სალათი „ქაშაყი ქურქის ქვეშ“ ეტაპობრივად ძალიან მარტივად მზადდება. ამ სალათის გარეშე არც ერთ ზამთრის დღესასწაულს არ ჩაუვლის. გამოცდილმა დიასახლისებმა რეცეპტი ზეპირად იციან. ერთი შეხედვით, მოსაწყენი და ბანალური კერძია. თუ ექსპერიმენტები გიყვართ, Paparazzi გთავაზობთ ქაშაყი ქურქის ქვეშ უჩვეულო კომპონენტების გამოყენებით მოამზადოთ.
ქაშაყი ქურქის ქვეშ ეტაპობრივად – კლასიკურ რეცეპტში ბევრი ინგრედიენტი არ შედის. ესაა ქაშაყის ნაჭრები, მაიონეზწასმული სტაფილოს, კარტოფილის, ხახვის და ჭარხლის ფენები. სალათი ზემოდან შეგიძლიათ არ გააფორმოთ ან გახეხილი კვერცხის გული დაუმატოთ. გასაფორმებლად მწვანილი და ბროწეულის მარცვლები შეგიძლიათ გამოიყენოთ.
საინტერესო ალტერნატივა – სალათში თევზის ჩანაცვლება მთავარი ექსპერიმენტია. მაგალითად, ქაშაყი ქარსალით შეგიძლიათ ჩაანაცვლოთ. მის წმენდას მეტი დრო სჭირდება, მაგრამ სალათის გემო თითქმის არ შეიცვლება. წითელი თევზიც შეგიძლიათ გამოიყენოთ. საკმაოდ საინტერესო გამოვა. გემრიელი, მაგრამ უჩვეულო. სალათს ზემოდან წითელი ხიზილალა შეგიძლიათ დაუმატოთ. პიკანტურობას მიაღწევთ, რაც ნაზ ბოსტნეულთან რეზონანს იძლევა. ამ შემთხვევაში დანარჩენი ინგრედიენტები უცვლელი უნდა დარჩეს, რომ სულ სხვა კერძი არ მიიღოთ. კიბორჩხალის ჩხირები და კიტრის მწნილი საინტერესო დანამატია. ორივე კომპონენტი შეგიძლიათ გახეხოთ ისე, როგორც კარტოფილი და სტაფილო. სალათის გასაფორმებლად კვერცხის გული აუცილებლად დაუმატეთ. ეს სუფრაზე გატანის წინ გააკეთეთ, რომ კვერცხის გული არ გამაგრდეს და გამოშრეს.
ინგრედიენტები:
- ქაშაყის ფილე
- 1 მსხვილი ჭარხალი
- 3 კარტოფილი
- 1 სტაფილო
- 4 კიტრის მწნილი
- 1 წითელი ხახვი
- 250 გ მაიონეზი
- 4 კვერცხი
- სანელებლები გემოვნებით
მომზადების წესი:
- კარტოფილი, კვერცხი, სტაფილო და ჭარხალი მოსახარშად დროულად დადგით. ინგრედიენტები სწრაფად რომ გააგრილოთ, ყინულიან ცივ წყალში გადაიტანეთ. 3 კვერცხი სალათის ფენებში გამოიყენეთ, ხოლო 1 კვერცხის გული – გასაფორმებლად.
- ყველა კომპონენტი მსხვილად გახეხეთ, ხახვი და ქაშაყი დაჭერით. წითელი ხახვი გამოიყენეთ, რადგან სალათს უფრო შეეფერება. პატარა კიტრის მწნილებს სითხე მოაშორეთ, რომ სალათის გემო არ გააფუჭოს, და დანით დაჭერით.
- მაიონეზის რაოდენობა თქვენი გემოვნებით განსაზღვრეთ. თუ ეს სოუსი გიყვართ, ჭარხლის, კარტოფილის და სტაფილოს თეფშებს მაშინვე დაუმატეთ. ასე სალათის ფენებზე მაიონეზის წასმაზე დროს არ დაკარგავთ. თუ ცოტა მაიონეზის დამატება გსურთ, მაშინ შეფუთვის კიდე წვრილად გადაჭერით და თითოეულ ფენას მაიონეზის წვრილი ბადე წაუსვით.
- სალათის ფენები დააწყვეთ შემდეგი თანმიმდევრობით: კარტოფილი, ქაშაყი, ხახვი, სტაფილო, კიტრი, კვერცხი, ჭარხალი. სურვილისამებრ ფენები შეგიძლიათ შეცვალოთ. ბოლო ფენა გახეხილი კვერცხის გულით გააფორმეთ.
გირჩევთ, რომ სალათი „ქაშაყი ქურქის ქვეშ“ კიბორჩხალის ჩხირებით და ხიზილალით დააგემოვნოთ. კიბორჩხალის ჩხირები მსხვილად გახეხეთ და კიტრის ფენა ჩაანაცვლეთ. ცოტა ხიზილალა კვერცხის გულის თხელ ფენას დაუმატეთ. ასეთ სილამაზეს მწიკვი ახალი მწვანილი დაუმატეთ და მაცივარში მოათავსეთ, რომ სალათი გაგრილდეს. სტუმრებს ასეთი საინტერესო ექსპერიმენტი აუცილებლად მოეწონებათ.
