დღესასწაულები ახლოვდება. დროა სადღესასწაულო სუფრისთვის საინტერესო რეცეპტები იპოვოთ. მენიუს გამრავალფეროვნების უმარტივესი მეთოდი ახალი სალათის რეცეპტია. თქვენთვის სწორედ ასეთი რეცეპტი გვაქვს შემონახული. გემრიელი სალათი ბროწეულით სტუმრების გულს ნამდვილად მოიგებს. ყველაზე პრეტენზიულებიც კმაყოფილები დარჩებიან. Paparazzi გიზიარებთ საოცარი სალათის „ვნების წვეთების“ რეცეპტებს.
ინგრედიენტები:
- 600 გ ქათმის გული
- 3 მოხარშული კარტოფილი
- ხახვი
- 3 კვერცხი
- 150 გ ხმელი ყველი
- ბროწეულის მარცვლები
- მარილი გემოვნებით
- მაიონეზი
- 1 ს/კ შაქარი
- 1 ს/კ ძმარი
- 150 მლ წყალი
მომზადების წესი:
- დასამუშავებელი ინგრედიენტები მოამზადეთ. კარტოფილი მოხარშეთ. კვერცხი მოხარშეთ და გააგრილეთ. ძროხის ან ქათმის გული წინასწარ მოხარშეთ და ბოლომდე გააგრილეთ.
- ხახვიც წინასწარ დაამარინადეთ. ხახვი მეოთხედ რგოლებად დაჭერით. შაქარი, ძმარი და წყალი დაუმატეთ. აურიეთ და 15-20 წუთით გააჩერეთ.
- ხორცი პატარა ნაჭრებად დაჭერით. დაჭრამდე ბოლომდე გაცივებული უნდა იყოს. კარტოფილი გათალეთ და მსხვილად გახეხეთ.
- სალათი ააწყვეთ. კულინარიულ რგოლში სალათის აწყობა უფრო მოსახერხებელია, მაგრამ მის გარეშეც შეიძლება. პირველ რიგში ფართო თეფში აიღეთ და მაიონეზის თხელი ფენა წაუსვით. შემდეგ კარტოფილის ფენა დაუმატეთ. მარილი მოაყარეთ და მაიონეზით დაფარეთ.
- კარტოფილზე დაჭრილი ხორცი დააწყვეთ, ისევ მაიონეზის ფენა წაუსვით. ხახვიდან სითხე მთლიანად გადაწურეთ, შემდეგ ფენად მოათავსეთ. ხახვს ზემოდან გახეხილი კვერცხი მოაყარეთ. მასაც მარილი მოაყარეთ და მაიონეზი წაუსვით. შემდეგ გახეხილი ხმელი ყველის ფენა მოდის. მისი წყალობით სალათის სადღესასწაულო ფერს ვიღებთ. ახლა სალათი ბროწეულის მარცვლებით გააფორმეთ და მაცივარში მოათავსეთ, რომ გაიჟღინთოს.
გემრიელი სალათი ბროწეულით მზადაა. სადღესასწაულო სუფრაზე თამამად გაიტანეთ და სტუმრების რეაქციას დააკვირდით.
