ძაღლი ერთგული და გულწრფელი მეგობარია არა მხოლოდ უფროსებისთვის, არამედ ბავშვებისთვისაც. ამაში ამერიკელი მელანი სმიტი პირადი გამოცდილებით დარწმუნდა. ქალს და მის ქმარს თავშესაფრიდან ცხოველები არაერთხელ გამოუყვანიათ. ერთხელ კი ძაღლი გამოიყვანეს, რომელსაც ცეზარი ერქვა.
ცხოველი ძალიან დატანჯული იყო. მისი ყოფილი მფლობელები ძალიან ბოროტი და სასტიკი ადამიანები იყვნენ. მისი პატრონები მას ისე ცუდად ექცეოდნენ, რომ ძაღლს პანიკურად ეშინოდა ყველასი, ვინც ორ ფეხზე დადიოდა. მელანიმ და მისმა მეუღლემ დიდი ძალისხმევა დახარჯეს იმისთვის, ცხოველის ადამიანებისადმი ნდობა დაბრუნებოდა, მაგრამ ამ ყველაფერს შედეგი არ გამოუღია.
სიტუაცია მხოლოდ მას შემდეგ შეიცვალა, რაც წყვილს მეორე შვილი შეეძინა – ვაჟი, სახელად არჩი. ეს ბავშვი მათი მეორე შვილია. უნდა აღინიშნოს, რომ ძაღლს საშინლად ეშინოდა ლორასი, მათი უფროსი ქალიშვილის. მას შემდეგ, რაც ცეზარმა არჩი პირველად დაინახა, ის მყისიერად შეიცვალა.
სამშობიაროდან დაბრუნების შემდეგ მელანიმ მაშინვე ასუნინა ძაღლს თავისი ახალშობილი. ძაღლი მუდამ თან დაჰყვებოდა მელანის, როდესაც მას პატარა არჩი ხელში ეჭირა. მას შემდეგ რაც ბავშვი გაიზარდა და დამოუკიდებლად დაიწყო მოძრაობა, ძაღლი მას ერთი ნაბიჯითაც არ შორდებოდა.
ცეზარი და არჩი განუყრელ მეგობრებად იქცნენ. ძაღლს ინტერესი გაუჩნდა მის გარშემო არსებული სამყაროს მიმართ, ის ძალიან შეიცვალა. ჩაკეტილი და შიშისგან აკანკალებული ცხოველიდან ის კეთილ და მხიარულ ცხოველად გადაიქცა. ახლა მას ადამიანების მიმართ შიში სამუდამოდ გაუქრა.
ძაღლი ბავშვთან ერთად ცელქობს, თამაშობს და სძინავს კიდეც. მელანი სოციალურ ქსელებში დარეგისტრირდა და საკუთარ გვერდზე მუდმივად აქვეყნებს არჩის ფოტოებს ძაღლთან ერთად.
ორი ზრდასრული ადამიანისა და ორი ბავშვის გარდა სმიტების სახლში სამი ძაღლი და ამდენივე კატა ცხოვრობს. მელანი ხუმრობით თავის სახლს გადავსებულ კიდობანს უწოდებს.
ამ საოცარი ადამიანების სახლში არასოდეს მოიწყენ და ქალს ეს უხარია! მის სახლში ხომ ყოველთვის ხმამაღალი სიცილი ისმის! ეს კი ყველაზე მნიშვნელოვანია!
