ბებიას სალაროსთან უპატივცემულოდ მოექცნენ, მაგრამ სამართლიანობამ გაიმარჯვა

0
2301

ეს ამბავი მაღაზიის რიგში მოხდა. გოგონას მახლობლად, რომელიც აშკარად სილიკონის მოყვარული ჩანდა, გაურკვეველი ეროვნების დაკუნთული მამაკაცი იდგა.

ვფიქრობ, ეს სურათი უკვე წარმოიდგინეთ. მათ წინ მოხუცი ქალი იდგა, რომელიც ვერაფრით ვერ იხდიდა 1 კილოგრამი ვაშლის საფასურს. ეს ორი უნიკალური არსება ძალიან შეწუხდა და მათ ხმამაღლა კვნესა დაიწყეს. სანახაობა არც თუ ისე სასიამოვნო იყო.

მინდოდა მივსულიყავი და ბებიის ნაცვლად ფული მე გადამეხადა, რათა ეს საზიზღარი ხმები არ მომესმინა.

– დამცინით? მიბრძანდით, თანხა სწორად დაითვალეთ და მერე დაბრუნდით! – უყვირა უხეშმა მოლარემ.

ამ სიტყვების შემდეგ ბებია განზე გადგა და რიგი სხვამ დაიკავა.

– რატომ უშვებენ ასეთ ადამიანებს სუპერმარკეტში? ფული არ გაქვს – სახლში იჯექი – ხმა ამოიღო სილიკონის მოყვარულმა.

– მართალს ამბობ, პატარავ. – მხარი დაუჭირა დაკუნთულმა.

– თქვენ ვერ წარმოიდგენთ, რამხელა პრობლემებს იწვევენ ეს მოხუცები, – საუბარში ჩაერთო მოლარე.

გაოგნებული ვიდექი.

– ნორმალურები ხართ? მოხუცების მიმართ პატივისცემა არ გაგაჩნიათ? – ვერ მოვითმინე მე.

– თავი ყველაზე ჭკვიანი გგონია? რა იცი ჩვენი სამსახურის სიმძიმის შესახებ? – ჩვეულ სტილში მიპასუხა მოლარემ.

უცებ რიგს ლამაზ კოსტუმში გამოწყობილი სიმპათიური მამაკაცი გამოეყო.

– გამარჯობა! პირველ რიგში ჯარიმა გადაიხადეთ, შემდეგ კი ეს ადგილი გაათავისუფლეთ. თქვენ აქ აღარ მუშაობთ, – მან მტვირთავს დაუძახა.

მამაკაცმა მას პროდუქტებით სავსე პარკები გადასცა.

– ეს იმ მოხუცს ქალბატონს მიუტანეთ და აიღოს რაც დასჭირდება. თანხას კი მოლარე გადაიხდის.

– თავს რის უფლებას აძლევთ? – ყვიროდა მოლარე.

– მე ამ დაწესებულების გენერალური დირექტორი ვარ, – მშვიდად უპასუხა მამაკაცმა.

– ნუ იგონებთ! გენერალურ დირექტორს ძალიან კარგად ვიცნობ! – არ ჩერდებოდა მოლარე.

– პატივცემულო, მე ამ მაღაზიათა ქსელის გენერალური დირექტორი ვარ, – მშვიდად განაგრძო მან. – თქვენ შეგიძლიათ ახლავე დატოვოთ აქაურობა.

ის მუშასთან ერთად იმ მოხუცი ქალისკენ გაემართა, ფული მისცა და უთხრა, რომ დღეიდან მის მოვალეობაში ამ ქალბატონისთვის ყოველთვიურად პროდუქტების მიტანაც შედიოდა.

– აუცილებლად! – მუშამ გახარებულმა დაუქნია თავი.

– მშვენიერია! გთხოვთ, ახალი მოლარე მოიყვანოთ, – მამაკაცმა მითითება მისცა მაღაზიის მენეჯერს.

სამართლიანობამ გაიმარჯვა!