ჩემს არსენალში არის ერთი კერძი, რომლის გამოც კარადიდან საგვარეულო ბროლი გამომაქვს. ადრე ასე დედაჩემი აკეთებდა, ახლა მე. სასადილო მაგიდა მაშინვე გარდაიქმნება და სადღესასწაულო ხდება. კორეული სტაფილოთი სალათის რეცეპტიც მემკვიდრეობით მივიღე, თუ ასე შეიძლება თქმა. წასახემსებელს დედაჩემიც და ბებიაჩემიც აკეთებდა. თითებს ჩაიკვნეტთ!
სალათი კორეული სტაფილოთი – ეს სალათი სხვადასხვა მეთოდით შეგიძლიათ მოამზადოთ. მაგალითად, ინგრედიენტები ფენებად შეგიძლიათ ჩააწყოთ და ფენებს შორის მაიონეზი წაუსვათ ან უბრალოდ აურიოთ. განწყობის მიხედვით! მთავარია, რომ სალათი კორეული სტაფილოთი და მწვანილით გააფორმოთ. ამ ფერების კომბინაცია ბროლის ჭურჭელთან ტანდემში ძალიან ლამაზად გამოიყურება.
ინგრედიენტები:
- 200 გ სტაფილო კორეულად
- 3-4 კვერცხი
- 200 გ დაკონსერვებული სიმინდი
- 2 კბილი ნიორი
- 100 გ შებოლილი ან მოხარშული ქათმის ბარკალი
- მაიონეზი გემოვნებით
- მწვანილი გემოვნებით
- მარილი გემოვნებით
მომზადების წესი:
- სალათი სასაცილოდ მარტივად მზადდება. პირველ რიგში, კვერცხი კარგად მოხარშეთ. შემდეგ კვერცხი გაფრცქვენით და პატარა კუბებად დაჭერით.
- თუ სალათს ფენებად ამზადებთ, კვერცხის ნახევარი ბროლის პატარა თასის ძირში ჩადეთ. შემდეგ მაიონეზს დაჭყლეტილი ნიორი დაუმატეთ და სოუსს აურიეთ. სოუსი სალათის პირველ ფენას წაუსვით.
- შემდეგი ფენა შებოლილი ქათმის ბარკალია. ხორცი დააქუცმაცეთ და ნაწილი კვერცხს და მაიონეზს მოაყარეთ. შემდეგ დაკონსერვებული სიმინდი მოაყარეთ და ისევ ნივრიანი მაიონეზი წაუსვით.
- ახლა კორეულად დაჭრილი სტაფილო დაუმატეთ და ფენების გამეორება დაიწყეთ. როგორც წესი, ბროლის პატარა თასში ყველა ინგრედიენტის ორ ფენად ჩადებას შეძლებთ. მთავარია, რომ ბოლოს სტაფილოს და მწვანილის ქუდით გააფორმოთ. მაგალითად, კამით ან ოხრახუშით. მზადაა.
რეცეპტში მარილია მითითებული, მაგრამ შეგიძლიათ ამოიღოთ, რადგან მაიონეზის გემო და ნივრის სიცხარე საკმარისია. თუ ინგრედიენტების შერევას აპირებთ, ქათმის ხორცი და კვერცხის ცილა თხელ ზოლებად დაჭერით. ხოლო კვერცხის გული დაფშვენით. სტაფილო კორეულად ბევრ სხვა პროდუქტს ეთავსება. ექსპერიმენტების არ შეგეშინდეთ და რაღაც ახალი მოამზადეთ. მაგალითად, სალათს შეგიძლიათ დაუმატოთ ახალი კიტრი და პეკინის კომბოსტო ან გამომცხვარი ბოსტნეულით მოამზადეთ. სტაფილოს, დაკონსერვებული ლობიოს და ბოლოკის კომბინაციაც კარგია. სცადეთ!
