თაფლიანი ნამცხვრის გემო ერთდროულად კექსს და თაფლაკვერს გვახსენებს, მაგრამ უფრო ნამცხვარია. ასეთ დესერტს კვერცხის და რძის გარეშე ვეგანი შვილისთვის ვაცხობ, მაგრამ მას მხოლოდ ნაფშვენები ხვდება. საოცრად გემრიელია, განსაკუთრებით სანელებლების მოყვარულთათვის. ამ რეცეპტში ბევრი სანელებელი შედის. Paparazzi გიამბობთ, როგორ მოამზადოთ თაფლიანი ნამცხვარი სახლში. ოჯახის წევრები დესერტს წამებში გააქრობენ.
ინგრედიენტები:
- 3 ს/კ თაფლი
- 1 ჭიქა ჩაი (წყლით ან წვენით შეგიძლიათ ჩაანაცვლოთ)
- 0,5 ჭიქა დანამატი (კაკალი, ჩირი)
- 1 ჭიქა შაქარი
- 0,5 ჭიქა მცენარეული ზეთი
- 2 ჭიქა ფქვილი
- 2 ს/კ კაკაო
- 1 ჩ/კ სოდა
- 0,5 ჩ/კ დარიჩინი, კოჭა, ილი
- მწიკვი მარილი, მიხაკი და შავი წიწაკა
მომზადების წესი:
- ჩაი წინასწარ მოადუღეთ და გააცივეთ. სქელძირიან ქვაბში ჩაასხით. შაქარი, თაფლი და ზეთი დაუმატეთ. სუსტ ცეცხლზე შაქრის გადნობამდე მოათავსეთ, მუდმივად ურიეთ. ქურიდან გადმოდგით, სოდა დაუმატეთ და სათქვეფით კარგად აურიეთ.
- ცალკე ფქვილი და კაკაო აურიეთ. სანელებლები, მწიკვი ან დანის წვერით მიხაკი დაუმატეთ და სილიკონის სპატულით აურიეთ.
- თხევადი მასა ცომის მოსაზელ თასში გადაიტანეთ, მარილი დაუმატეთ. მშრალი ინგრედიენტები ორ ეტაპად დაუმატეთ. ერთგვაროვანი მასის მიღებამდე კარგად აურიეთ.
- ბოლოს ნებისმიერი დანამატი დაუმატეთ. მაგალითად, კაკალი, ჩირი. ხმელი შტოშიც უხდება. საცხობ ფორმას (30×22სმ) პერგამენტი დააფინეთ, ცომი ჩაასხით და სპატულით გაასწორეთ. 180 გრადუსზე ნახევარი საათით აცხვეთ. მზაობა ხის ჩხირით შეამოწმეთ.
- მზა ნამცხვარს გაგრილება აცადეთ, შემდეგ სუფრაზე გაიტანეთ. გემრიელად მიირთვით.
ამბობენ, რომ ასეთი თაფლიანი დესერტი 1–2 დღის შემდეგ უფრო გემრიელი ხდება. ვფიქრობთ, ამის გაგება გაგიჭირდებათ, რადგან ოჯახის წევრები მაშინვე დაამთავრებენ. ახალგამომცხვარი ძალიან გემრიელია. ჰაეროვანი, სველი და არომატული გამოდის. რძესთან ერთად იდეალურია.
