პაპარაცის დღევანდელ სტატიაში – ახალგაზრდა ქალი საკუთარი მეგობრის ისტორიას გვიამბობს.
ჩემს მეგობარს მეუღლე გარდაეცვალა. თათა თავის შვილთან ერთად მშობლებთან გადავიდა საცხოვრებლად. ცოტა ხნის შემდეგ მას თაყვანისმცემელი გამოუჩნდა, რომელმაც ოჯახის შექმნა შესთავაზა. ქორწილი შედგა. ქმარი თათას ხელისგულზე ატარებდა, მისი შვილი კი საკუთარი შვილივით მიიღო.
ოჯახი მეგობრულად ცხოვრობდა, მუდმივად სადღაც დადიოდნენ გასართობად. ყოველთვის სამივე ერთად იყვნენ, როგორც ნამდვილი ბედნიერი ოჯახი. ცოტა ხანში თათას და ნიკას გოგონა შეეძინათ, რომელსაც სალომე დაარქვეს. ნიკასა და გიორგის შორის ურთიერთობა მაშინვე შეიცვალა, ის მას უხეშ შენიშვნებს აძლევდა, მუდმივად იმას ეუბნებოდა, რომ დედამისის კუდი იყო.
სალომეს დაბადების დღე იყო. გოგონას ულოცავდნენ და საჩუქრებს ჩუქნიდნენ. როდესაც ნასვამმა მამამ სადღეგრძელო წარმოთქვა, ყველა გაოგნებულები დავრჩით. ის დიდხანს ლაპარაკობდა იმაზე, თუ როგორი შესანიშნავი ქალიშვილი ჰყავს, რომ ის მისი ცხოვრების სიხარულია და მისი ერთადერთი შვილი. ყველა გავოცდით, თუ რატომ არაფერი თქვა ვაჟზე, რომელსაც ბავშვობიდან საკუთარი შვილივით ზრდიდა. რაზეც ნასვამმა მშობელმა გვიპასუხა, რომ ის მისი შვილი სულაც არ არის და როგორც კი 18 წლის გახდება, სახლიდან წასვლა მოუწევს. თუმცა ის მხოლოდ ამით არ შემოიფარგლა, ის შეურაცხყოფას აყენებდა თავის მეუღლეს და ამბობდა, რომ სავარაუდოდ სახლიდან მასაც გააგდებდა. ანუ, წასასვლელი არსად აქვსო და მე უნდა დამიჯეროს, რათა სახლიდან არ გავაგდოო.
ამ სიტყვების შემდეგ, თათა სუფრიდან ადგა და თავისი ნივთების ჩასალაგებლად წავიდა. სტუმრები აწრიალდნენ, ყველა ეკითხებოდა, სად უნდა წასულიყო ორ ბავშვთან ერთად, რაზეც ქალმა უპასუხა, რომ ჯერ თავის მშობლებთან გაემგზავრებოდა, შემდეგ კი თავის ბინას გაარემონტებდა და იქ გადავიდოდა. ყველას და მათ შორის მის მეუღლესაც ძალიან გაუკვირდა, მათ არ იცოდნენ, რომ თათას საკუთარი ბინა ჰქონდა. მაშინ თათამ ყველას უამბო, რომ 20 წლის წინ ბებია გარდაეცვალა და მისი ბინა მემკვიდრეობით თათას დედას ერგო. პირველად რომ გათხოვდა, ეს სახლი არ დასჭირდა, რადგან მის ქმარს საკუთარი სახლი ჰქონდა. ამიტომ თათამ და მისმა მშობლებმა ის ბინა გააქირავეს, ფულს კი ბანკში აგროვებდნენ. მას შემდეგ ანგარიშიდან თანხა არავის მოუხსნია, ამიტომაც მნიშვნელოვანი თანხა დაგროვდა. ეს თანხა ბინის გასარემონტებლად სრულიად საკმარისი იქნება. თათას მამა კი მას ყოველთვის ეუბნებოდა, რომ ეს ბინა მისი იყო და შეეძლო საკუთარი სურვილის მიხედვით განეკარგა. გარდა ამისა, მას საკუთარი ოთახი მშობლების ბინაშიც აქვს.
ქალები თამთას ურჩევდნენ, რომ ნაჩქარევი გადაწყვეტილებების მიღებისაგან თავი შეეკავებინა, რაზეც ქალმა უპასუხა, რომ ქმარი უკვე გაფრთხილებული ჰყავდა, რომ თუ მის შვილს აწყენინებდა, ის სახლიდან წავიდოდა. მის ქმარს არ სჯეროდა. მისი შვილი ამ კაცს მამად მიიჩნევდა, ახლა კი ის ათას უსიამოვნო რაღაცებს ამბობს მის მიმართ და ამით გულს ტკენს მას. დიახ, თავდაპირველად ნიკამ გიორგი საკუთარი შვილივით მიიღო, მასზე ზრუნავდა, საბავშვო ბაღში ატარებდა, რამდენჯერმე მშობელთა კრებაზეც კი ყოფილა, მერე კი ყველაფერი შეიცვალა. ახლა მისთვის ყველაზე მნიშვნელოვანი მისი ქალიშვილი იყო, თითქოს მას თამთა მხოლოდ იმისთვის სჭირდებოდა, რომ მისთვის შვილი გაეჩინა. ოჯახის მამა შეურაცხყოფას აყენებდა როგორც საკუთარი ქალიშვილის დედას, ასევე მის ვაჟსაც.
თამთას გამგზავრებაში ჩვენ დავეხმარეთ. გამგზავრების წინ მან თავის ქმარს წერილი და საკუთარი მისამართი დაუტოვა. მან აგრეთვე მისწერა, რომ თუ გონს მოეგება და მიხვდება რაც ჩაიდინა, მაშინ მას ერთი შანსი კიდევ მიეცემა. თამთა თავის ოჯახთან რჩება, ის კი – მარტო, ამიტომ ნიკა უნდა დაფიქრდეს.
