კბილის პასტით წმენდა რუტინაა. პასტას მხოლოდ კბილების საწმენდ საშუალებად აღვიქვამთ, თუმცა არაპირდაპირი დანიშნულებით ძალიან ეფექტურად შეგიძლიათ გამოიყენოთ. Paparazzi გთავაზობთ მეთოდებს, რომელთა გამოყენებით კბილის პასტა თქვენი შეუცვლელი დამხმარე გახდება
კბილის პასტით წმენდა – ვიცით, რომ პასტა კბილების გაწმენდაში, ასევე მათ გათეთრებასა და დაცვაში გვეხმარება. დღეს მისი გამოყენების სხვა მეთოდებზე გიამბობთ. კბილის პასტა არა მხოლოდ პირადი ჰიგიენის, არამედ დასუფთავების საქმეშიც თქვენი მოკავშირე შეიძლება გახდეს. სხვადასხვა ზედაპირებს იდეალურად წმენდს. ამისთვის ერთი ხრიკი უნდა იცოდეთ.
გირჩევთ, კბილის პასტა გამოყენებამდე საყინულეში შეინახოთ. აბსურდულად ჟღერს, მაგრამ შესანიშნავად მუშაობს. აღსანიშნავია, რომ მეთოდი დიასახლისებს შორის სულ უფრო პოპულარული ხდება. რა საჭიროა პასტის გაყინვა? ასე მოსახერხებელია. გაყინული პასტა ისე შეგიძლიათ გამოიყენოთ, როგორც ღრუბელი. გაყინული პასტით ლაქა შეგიძლიათ გახეხოთ და გაწმინდოთ. პასტის უბრალოდ წასმაზე უფრო ეფექტური მეთოდია. მოსახერხებელია, თუ ყინულის კუბების სათადარიგო უჯრა გაქვთ. პარკი გადააფარეთ და პასტა ფორმაში მოათავსეთ. საყინულეში მინიმუმ 5 საათით მოათავსეთ. ასე მოსახერხებელ კუბებად გაყინავთ, რომელიც მოგვიანებით სახლის დასასუფთავებლად შეგიძლიათ გამოიყენოთ.
რა შეგიძლიათ გაწმინდოთ კბილის პასტით – გაყინული კუბი თითქმის ნებისმიერ ზედაპირზე შეგიძლიათ გამოიყენოთ. მაგალითად, ხის საჭრელი დაფის საწმენდად. არა მხოლოდ ჭუჭყს, არამედ უსიამოვნო სუნს აშორებს. ასე საყვარელ დაფას თევზის ან ხახვის დაჭრის შემდეგ გადაარჩენთ. უსიამოვნო სუნის კვალი არ დარჩება. ახალაღმოჩენილი საშუალება ობის გასაქრობად შეგიძლიათ გამოიყენოთ. კბილის პასტა ბაქტერიებს შესანიშნავად უმკლავდება და ზედაპირებს დეზინფექციას უტარებს. ხის იატაკსა და პლინტუსებზე თამამად შეგიძლიათ გამოიყენოთ.
კიდევ ერთი რამ, რასაც კბილის პასტა უმკლავდება, დანა–ჩანგლებზე ნადებია. გაყინული პასტით ნადების მოშორებას და ძველებური ბზინვარების დაბრუნებას შეძლებთ. ასეთივე ეფექტურობით ნადებს უთოსაც აშორებს. ზოგადად, ნებისმიერ რთულ ლაქას მოგაშორებთ.
კბილის პასტით წმენდა რაღაც ახალ დონეზე ავიდა. ვინ იფიქრებდა, რომ უბრალო პასტა სახლის დალაგებაში შეუცვლელი დამხმარე გახდებოდა. გირჩევთ, ეს მეთოდი გამოიყენოთ და თავად დარწმუნდეთ, რამდენად ეფექტურია. სასიამოვნო და მარტივ დალაგებას გისურვებთ.
