გქონიათ შემთხვევა, რომ კარადაში შენახულ ტანსაცმელს უსიამოვნო სუნი ასდის? ამას რამდენიმე მიზეზი შეიძლება ჰქონდეს, მაგრამ ერთი რამ ნათელია. პრობლემა სწრაფად უნდა მოაგვაროთ. Paparazzi გიამბობთ, როგორ მოიშოროთ უსიამოვნო სუნი კარადაში ზედმეტი ქიმიის გარეშე. პატარა ხრიკებს გიზიარებთ.
ტანსაცმელს უსიამოვნო სუნი ასდის – ცოტა ხნის წინ შევნიშნე, რომ კარადაში უსიამოვნო სუნია. ეს განსაკუთრებით იგრძნობა, როცა ვიღებ ნივთს, რომელიც დიდი ხანია არ ჩამიცვამს. ეს ხომ ძველი კარადა არაა. რაშია საქმე და როგორ გამოვასწორო სიტუაცია? საკითხის გარკვევა დავიწყე და საყოფაცხოვრებო ცოდნის ყულაბა რამდენიმე ხრიკით შევავსე.
მიზეზი, რატომ აქვს კარადაში ტანსაცმელს უსიამოვნო სუნი, რამდენიმეა. პირველ რიგში, ავეჯი ბანალურად ძველი შეიძლება იყოს. მძაფრი არომატი ხის ძველ ავეჯში ხშირად გვხდება. სამწუხაროდ, მისი მოშორება თითქმის შეუძლებელია. მეორეც, ნივთებს შეიძლება არასწორად ინახავთ. თუ სუფთა და ჭუჭყიან ტანსაცმელს, ასევე სხვა ნივთებს ერთსა და იმავე ადგილას ინახავთ, სისუფთავის დაკარგვამ არ გაგაკვირვოთ. საიდან მოდის? კარადაში ჰაერი არ მოძრაობს, რადგან ხშირად დახურულია. თაროებზე დაწყობილი ნივთები ტენს იწოვს და ასე უსიამოვნო სუნი ჩნდება. ამის თავიდან ასაცილებლად კარადაში ტუალეტის ქაღალდის რულონი შეინახეთ. წინასწარ საყვარელი ეთერზეთით დანამეთ. ყველაფერი გენიალური მარტივია!
როგორ მოვიშოროთ უსიამოვნო არომატი გარდერობში – თუ საკმარისი დრო და სურვილი გაქვთ, კარადა კაპიტალურად დაალაგეთ. უსიამოვნო სუნის მოსაშორებლად კარგად გაასუფთავეთ. ავეჯი ტანსაცმლისგან გაათავისუფლეთ. ტანსაცმელი გადარეცხეთ. კარადა ავეჯის საწმენდი საშუალებებით გაწმინდეთ. საუკეთესო ეფექტისთვის წყლის და სარეცხი საპნის ნარევით გაწმინდეთ. შემდეგ ღია დატოვეთ, რომ კარგად განიავდეს. ყველა კარი და ფანჯარა (ან აივანი) გააღეთ, რომ კარადა რამდენიმე დღის განმავლობაში კარგად განიავდეს. კარადა კედელს მოაშორეთ და უკანა კედლის მდგომარეობა შეამოწმეთ. ხშირად ავეჯის ეს ნაწილი ობის გავრცელების ადგილია, რომლის გამოც უსიამოვნო არომატი ჩნდება. თუნდაც ავეჯის გვერდები და უკანა კედელი ნორმალურ მდგომარეობაში იყოს, წყალბადის ზეჟანგით დაამუშავეთ. ამ შემთხვევაში საპროფილაქტიკოდ. თუ კარადა ძალიან ძველია, სიტუაციის გადარჩენა შეგიძლიათ სცადოთ. ამისთვის კარადის შიდა კედლები ხარისხიანი საღებავით გადაღებეთ.
ყველა პროცედურის დასრულების შემდეგ კარადა სუფთა ტანსაცმლით შეგიძლიათ გაავსოთ. ტანსაცმელი სრულიად მშრალი უნდა იყოს, ეს მნიშვნელოვანია. ნივთებს შორის სპეციალური არომატული საშე სხვადასხვა ბალახებით მოათავსეთ, თუ ხრიკი ტუალეტის ქაღალდით არ მოგეწონათ. ნაჭრის ქისები ყავის მარცვლებით ან ჩაით გამოგადგებათ. დარიჩინი და მიხაკი არა მხოლოდ უსიამოვნო სუნს მოგაშორებთ, არამედ ჩრჩილის გაჩენას თავიდან აგაცილებთ. კარადაში ახალი საპონი და მშრალი სუნამო შეგიძლიათ შეინახოთ, ეფექტურად მუშაობს.
თუ კარადაში უსიამოვნო სუნის მთავარი მიზეზი ტენიანობაა, ტუალეტის ქაღალდის ნაცვლად აქტივირებული ნახშირი გამოიყენეთ. უბრალოდ ყველა თაროზე დააწყვეთ. ის ზედმეტ ტენიანობას იწოვს და არომატს მოგაშორებთ. აბები ყოველთვე გამოცვალეთ. პროფილაქტიკისთვის კედრისგან დამზადებული სპეციალური აქსესუარები გამოიყენეთ. ამ ხეს ნებისმიერი უსიამოვნო სუნის შთანთქმა შეუძლია და კარადაში მის გავრცელებას ხელს უშლის. შედეგად, ტანსაცმელს სასიამოვნო სუნი აქვს და ყველა კმაყოფილია.
