არიან ქალები, რომლებიც სერიოზულად ფიქრობენ, როგორ წამოიყვანონ მამაკაცი ოჯახიდან. ეს მათი უფლებაა, არავის ვკიცხავთ. რა უნდა გააკეთონ, თუ საქმე ნამდვილ სიყვარულს ეხება? მარი უკვე წლებია საყვარლის როლშია. თან შეყვარებული ცოლთან განქორწინებას არ აპირებს. აქვს უფლება უკიდურეს ზომას მიმართოს მამაკაცის ხელში ჩასაგდებად.
„ჩემი ოცნების მამაკაცი 3 წლის წინ გავიცანი. ეს ბარში მოხდა. ჩვენს შორის ნაპერწკალმა გაიელვა. ერთად გატარებული საღამოს შემდეგ ჩემს სახლში წავედით. ვგრძნობდი, თითქოს ამ მამაკაცს მთელი ცხოვრება ვიცნობდი. ეს სულიერი ნათესაობის გრძნობა იყო. მაშინ წარმოდგენა არ მქონდა, რომ ჩემს ახალ რჩეულს ცოლი ჰყავდა. ამის შესახებ 1 თვიანი ურთიერთობის შემდეგ მითხრა. მე, სულელი, ვერაფერს ვხვდებოდი, თუმცა ყოველთვის ჩუმად ვხვდებოდით: ხან ჩემს სახლში, ხან სასტუმროში, რომლის ნომერს ის ქირაობდა.
როცა ვაჟას ოჯახზე გავიგე, მივხდი, რომ საყვარელი გავხდი. ერთი მხრივ, სინდისი მაწუხებდა. ვერ ვიფიქრებდი, რომ ოდესმე ამ როლს მოვირგებდი. მეორე მხრივ, უბრალოდ ბედნიერება მსურდა. ამ კაცის გვერდით ასე ვიყავი. ვხედავდი, რომ ვაჟა ჩემთან კარგად იყო. ერთმანეთის სიახლოვით სიამოვნებას ვიღებდით და ამქვეყნად ყველაფერზე ვსაუბრობდით. მასზე თითქმის ყველაფერი ვიცოდი, ბავშვობის მოგონებებიდან დაწყებული და დასრულებული იმით, როგორ გაიცნო მისი ცოლი. შვილები არ ჰყავდა და ეს მამშვიდებდა. გულწრფელად მჯეროდა, რომ ადრე თუ გვიან ცოლს მიატოვებდა. თავიდან მინიშნებასაც არ ვცდილობდი. მსურდა გამეგო, რა სურდა ვაჟას ჩვენი ურთიერთობისგან. დროთა განმავლობაში არაფერი შეიცვალა. ერთმანეთს ჩუმად ვხვდებოდით, რამდენიმე კვირა ერთმანეთი შეიძლება არ გვენახა, შემდეგ ისევ ჩნდებოდა, თითქოს არაფერი მომხდარა.
საყვარლის როლმა დამღალა. პირველ რიგში, რაღაც გარკვეულობა მჭირდებოდა. ვაჟას ცხოვრებაში მეორე ნომერი არ მომწონდა. მეორეც, მისი ცოლი მეცოდებოდა. რამდენი წელი ცხოვრობს და არ იცის სიმართლე. უბედური ქალი ამას არ იმსახურებს. 6 თვის წინ ვაჟასთან ჩვენს მომავალზე ავლაპარაკდი. პირდაპირ ვუთხარი, რომ მსურს განქორწინდეს, თუ ჩვენი ურთიერთობა მისთვის ცარიელი ფრაზა არაა. მანიპულირება არ მსურდა, მაგრამ ამან შედეგი არ მოიტანა. მითხრა, რომ ცოლს არ მიატოვებს, რადგან ასეთ ტკივილს ვერ მიაყენებს. თითქოს, სკოლიდან იცნობს და მისთვის ცოლი იდეალური ქალია. ეს რაღაც უფრო მეტია, ვიდრე უბრალო სიყვარული ან ვნება. თავი საშინლად ვიგრძენი, მზად ვიყავი, მის თვალწინ ავტირებულიყავი. მეორე დღეს მტკიცედ გადავწყვიტე, რომ სასურველის მისაღწევად ყველაფერი გამეკეთებინა. როგორ წამოვიყვანო კაცი ოჯახიდან? უკონფლიქტო ადამიანი ხარ. არ მინდა ხმამაღლა და ულტიმატუმებით საუბარი.
საუკეთესო მეგობარი მთავაზობს ვაჟას ვუთხრა, რომ ორსულად ვარ. ასე ცოლს სწრაფად მიატოვებს, რადგან დიდი ხანია მამობაზე ოცნებობს. მოგვიანებით, როცა ყველაფერი გამოვა, სპექტაკლი გავათამაშო, რომ ორსულობა შეწყდა. გეგმასავით ჟღერს, მაგრამ საიმედო არაა. წინააღმდეგი არ ვარ, რომ ვაჟასგან ბავშვი გავაჩინო. 25 წლის ვარ და დედობაზე არაერთხელ დავფიქრებულვარ. ვაჟა შესანიშნავი მამა იქნებოდა. არ ვიცი, რა გავაკეთო. ვგრძნობ, რომ ვთამაშობ თამაშს, სადაც გამარჯვებული არავინაა. საკითხავია, რამდენად სერიოზული იქნება შედეგები. რატომ არ შეუძლია, ცოლის მიტოვება?“
ნებისმიერ ქალს, რომელიც საყვარელი შეგნებულად გახდა, უნდა ესმოდეს, რომ მამაკაცი ვალდებული არაა, მის გამო ცოლი მიატოვოს. მსგავსი ურთიერთობა ყოველთვის სარისკოა. ეს მორალური არჩევანია, რომელსაც აკეთებთ, როცა ცოლიან კაცთან ურთიერთობას იწყებთ. მისგან რაიმეს მოთხოვნა უბრალოდ სისულელეა. ასეთ ურთიერთობას მომავალი უბრალოდ არ აქვს.
