ვაჟის ნანატრი ქორწინება ნაზის კოშმარად გადაიქცა. ქალს რძალი მაშინვე არ მოეწონა, მაგრამ შვილი დედის ნათქვამს არ უსმენდა. მტკიცედ გადაწყვეტილი ჰქონდა. Paparazzi გიამბობთ, რა შედეგი გამოიწვია ნათესავების ერთობლივმა ცხოვრებამ და რატომ არ მოუტანა ვაჟის განქორწინებამ დედას კარგი არაფერი.
„გულწრფელად, წარმოდგენა არ მინდოდა, როგორ დაქორწინდებოდა ჩემი ვაჟი და მიმატოვებდა. სულ ერთად ვცხოვრობთ და სოსო ჩემი ცხოვრების ყველაზე მნიშვნელოვანი ადამიანია. როცა სახლში რძალი მოიყვანა, კინაღამ გული გამისკდა. მაშინვე მივხვდი, რომ ნათია მისი შესაფერისი არაა. ეს ქალბატონო ისე გამოიყურებოდა, თითქოს მხოლოდ საკუთარ თავზე ფიქრობდა. საბოლოოდ, ასეც მოხდა. სოსოს გადარწმუნებას ვცდილობდი, მაგრამ მაინც დაოჯახდნენ. დაჟინებით ვითხოვდი, რომ ახალგაზრდებს ჩემთან ეცხოვრათ, რადგან მე და ჩემს შვილს სამოთახიანი ბინა გვქონდა. გამიმართლა, რომ რძალს წინააღმდეგობა არ გაუწევია. ჩხუბი ნამდვილად არ მინდოდა.
ერთად ცხოვრება დავიწყეთ. ბედნიერი ვიყავი, რომ დილით ადრე ადგომა და შვილისთვის საუზმის მომზადება შემეძლო. ყველაფერი ისე, როგორც მას უყვარს: შემწვარი კვერცხი, კატლეტი, ახალი სალათი. რა თქმა უნდა, ნათიაც დილით ადრე დგებოდა, მაგრამ ყველაფერი სრულდებოდა იმით, რომ თავისთვის ყავას იდუღებდა და თითქოს სამუშაოდ ნოუთბუქთან ჯდებოდა. ოფისში წასვლა არ სჭირდებოდა. საწოლში მოკალათდა და ესეც სამუშაო ადგილი. არ მესმის. ჩემთვის სამსახური შრომააა. ყოველთვის ფეხზე უნდა იდგე. სწორედ ამიტომ, ჩემი ბინა ყოველთვის ბრწყინავს და სურნელოვანია. სამზარეულოში ნამდვილი ჯადოქრობა ტრიალებს. შვილს ხომ სადილი და ვახშამი უნდა მოვუმზადო.
ამ ბალაგანში 10 წელი ვიცხოვრეთ. ნათიამ ორი შვილი გააჩინა, მაგრამ შვილიშვილების მიმართ დიდი სიმპათია არ მაქვს. ჩემს ვაჟს საერთოდ არ გვანან. რაღაც ვიეჭვე: რძალი მოგულავე მყავს! შვილი ჩემს არგუმენტებს არ უსმენდა. ცოლი უგონოდ უყვარდა. რაღაც პერიოდის შემდეგ გაუჩერებლად სმა დაიწყო. სანამ რძალს მშვიდად ეძინა, სოსოს უბან–უბან ვეძებდი და საეჭვო კომპანიებიდან გამომყავდა. შემდეგ ვაფხიზლებდი და მორიგ გართობამდე მასზე ვზრუნავდი. ნათიას ეს არ ადარდებდა. ამის გამო კიდევ უფრო არ მიყვარს. ვინ თუ არა მას შეეძლო ჩემი შვილი ამ მდგომარეობამდე მიეყვანა. ეს ქალი ჩემი სოსოს ღირსი არაა! ნათიას ღალატში დადანაშაულება არ მინდოდა, მაგრამ შვილიშვილებთან ურთიერთობა მეზიზღებოდა. ვგრძნობდი, რომ რძალი რაღაცას არ ამბობს. როგორ გამიხარდა, როცა ჩემი შვილი ამ უწესო ქალს საბოლოოდ დაშორდა.
ყველაფერი თავის ადგილს დაუბრუნდა. 1 წლის შემდეგ შევამჩნიე, რომ სოსო შეიცვალა. მთელ ხელფასს აღარ მაძლევდა. ეცვა რაღაც ახალი ნივთები, რომელიც მე არ მიყიდია. რაღაც სხვა სუნი ასდის. ნამდვილად შეყვარებულია! სწრაფად გაცნობის სურვილი არ გამომითქვამს, მაგრამ რამდენიმე თვის შემდეგ მაინც ვკითხე, როდის გამაცნობდა თავის ახალ გატაცებას. „მას იცნობ, ეს ნათიაა!“ – უხერხულად მიპასუხა. აღმოჩნდა, რომ ჩემი შვილი ყოფილ ცოლს ხვდება. წარმოუდგენელია! გადაწყვიტეს, რომ ერთად ცხოვრება არ გამოსდით. აი, კვირაში რამდენჯერმე შეხვედრა იდეალურია. ბავშვებს მამა ჰყავთ, ხოლო ნათიას ქმარი რამდენიმე საათით. ნამდვილი სიგიჟეა. არ მესმის, რას ფიქრობდა ჩემი ვაჟი, როცა მეორედ ამ მდინარეში შევიდა. რა გავაკეთო, წარმოდგენა არ მაქვს“.
რა უნდა გააკეთოს ნაზიმ? პირველ რიგში, შვილის პირად ცხოვრებაში ჩარევა შეწყვიტოს. აშკარაა, რომ სოსო კლასიკური დედიკოს ბიჭია. მიჩვეულია, რომ დედა მისთვის ყველაფერს აკეთებს. ადრე თუ გვიან ეს პროგრამა კრახს განიცდის. დედა მზად არაა, რომ ზრდასრულ შვილს შეუძლია იცხოვროს საკუთარი ცხოვრებით, სადაც მისი ადგილი არაა.
