პაპარაცის დღევანდელ სტატიაში მამაკაცი გვიამბობს, რას აკეთებდა კარანტინის დროს თვითიზოლაციაში.
როგორ გამიხარდა, როდესაც კარანტინი გამოაცხადეს! ვფიქრობდი, რომ აუცილებლად გამოვნახავდი ჩემთვის რაიმე საქმიანობას. თურმე, როგორ ვცდებოდი!
დღე პირველი. რა კარგია კარანტინის დროს სახლში ყოფნა! ინტერნეტი არის, მობილური ტელეფონი არის და ტელევიზორიც… რასაც გინდა უყურე და რამდენხანსაც გინდა უყურე. მეგობრებს შეგიძლია საათობით ელაპარაკო. ძალიან მაგარია!
დღე მეორე. ძალიან მაინტერესებს: რატომ არის წიწიბურას თითოეულ შეფუთვაში მარცვლების განსხვავებული რაოდენობა?
დღე მესამე. მოვიწყინე. გადავწყვიტე, რომ ჭაღზე აზიდვა გამეკეთებინა. ნუ გაიმეორებთ ჩემს შეცდომებს! გადამოწმებულია პირადი გამოცდილებით: ის ადამიანის წონას ვერ უძლებს.
დღე მეოთხე. ძაღლის გასეირნების რიგში ჩავეწერე. რიგი ძალიან დიდია: მე ოცდამეჩვიდმეტე ვარ. ჩემი მეზობლის ძაღლს ცხოვრებაში ამდენი არ უსეირნია, რაც წინა სამ დღეს ისეირნა.
დღე მეხუთე. რატომ ვერ მოვახერხე სკოლის წლებში “ომი და მშვიდობის” წაკითხვა? რა უნდა მის წაკითხვას! პატარა მოთხრობაა!
დღე მეექვსე. გამოაცხადეს, რომ კარანტინი გახანგრძლივდა. მეზობლები სიხარულისგან დათვრნენ და ღამე ხმამაღლა მღეროდნენ. ორმა მეზობელმა თვითიზოლაციის სირთულეებს ვერ გაუძლო და ფანჯრიდან გადახტა.
დღე მეშვიდე. სოციალური ქსელის მთელი კედელი გადავიკითხე. ადრე მეგონა, რომ ის უსასრულო იყო, მაგრამ, სამწუხაროდ, დღესვე დავამთავრე.
დაიწყო კარანტინის მეორე კვირა.
რა გავაკეთო? მგონი, მოვიფიქრე! ამბობენ, რომ ჩინური ენა ძალიან რთულია. მისი შესწავლა ძალიან რთულია – 1000 იეროგლიფი უნდა შეისწავლო! შესანიშნავია, ახლა სამი დღის მანძილზე ნამდვილად ვიქნები დაკავებული.
მერე რა უნდა ვაკეთო?!
