ექსპერტმა მამაკაცს უთხრა, რომ მის მეუღლეს აშკარა პრობლემები აღენიშნებოდა. როგორც კი ის 30 წუთით დაიგვიანებდა, ქალი მაშინვე მასთან დარეკვას იწყებდა. ცოლი მას წიგნების კითხვას აიძულებდა და ის მხოლოდ იმ ფილმებს უყურებდა, რომლებიც მის ცოლს მოსწონდა. ქალი საწყალ კაცს სპორტდარბაზში სიარულს აიძულებდა.
მან ქმარი სწორ დაბალანსებულ კვებაზე გადაიყვანა. მას არ მოუთხოვია, რომ სწორ კვებაზე გადასულიყო, უბრალოდ მავნესა და ცხიმიანს არაფერს ამზადებდა. მამაკაცმა თამბაქოს მოხმარებაც მიატოვა. ის მეგობრებს იშვიათად ხვდებოდა, რადგან მათ დალევა უყვართ, მისთვის კი ალკოჰოლის მოხმარება აკრძალულია.
ეს მამაკაცი დამცირებასა და დიქტატურას იტანდა. როდესაც სპეციალისტმა თვალი აუხილა, მან გადაწყვიტა, რომ რაიმე მოემოქმედა. ჯოჯოხეთური ცხოვრება ათი წლის მანძილზე – ეს სახუმარო არ არის! ის თითქოს ციხეში ცხოვრობდა. მამაკაცმა გადაწყვიტა, რომ ყველაფერი ცოლის საწინააღმდეგოდ გაეკეთებინა, გული გადაუშალა და თავისი გრძნობების შესახებ ესაუბრა. მან ისიც კი გადაწყვიტა, რომ საცხოვრებლად ცალკე გადასულიყო და მარტო ცხოვრება ეცადა. ცოლს ის არ შეუკავებია.
მე დავინტერესდი: “რას ფლობდით დაქორწინების მომენტისთვის?” მან მიპასუხა: “არაფერი არ მქონდა, არც სახლი და არც მანქანა. ის ნამდვილად სიყვარულით გამომყვა და არა რაიმე სარგებლის მიღების მიზნით. ან იქნებ, ჩემნაირ რბილ ადამიანს ეძებდა, რათა მისთვის ფრთები მოეჭრა”.
“ახლა რა გაქვთ?” – ვკითხე მე. მან კი მიპასუხა: “ბინა, მანქანა, აგარაკი, ერთობლივი ბიზნესიც გვაქვს. ჩვენი ბიჭი სკოლაში მივიდა.
ბურანი ვიყიდეთ და ტყეში ყველა ერთად ვერთობით. დიდი ოჯახი გვაქვს. ყველა ჯანმრთელები ვართ და ფული არ გვაკლია…” შევაწყვეტინე და ვუთხარი: “გამოდის, რომ ტირანთან შეხვედრამდე არაფერი გქონდათ, ახლა კი გაქვთ. ჯანმრთელობაც გაგიუმჯობესდათ, მავნე ჩვევებიც მოიშორეთ, სტატუსიც გაქვთ, ერთგული მეგობრებიც გყავთ, თქვენს ოჯახს პატივს სცემენ და ის სამაგალითოა. არ გქონდათ არც ჯანმრთელობა, არც ბედნიერება, არც ოჯახი, არც სიმდიდრე – ახლა კი გაქვთ”.
მან მიპასუხა: “ყველაფერს საკუთარი ძალებით მივაღწიეთ!”.
“და თქვენ ამბობთ, რომ ფრთები დაგაჭრეს და თავისუფლება წაგართვეს? გირეკავთ, ნერვიულობს, უყვარხართ, განიცდის. რამე რომ დაგემართოთ, ვინ მოგძებნით? ის კი ყველგან მოგძებნით, რაც არ უნდა მოხდეს. თქვენ ალბათ არ იცით, რა არის საყვარელ ადამიანზე ზრუნვა.
თქვენ ალბათ გადამეტებული ყურადღება და ზრუნვა მოგბეზრდათ. თქვენი მეუღლე თქვენს საზღვრებს არღვევს და გზღუდავთ. მაგრამ თქვენ შედეგზე იფიქრეთ, მის გარეშე ამ ყველაფერს ვერ მიაღწევდით! სანამ საყვარელ ადამიანს რამეში დაადანაშაულებდეთ, დაფიქრდით, რა ამოძრავებს მას”.
მამაკაცი ჩამოჯდა და გაჩუმდა. მან აღიარა, რომ თავისი ოჯახი ძალიან უყვარს. მეგობრები ცოტანი დარჩნენ: ზოგმა სმა დაიწყო, ზოგი გარდაიცვალა, ზოგი ციხეშია. მისი ცოლი კი ძალიან გემრიელ კერძებს ამზადებს, ის უკვე გადაეჩვია ცხიმიანებს, ძეხვებს და მაიონეზებს. სიგარეტიც აღარ უნდა. სახლში სიმშვიდეა და სიმყუდროვე.
რა კარგია, როდესაც გაქვს სახლი და გყავს ადამიანები, ვინც გიყვარს. რას მიაღწევდა ის თავისი მეუღლის მხარდაჭერის გარეშე? მეუღლეს მისთვის ფრთები არ მოუჭრია, მან ფრთები გააშლევინა. ახლა მას ყველაფერი აქვს და რაც ყველაზე მთავარია, ჰყავს მეუღლე და შვილი. ის სახლში გაიქცა… ცოლმა უკვე მეორედ დაურეკა…
