ასტროლოგების 2023 წლის პროგნოზები ბევრი ზოდიაქოს ნიშნისთვის დამაიმედებელია. როგორც ჩანს, ხალხი ამოსუნთქვას და დამღლელი წყლის შავი ვეფხვის წლის შემდეგ დასვენებას შეძლებს. მომავალი წლის მფარველი ბევრ სიურპრიზს გვიმზადებს. Paparazzi გიამბობთ, რას უნდა ელოდოთ 2023 წელს.
2023 წლის ასტროლოგიური პროგნოზი
ვერძისთვის 2023 წელი ოჯახის და პირადი ურთიერთობების წელი იქნება. მეგობრებს და ნათესავებს მეტი ყურადღება დაუთმეთ და ილუზიურ წარმატებას დევნა არ დაუწყოთ. თუმცა ამ მხრივ ბევრი სასიამოვნო მომენტი გელოდებათ. არ იფიქროთ, რომ წარმატების დაჭერა მარტივია. დისციპლინა და საკუთარ თავზე მუშაობა დასახული მიზნების მიღწევაში დაგეხმარებათ. ყველაფერში ბალანსია საჭირო. გეგმა ჩამოწერეთ და მკაცრად დაიცავით. თავს ზემოთ ხტომა არ სცადოთ, წინააღმდეგ შემთხვევაში ჯანმრთელობა შეგაწუხებთ. თუ პრაგმატულად და ზომიერად იცხოვრებთ, წინსვლა არ დააყოვნებს.
კუროს სამუშაო სფეროში ნაყოფიერი წელი ელოდება. სპეციალისტები გირჩევენ, რომ თვითგანათლებით დაკავდეთ და უნარები განავითაროთ. ფინანსების მხრივ ყველაფერი რიგზეა. ფული უაზროდ არ დახარჯოთ, როცა გამოჩნდება. ფინანსური მდგომარეობა უნდა დაასტაბილუროთ. არსებობს ვარაუდი, რომ პირად ფრონტზე სერიოზული გამოცდები გელოდებათ. მთავარი პრობლემა უთქმელობის გამო წარმოიქმნება. გახსოვდეთ, რომ მეორე ნახევარს სათანადო დრო და ყურადღება უნდა დაუთმოთ, თუ მარტო დარჩენა არ გსურთ.
ტყუპებს მომავალ წელს უწყვეტი გამოცდები ელოდება. ეს შინაგან მდგომარეობასაც ეხება. საკუთარ შიშებთან მარტო დარჩენა მოგიწევთ. ყველაფერს გაუმკლავდებით, თუ თანმიმდევრულად იმოქმედებთ. არ იჩქაროთ. პროფესიულ სფეროში ბევრი შესაძლებლობა გამოჩნდება. ამ სფეროში წარმატება თქვენს კავშირებსა და სოციალურ აქტივობებზეა დამოკიდებული. იგივე სასიყვარულო ურთიერთობაზეც ითქმის. დიდი ალბათობით, თქვენი ცხოვრების სიყვარულს მალე შეხვდებით. წარმატებას გისურვებთ!
კირჩხიბი მომავალ წელს სოციალური პოზიციების განმტკიცებას შეძლებს. თუმცა თქვენი მუშაობის გარეშე არაფერი გამოვა. უნდა შეესაბამებოდეთ იმ დონეს, რომლისკენაც მიისწრაფვით. ამბიციური და მიზანდასახული ადამიანები შემოიკრიბეთ, წინააღმდეგ შემთხვევაში მიზნისკენ სვლა გაგიჭირდებათ. ამ ფონზე მეორე ნახევართან ურთიერთობა გაუარესდება. მაგალითად, იმ შემთხვევაში, თუ არ სურს განვითარება ისე, როგორც თქვენ. მომავალ წელს ოჯახში რთული ვითარება იქნება. განქორწინება გამორიცხული არაა.
ლომს შავი კურდღელი წარმატებული ბიზნესით დაკავებას ურჩევს. ეს თვითშეფასების გაუმჯობესებაში და საკუთარი თავის შეყვარებაში დაგეხმარებათ. თუ საკუთარი საქმე გაქვთ, მეწარმეობის უნარები განავითარეთ და სამუშაო გუნდთან ურთიერთობა გააუმჯობესეთ. დისციპლინა ფინანსურ საკითხებში წარმატების მთავარი ფაქტორია. სხვა სიტყვებით, ფლანგვა დაივიწყეთ. სიყვარულს მეტი დრო დაუთმეთ, რადგან ის თქვენი ცხოვრების სხვა სფეროებში მამოძრავებელი ძალა გახდება.
