ჩემს მეგობარს ლექტორი შეუყვარდა და არ იცის, როგორ მოიქცეს. რჩევისთვის თავისი ტკივილი გამიზიარა. Paparazzi გიამბობთ, როგორ მოახერხა ანამ ასეთ რთულ სიტუაციაში მოხვედრა.
„ვაღიარებ, გავები. ყველაფერი დაიწყო სექტემბერში, როცა უნივერსიტეტში ახალი მასწავლებელი გამოჩნდა. ჩემს ჯგუფში ფილოსოფიის პრაქტიკულ სემინარებს ატარებდა. პირველივე ნახვაზე დავიკარგე! წარმოდგენაც არ შემეძლო, რომ ჩემზე გაცილებით უფროსი მამაკაცი მომეწონებოდა, ეს წესიდან გამონაკლისი იყო.
თავიდან ცუდი აზრების მოშორებას ვცდილობდი. უნივერსიტეტში სასწავლებლად დავდივარ და არა ზრდასრული კაცების სანახავად. ყოველი ახალ გაკვეთილზე მის მიმართ ლტოლვა იზრდებოდა. ფილოსოფიას კარგად ვსწავლობდი, ყოველთვის საპასუხოდ ხელს ვწევდი, თანაკურსელებს შორის საუკეთესო მინდოდა ვყოფილიყავი. უნდა ითქვას, რომ მარტივად გამომივიდა. ჩემს ლექტორზე მუდმივად ვფიქრობდი, მაგრამ სხვა ყველაფერი რაღაც სასწაულით მამახსოვრდებოდა. ალბათ, ძალიან მინდოდა თავი მომეწონებინა. რას არ აკეთებს ქალი სიყვარულისთვის?!
მართალია, მოვლენების ასეთ განვითარებაზე არც მიფიქრია. უბრალოდ მინდოდა, რომ თავი დამემახსოვრებინა, რადგან 6 თვის შემდეგ მასთან ტკბილად საუბარს ვეღარ შევძლებდი. მალე შევამჩნიე, რომ სიტუაცია უკონტროლო ხდებოდა. ფილოსოფიის ლექტორმა ისე დამიწყო ყურება, თითქოს მართლაც განსაკუთრებული ვიყავი. შემდეგ შევამჩნიე, რომ შემთხვევით ჩემს ხელს ეხებოდა, როცა ხელმოწერისთვის ჟურნალით ვუახლოვდებოდი (ჯგუფის ხელმძღვანელი ვარ). ვერ მოვითმინე და უახლოეს კაფეში დავპატიჟე. ლექტორი ამას არ ელოდა, მაგრამ დათანხმდა.
ამის შემდეგ ერთმანეთს სულ უფრო ხშირად ვხვდებოდით. ჩვენ ნამდვილად სწავლაზე ვსაუბრობდით, სანამ ერთ მშვენიერ დღეს არ მითხრა, რომ მოვწონდი. გავწითლდი და ვუთხარი, რომ მეც იმავეს ვგრძნობდი. ვინმესთან ამ თემაზე ლაპარაკის მეშინოდა. ახლო დაქალმაც არ იცოდა, რა ხდებოდა ჩემს პირად ცხოვრებაში. როცა ჩვენი პირველი კოცნა მოხდა, მეგონა ფილმში ვიყავი. ეს სინამდვილე ვერ იქნება!
მაგრამ ცხოვრება არაპროგნოზირებადია. ამაში არაერთხელ დავრწმუნდი. აღმოჩნდა, რომ ლექტორს ცოლი ჰყავს. როგორ არ ვიფიქრე ამაზე ადრე? აზრად არ მომსვლია, რომ ასეთ თვალსაჩინო მამაკაცს შეიძლება მეუღლე ჰყავდეს. როცა ყველაფერი გავიგე, მაშინვე დაშორება გადავწყვიტე. ეს ჩემთვის ზედმეტია! მთხოვდა, რომ არ დავშორებოდი. ამბობდა, რომ ცოლთან განქორწინებას უკვე დიდი ხანია აპირებს. თითქოს, ერთად ფორმალურად არიან, მაგრამ სინამდვილეში საერთო არაფერი აქვთ. არ ვიცი, რა გავაკეთო. გონებით მესმის, რომ ძალიან ცუდ ავანტიურაში გავები. გული მკარნახობს, რომ ჩვენს სიყვარულს ვერაფერი შეუშლის ხელს. ვერც ასაკში სხვაობა, ვერც სხვა ქალი და ვერც სხვა გარემოება. როგორ მოვიქცე?“
მასწავლებლის შეყვარება ერთია, მაგრამ მასთან შეხვედრა მეორე. ანას ადგილზე ლექტორთან ყოველგვარ ურთიერთობას გავწყვეტდი, სანამ ნამდვილად არ განქორწინდება. სხვა შემთხვევაში, უფრო სერიოზულ ამბავში შეიძლება გაებას, საიდანაც გამოსვლა ძალიან გაუჭირდება.
