უნდა ვაღიარო, ძალიან ზარმაცი დიასახლისი ვარ. თითქოს ხელები იქედან მეზრდება, საიდანაც საჭიროა, მაგრამ გრძელი რეცეპტები საგონებელში მაგდებს. თუ ბევრი მოქმედება სჭირდება, საქმე ბოლომდე არ მიმყავს და ვნებდები. ჩემს მენიუში მხოლოდ მარტივი კერძებია. მაგალითად, წიწიბურას წვნიანი კარტოფილით. ბებია სოფელში ასეთ წვნიანს მიმზადებდა. ამ რეცეპტს ხშირად ვუბრუნდები. როგორც ამბობენ, წვნიანი ცულიდან. სამაგიეროდ, როგორი გემრიელია! Paparazzi ამ საოცარი წვნიანის რეცეპტს გიზიარებთ.
ინგრედიენტები:
- 3 ლ წყალი
- 1 ჭიქა წიწიბურას მარცვლეული
- 3 კარტოფილი
- სტაფილო
- ხახვი
- მარილი და წიწაკა გემოვნებით
მომზადების წესი:
- რა თქმა უნდა, მარტივად მზადდება. წყალი ქვაბში ჩაასხით და ქურაზე დადგით.
- სანამ წყალი ცხელდება, ხახვი დაჭერით. სტაფილო წვრილად გახეხეთ. ხახვი და სტაფილო ტაფაზე შეწვით. ჯერ ხახვი ოქროსფერ შეფერილობამდე, შემდეგ სტაფილო, რომ შეწითლდეს. ამ ეტაპზე მარილი და წიწაკა გემოვნებით დაუმატეთ.
- ადუღებულ წყალს გარეცხილი წიწიბურა დაუმატეთ.
- კარტოფილი გათალეთ და კუბებად დაჭერით. წიწიბურას ჩაყრის შემდეგ წყლის ადუღებას დაელოდეთ. რამდენიმე წუთით მოიცადეთ და დაჭრილი კარტოფილი დაუმატეთ.
- წვნიანი სუსტ ცეცხლზე ხარშეთ. დაახლოებით 20–30 წუთი სჭირდება.ეს კარტოფილზეა დამოკიდებული. როცა წიწიბურა და კარტოფილი მოიხარშება, შემწვარი ხახვი და სტაფილო დაუმატეთ. კიდევ რამდენიმე წუთით ხარშეთ. ახალი მწვანილი გემოსთვის დაუმატეთ.
მარტივი და მსუბუქი წვნიანი მზადაა. დამატებით, ცალკე ხორცი შეგიძლიათ გამოაცხოთ ან თევზი მოამზადოთ. ეს თქვენს გემოვნებაზეა დამოკიდებული. ზოგჯერ მხოლოდ ეს წვნიანი მინდა, რადგან სოფელში ბებიასთან არდადეგებს მახსენებს. როცა სუფთა ჰაერზე მთელი დღე თამაშის შემდეგ მშიერი და დაღლილი ბრუნდები და ბებიას წვნიანი გამოაქვს. მასთან ერთად ახალგამომცხვარი პური. ახლაც წვნიანს მივირთმევ და სულში სითბოს ვგრძნობ. თითქოს ისევ 6 წლის ვარ, გარეთ მზიანი ზაფხულია, ბებიასთან ვისვენებ და ზრდასრულ ცხოვრებაზე არაფერი ვიცი. ასე უბრალო წიწიბურას წვნიანი კარტოფილით ნამდვილი დელიკატესი ხდება.