ქალწულს სამუშაო სფეროში ბევრი ახალი შესაძლებლობა ელოდება. სრული გადატვირთვა გელოდებათ, შედეგად დაწინაურებას შეძლებთ ან, პირიქით, სამსახურს დაკარგავთ. ეს მარცხად არ განიხილოთ. ეს მნიშვნელოვანი ნაბიჯია, რომლის წყალობით მატერიალური მდგომარეობის გაუმჯობესებას შეძლებთ. სპეციალისტები გირჩევენ გარისკოთ, როცა საქმე ფულს ეხება. დიდი ალბათობით, ახალ საქმეში წარმატებას მიაღწევთ, თუ საკმარის რესურსს ჩადებთ. პირად ფრონტზე ყველაფერი რთულადაა. ახალი რომანი რაღაც სერიოზულში ვერ გადაიზრდება, რადგან მთელ დროს თვითრეალიზაციას დაუთმობთ.
სასწორს მომავალ წელს თვითშეფასებასთან დაკავშირებით სერიოზული პრობლემები ელოდება, რაც ბევრ სხვა სირთულეს გამოიწვევს. პირველ რიგში, ეს ეხება სამსახურს და პროფესიულ თვითრეალიზაციას. მეორეც, პირად ურთიერთობებს. თუ ყველაფრის დაკარგვა არ გსურთ, საკუთარ თავზე იმუშავეთ, ხოლო შემდეგ სხვა დანარჩენზე. შესაძლოა, ფსიქოლოგთან მისვლას აზრი აქვს.
მორიელს ბევრი შინაგანი ტრანსფორმაცია ელოდება. თქვენი სამუშაო და პირადი ცხოვრების განვითარების ვექტორი დამოკიდებულია იმაზე, როგორ აღიქვამთ მათ. ასტროლოგები ამბობენ, რომ ყველა ცვლილება 2025 წლამდე მოხდება. მზად იყავით ბეჯითი შრომისთვის და საკუთარი თავის თავიდან აღმოსაჩენად.
მშვილდოსანმა საკუთარ თავში საყრდენი უნდა იპოვოს და სხვების იმედზე არ იყოს. ლიდერული თვისებები განავითარეთ, თუ პროფესიულ სფეროში ახალი მწვერვალების დაპყრობა გსურთ. მომავალ წელს მთელი თქვენი ცოდნა და უნარები შეაგროვეთ, რომ სწორი მიმართულება მისცეთ.
თხის რქას სამსახურში რთული პერიოდი დაეწყება. საქმის მიტოვების და საკუთარ თავში ჩაკეტვის სურვილი გაჩნდება. ამის გაკეთება არ შეიძლება, რადგან ყველა სირთულე გამძლეობის შესამოწმებლად გჭირდებათ. საკუთარი თავი ხელში აიყვანეთ და თქვენი ძლიერი მხარეები განავითარეთ. ასე მატერიალური მდგომარეობის გაუმჯობესებას და ბევრი სასარგებლო ნაცნობის შეძენას შეძლებთ, რაც მომავალში გამოგადგებათ.
მერწყულს ოჯახთან და საყვარელ ადამიანებთან დაკავშირებით წარმატებული წელი ელის. მათთან მეტი დრო გაატარეთ, რომ ერთმანეთის დადებითი ენერგიებით გამოიკვებოთ. კარიერაში ცვლილებები მოსალოდნელია. ეს თქვენს მოთხოვნასა და მიზნების მისაღწევად მუშაობის სურვილზეა დამოკიდებული. ყველა მონაცემი გაქვთ, რომ თქვენი ცხოვრების ხარისხი შეცვალოთ.
თევზებმა საკუთარი ამბიციების დაკმაყოფილებაში პაუზა უნდა აიღონ. ყველაფრის და ერთდროულად მიღება გსურთ, მაგრამ ასე არ ხდება. თუ ტემპს არ შეანელებთ, ჯანმრთელობის სერიოზული პრობლემები შეგაწუხებთ. ამავდროულად, კურდღლის წელი ფინანსურად საკმაოდ წარმატებული იქნება. გახსოვდეთ, რომ ეს სფერო სათანადო დაგეგმვის გარეშე სისტემატურად არ იმუშავებს.
