ტაფაზე პურის ნაცვლად კვერების შეწვა ნებისმიერს შეუძლია, მაგრამ ნამდვილად გემრიელი მხოლოდ ტაფების და ქვაბების ოსტატს, უკრაინელ მზარეულს ევგენი კლოპოტენკოს გამოსდის. Paparazzi გიამბობთ, როგორ გააკეთოთ არომატული ინდური პური ნაანი.
კვერი პურის ნაცვლად ტაფაზე – ბევრ დიასახლისს სახლში პურის გამოცხობა არ უყვარს, რადგან დიდ დროს მოითხოვს. თუ ეს საფუარის ცომია, მოზელაზე, გაბრტყელებასა და ცხობაზე დიდი დროის დახარჯვა მოგიწევთ. ინდური პური ნაანი, რომელიც ახლო აღმოსავლეთის ქვეყნებში ცნობილია, უფრო მარტივად მზადდება. გირჩევთ, მოამზადოთ და თავად შეამოწმოთ.
ინგრედიენტები:
- 500 გ ხორბლის ფქვილი
- 100 მლ კეფირი (2,5%)
- 100 მლ თბილი წყალი
- 20 გ ცოცხალი საფუარი
- 85 გ კარაქი (82,5%)
- 1 ს/კ მცენარეული ზეთი
- 1 ჩ/კ შაქარი
- 0,5 ჩ/კ მარილი
მომზადების წესი:
- პირველ რიგში, საფუარის ცომისთვის ცომის ხაში მოამზადეთ. საფუარი, შაქარი და თბილი წყალი აურიეთ. ტემპერატურა მნიშვნელოვანია. 40 გრადუსს არ უნდა აჭარბებდეს, თუ არა საფუარი მოკვდება. 10 წუთით გააჩერეთ, რომ საფუარი შაქრიან წყალში გააქტიურდეს. შედეგად, ქაფი წარმოიქმნება.
- 60 გ კარაქი წყლის ორთქლზე გაადნეთ (დანარჩენი კვერებზე წასასმელად დაგჭირდებათ). ფქვილი, მარილი, კეფირი და გამდნარი კარაქი აურიეთ. საფუარის ნარევი დაუმატეთ და ცომი მოზილეთ. თუ ხელზე ძალიან გეწებებათ, ცოტა ფქვილი დაუმატეთ.
- ცომი დააგუნდავეთ და ზეთწასმულ ან ფქვილმოყრილ თასში გადაიტანეთ. პირსახოცი ან პარკი დააფარეთ და 1 საათით ამოსასვლელად გააჩერეთ.
- ამოსული ცომი ჩაზილეთ და ძეხვის ფორმა მიეცით. 8 თანაბარ ნაწილად გაჭერით და თითოეულიდან მაქსიმუმ 15 სმ დიამეტრის და 2-3 სმ სისქის კვერი გააკეთეთ.
- ტაფა გააცხელეთ და მცენარეული ზეთი წაუსვით. ეს სუფთად რომ გააკეთოთ, საკონდიტრო ფუნჯი გამოიყენეთ. კვერები ორივე მხრიდან შეწვით. ტაფაზე თავსახურის დახურვა საჭირო არაა. როცა ერთ მხარეს მოწითალო ბუშტები გამოჩნდება, ეს ნიშანია, რომ შეგიძლიათ გადაატრიალოთ.
- მზა კვერებს დარჩენილი კარაქი წაუსვით. გემრიელად მიირთვით.
ინდური პური ნაანი კარგია იმით, რომ როგორც თბილი, ასევე ცივი გემრიელია. ჰერმეტულ პაკეტში შეინახეთ, რომ კვერი დიდხანს რბილი და ახალი დარჩეს. ასეთი კვერი მშრალი საფუარით შეგიძლიათ მოამზადოთ. როგორც წესი, ცოცხალ საფუარზე 2–ჯერ ნაკლებია საჭირო, თუმცა გირჩევთ საფუარის შეფუთვაზე მითითებულ ინფორმაციას გადახედოთ.
