რომ სუფთა და მშრალი იყოს. რამდენიმე თვიანი პროდუქტიული მუშაობის და ტექნიკასთან შეგუების შემდეგ წვრილმანებს ყურადღებას აღარ აქცევენ. ყველას ჰქონია შემთხვევა, როცა სარეცხის გამოღების და ჩამოკიდების ძალა უბრალოდ არ ჰქონდა. ასე სარეცხ მანქანაში ნივთები დიდხანს მარინადდება, შემდეგ უსიამოვნო სუნის გამო თავიდან ირეცხება. ვაღიაროთ, სწორი პროფილაქტიკა ტექნიკის გამოყენების ვადას ზრდის. რთული არაფერია. ნივთები დოლურაში დიდხანს არ დატოვოთ. მაქსიმუმ რამდენიმე საათით. ასე თავიდან გარეცხვა არ მოგიწევთ. რეცხვის პროცესის დასრულების შემდეგ კარი შიდა ელემენტების სრულ გაშრობამდე ღია დატოვეთ.
სწორი მოქმედება – სარეცხი მანქანის შემამჭიდროებელ ელემენტს განსაკუთრებული ყურადღება მიაქციეთ. იქ წყლის ნარჩენები, ჭუჭყი, წვრილი ნაგავი, ფხვნილის გრანულები შეიძლება დარჩეს. ყოველი რეცხვის შემდეგ გაწმინდეთ. მიკროფიბრის ჩვარი ან ნებისმიერი სხვა სუფთა ქსოვილი გამოიყენეთ. თუ მცირე ჭუჭყი შეამჩნიეთ, კბილის ჯაგრისით მარტივად შეგიძლიათ მოაშოროთ. ცოტა თხევადი სარეცხი საშუალება ჯაგრისს წაუსვით და პრობლემური ადგილები გახეხეთ. შემდეგ სწრაფი რეცხვა ჩართეთ, რომ წყალმა სარეცხი საშუალება და ჭუჭყი ჩარეცხოს.
სასარგებლო ხრიკი – შემამჭიდროებელზე წარმოქმნილი ობის და უსიამოვნო სუნის მოშორებაში ხელმისაწვდომი ინგრედიენტები დაგეხმარებათ. მაგალითად, სოდა და ძმარი. რთულ შემთხვევაში მათეთრებელი გამოიყენეთ. გაითვალისწინეთ. რომ მათეთრებლის ხანგრძლივი გამოყენება სარეცხ მანქანაზე აგრესიულად მოქმედებს. მსუბუქ შემთხვევაში 100 მლ მათეთრებელი დოლურაში ჩაასხით და ტანსაცმლის გარეშე რეცხვის რეჟიმი ჩართეთ. წყლის ტემპერატურა 60 გრადუსზე ოდნავ მეტი უნდა იყოს. ყურადღება მიაქციეთ, რამდენად ძლიერ დაზიანებულია შემამჭიდროებელი. თუ ასეა, ხელოსანი გამოიძახეთ და ძველი დეტალი შეცვალეთ.
სუფთა სარეცხი მანქანა – სარეცხი მანქანის მოსავლელად სპეციალური საწმენდი საშუალება დროულად იყიდეთ. ასე შემამჭიდროებელზე ნადებს სწრაფად მოაშორებთ. თან რეზინი და სხვა დეტალი არ დაზიანდება. ხოლო უსიამოვნო სუნის მოსაშორებლად ძმარი გამოიყენეთ. 1:1 პროპორციით წყალში გააზავეთ და პულვერიზატორით შეასხურეთ. 3-5 წუთის შემდეგ გაამშრალეთ და სწრაფი რეცხვა ჩართეთ. წყალი ძმრის ნარჩენებს ჩარეცხავს და უსიამოვნო სუნი გაქრება. შემამჭიდროებლიდან ობის მოსაშორებლად მათეთრებელი და სოდა (1:1) გამოიყენეთ. ხელთათმანის გაკეთება აუცილებელია. ნარევი რეზინს ფრთხილად წაუსვით და ცოტა ხნით მოიცადეთ. შემდეგ ნივთების გარეშე რეცხვის რეჟიმი ჩართეთ. რეცხვის დასრულების შემდეგ კარი გააღეთ და შემამჭიდროებელი გაამშრალეთ.
არ დაუშვათ, რომ შემამჭიდროებელზე ობის მთელი კოლონია გაიზარდოს. როგორც უკვე გითხარით, აგრესიულ მათეთრებელს ტექნიკის მსახურობის ვადის სერიოზულად შემცირება შეუძლია. გისურვებთ, რომ თქვენი სარეცხი მანქანა დიდხანს და კარგად მუშაობდეს.
