ნებისმიერი გრძელვადიანი მოგზაურობა სასტუმროში ან სხვა ადგილას დასახლებას გულისხმობს. სამწუხაროდ, 100%–ით დარწმუნებული ვერ იქნებით, რომ თქვენი დროებითი საცხოვრებელი აბსოლუტურად სუფთაა. რა თქმა უნდა, სასტუმროში ნომრებს რეგულარულად ასუფთავებენ, მაგრამ ხარისხში დარწმუნებული ვერ იქნებით. დღეს ვისაუბრებთ, რა უნდა გააკეთოთ, სანამ ნომერში ნივთებს ამოალაგებთ. Paparazzi გიამბობთ, რას უნდა მიაქციოთ ყურადღება და რატომ უნდა გაიტანოთ მანამდე ჩემოდანი სააბაზანო ოთახში.
სასტუმროს ნომრის დასუფთავება – მოკლედ, ნომრის გასაღები აიღეთ. ახლა ნომერი კარგად დაათვალიერეთ. პირველ რიგში, თეთრეულს დააკვირდით. სავარაუდოდ, საშუალო კლასის სასტუმროშიც თეთრეული სუფთა იქნება. და მაინც, უმჯობესია დააკვირდეთ. მას არც ისე ხშირად რეცხავენ. მისი სისუფთავე კითხვებს იწვევს, უმჯობესია დაკეცოთ და არ გამოიყენოთ.
ვფიქრობთ, ბევრი ვერ მიხვდება, რომ სასტუმროს ნომერში ყველაზე ჭუჭყიანი ტელევიზორის პულტია. შანსი, რომ მას ყოველი სტუმრის წასვლის შემდეგ წმენდენ, თითქმის არაა. სწორედ ამიტომ, სადეზინფექციო და ანტისეპტიკური საშუალებები თან იქონიეთ. მათი დახმარებით ნებისმიერ ზედაპირს გაწმენდთ. პირველ რიგში, სხვადასხვა მოწყობილობის პულტი უნდა გაწმინდოთ. გაწმინდეთ ყველაფერი, რასაც ხშირად ეხებით: ჩამრთველები, კარის სახელური, სასტუმროს ტელეფონი. აქ ყველაფერი თქვენს ზიზღიანობაზე დამოკიდებულია. ჰიგიენის წესები არ უგულებელყოთ. ასე ჯანმრთელობის შენარჩუნებას შეძლებთ.
უსიამოვნო მეზობლები – ნომრებში ხშირად უსიამოვნო მწერები ცხოვრობენ. საწოლის ტკიპებს სასტუმროში დასახლება უყვართ. ნომერი შესვლისთანავე შეამოწმეთ. აქ მივედით იმ საკითხამდე, რატომ უნდა გაიტანოთ ჩემოდანი აბაზანაში. უმჯობესია, ეს ნომრის შემოწმებამდე გააკეთოთ. სანამ ოთახს სისუფთავეზე ამოწმებთ, ტკიპები თქვენს ნივთებში შეიძლება შეძვრეს. სქემა მარტივია: შედიხართ ნომერში, ჩემოდანი სააბაზანოში გაგაქვთ, შემდეგ დეტალურად ათვალიერებთ. თუ შიშობთ, რომ ჩემოდანი დაისვრება, პარკში გაახვიეთ. ნივთი, რომელიც გზაში გამოგადგებათ. ოთახი დაათვალიერეთ და შეამოწმეთ, ხომ არ არის მწერები კარადაში, საწოლის ქვეშ და ზეწრის ქვეშ. პუფებს და ბალიშებს ყურადღება მიაქციეთ.
კიდევ რა უნდა შეამოწმოთ – სასურველია, რომ შეამოწმოთ კონდიციონერის მუშაობა, ასევე ონკანის წყალი, უნიტაზის ავზი, ნომერში არსებული ტექნიკების მუშაობა. თუ რაღაც არ მუშაობს, სასტუმროს პერსონალს მაშინვე უთხარით. ასე პრობლემას მანამ მოაგვარებთ, სანამ პრობლემა გახდება.
სასტუმროში ნომრის დასუფთავება სერვისის აუცილებელი ნაწილია, რომელშიც ფულს იხდით. ეს იმას არ ნიშნავს, რომ ყველაფერი კარგად შესრულებულია. უმჯობესია, ყველაფერი შეამოწმოთ, რომ დასვენება ან სამუშაო მივლინება არ ჩაგეშხამოთ.
