უკვე სამი წელი გავიდა მას შემდეგ, რაც გიორგის ცოლად გავყევი. მთელი ამ დროის მანძილზე გიორგის პატარა ერთოთახიან ბინაში ვცხოვრობდით.ცოტა ხნის წინ შუაღამისას ჩემი დედამთილი გვესტუმრა. ის ტიროდა და ძალიან შეშინებული იყო. აღმოჩნდა, რომ მას და მის ქმარს ეჩხუბათ.
ჩემი მამამთილი უხეში კაცია, ხშირად სვამს. ის მუდმივად შეურაცხყოფს თავის მეუღლეს. ჩემმა დედამთილმა მთელი ცხოვრება ასე გაატარა. ახლა ის 64 წლის არის. მას ასეთი ცხოვრება მოსწყინდა და ქმართან განქორწინება გადაწყვიტა. ის ახლა ჩვენთან იცხოვრებს.
სად? ჩვენს ერთოთახიან ბინაში?ჩემს დედამთილს გასაშლელი საწოლი დავუდგით. სად? ჩვენი საწოლის გვერდზე.ახლა ორსულად ვარ. სახლში თავს კომფორტულად ვერ ვგრძნობ. ახლა მე და ჩემს ქმარს ნორმალურად დალაპარაკების შესაძლებლობა არ გვაქვს, არ შეგვიძლია იმის გაკეთება, რაც მოგვინდება.
ჩემი დედამთილი საჭმელს თავად ამზადებს და სახლსაც ის ალაგებს. მე ძალიან ბევრი თავისუფალი დრო მაქვს. ახლა ძალიან ცუდი ამინდებია და სამსახურის შემდეგ სასეირნოდ აღარ მივდივარ, პირდაპირ სახლში ვბრუნდები. მაგრამ, სახლში დაბრუნება საერთოდ არ მინდა. ჩემი დედამთილი გამუდმებით თავის სერიალებს უყურებს.
გიორგი წინააღმდეგი არ არის, რომ დედამისმა ჩვენთან ერთად იცხოვროს. მე კი ზუსტად ვიცი, რომ ისიც კი არ მენდომებოდა, რომ ჩვენთან დედაჩემს ეცხოვრა.ერთხელ ჩემს დედამთილს ვკითხე, უნდოდა თუ არა თავის ქმართან დაბრუნება და ხომ არ ენატრება იგი.
მან მიპასუხა რომ არა, არ ენატრება და მასთან დაბრუნება არ უნდა. ის ჩვენთან იცხოვრებს და მე დამეხმარება ბავშვის მოვლაში.გიორგის ვკითხე: როგორ ვიცხოვრებთ ყველა ერთად ბავშვის დაბადების შემდეგ? ჩვენ ხომ ძალიან ვიწროდ ვიქნებით?
გიორგიმ კი მითხრა, რომ საბუთების მიხედვით ეს ერთოთახიანი ბინა დედამისს ეკუთვნის. განქორწინების შემთხვევაში მამას ოროთახიანი ბინა დარჩება, დედას კი – ეს ერთოთახიანი ბინა, სადაც ვცხოვრობთ.აღმოჩნდა, რომ დედამ გიორგის უბრალოდ ამ ბინაში ცხოვრების უფლება მისცა. მან კი გაარემონტა და მრავალი წელი ამ ბინაში იცხოვრა. საბუთების მიხედვით კი გიორგის ამ ბინაზე არავითარი უფლება არ გააჩნია.
საერთოდ არ მესმის ჩემი დედამთილის: ამდენ ხანს უთმენდა თავის ქმარს, ახლა კი უცებ განქორწინება მოინდომა! მთელი ცხოვრება ითმენდა შეურაცხყოფას და დამცირებას, ახლა კი უცებ გადაწყვიტა ქმართან დაშორება.მალე დეკრეტულში გავალ და მშობიარობამდე სახლში ჯდომა მომიწევს. წარმოდგენა არ მაქვს, როგორ უნდა ვიყო მთელი დღე ჩემს დედამთილთან ერთად.
ჩემი დედამთილი საერთოდ არ არის აკურატული. მუდმივად ყველაფერს ღვრის, ჭურჭელს ამტვრევს, თავის ტანსაცმელს ყრის ყველგან. ის მუდმივად ტელევიზორს უყურებს. ტელევიზორი მთელი დღე ჩართულია.ბოლო დროს ჩემი დედამთილი მოგონებებშია გადავარდნილი. ის თავისი ახალგაზრდობის ამბებს მიყვება. რაში მჭირდება ამ ყველაფრის ცოდნა?
ზუსტად ვიცი, რომ ჩემს დედამთილთან ერთად ერთ ბინაში ვერ ვიცხოვრებ. რა გავაკეთო, უბრალოდ არ ვიცი.იქნებ, ჩემი დედამთილ-მამამთილის შერიგება ვცადო? თუმცა, ზუსტად არ ვიცი, შევძლებ თუ არა.
