პაპარაცის რედაქციის მიერ მომზადებულ დღევანდელ სტატიაში – ახალგაზრდა მამაკაცი თანაკლასელის ისტორიას გვიამბობს.
მე ლაშა მქვია. სკოლა 15 წლის წინ დავამთავრე. სკოლის წლებს ხშირად ვიხსენებ. ცოტა ხნის წინ ჩემი თანაკლასელი ლევანი გამახსენდა. ის ძალიან გონიერი იყო, ფრიადოსანი მოსწავლე.ლევანს დედა ზრდიდა. ის მთელი სერიოზულობით ეკიდებოდა ლევანის სწავლის საკითხს და თითოეული ნიშნის გამო ნერვიულობდა. ის ლევანისგან მოითხოვდა, რომ მხოლოდ ხუთიანები მიეღო. როდესაც ლევანი ოთხიანს მიიღებდა, ეს მისთვის ტრაგედია იყო. ამის გამო უტირია კიდეც. დედამისი სკოლაში ძალიან ხშირად მოდიოდა.
არ ვიცი, ვინ გახდებოდა ლევანი, თუ დედამისი ზუსტად ასე გააგრძელებდა მის აღზრდას.ლევანმა სკოლა ოქროს მედალზე დაამთავრა და უნივერსიტეტში აპირებდა ჩაბარებას ეკონომიკის ფაკულტეტზე.მე მას 12 წლის წინ შევხვდი სრულიად შემთხვევით. იმ პერიოდში დაქორწინებას ვაპირებდი. პირად მძღოლად ვმუშაობდი ერთ მდიდარ კაცთან და ძალიან კარგი ხელფასი მქონდა. ჩემმა საცოლემ ძალიან მდიდრული ქორწილი მოინდომა. ვარცხნილობის გასაკეთებლად ძალიან კარგი და ცნობილი სტილისტი მოიწვია, რომელიც მომსახურეობაში ძალიან ძვირს იღებდა.
ქორწილის წინ, ის ჩემს საცოლესთან საცდელი ვარცხნილობის გასაკეთებლად მოვიდა. მე ამ დროს მასთან ვიყავი. კარი რომ გამოვაღე, გაოცებისგან გავიყინე: კართან ლევანი იდგა. სწორედ ლევანი იყო ის სტილისტი, რომელიც ჩემმა ცოლმა მოიწვია.
სასაუბროდ სამზარეულოში გავედით. ლევანმა მიამბო, თუ როგორ აეწყო მისი ცხოვრება. გამოსაშვები საღამოდან ერთი კვირის შემდეგ ლევანს მოულოდნელად დედა გარდაეცვალა. მას სწავლის ფული არ ჰქონდა. მან ჯერ მტვირთავად დაიწყო მუშაობა, შემდეგ კი – დაწინაურდა და საწყობის გამგე გახდა.
ცოტა ხანში ერთი გოგონა გაიცნო. ანა სტილისტად მუშაობდა. ანა და ლევანი ერთმანეთს ხვდებოდნენ, შემდეგ კი – იქორწინეს. ანამ ლევანს შესთავაზა, რომ საკუთარი ძალები მის პროფესიაში გამოეცადა. ის დათანხმდა და ეს პროფესია საკმაოდ კარგად აითვისა. ძალიან მალე მაღალკვალიფიციური სპეციალისტი გახდა, ძალიან ცნობილი და მოთხოვნადი სტილისტი. აი, ასეც ხდება ხოლმე ცხოვრებაში…
