პაპარაცის დღევანდელ სტატიაში – საკუთარ ისტორიას გიორგი გვიამბობს.
მე პატარა კომპანიის დირექტორი ვარ. ოჯახში ერთი მანქანა გვყავს. მანქანა რატომ ვახსენე, ამას ამ ისტორიის ბოლოს მიხვდებით.
ცოტა ხნის წინ დიასახლისის ვაკანსია გამოვაცხადე. კადრების განყოფილების თანამშრომლებმა სწრაფად იპოვეს ადამიანი, ვინც ჩვენთან დიასახლისად იმუშავებდა. ის არც კი მინახავს ისე მოვაწერე ხელი განცხადებას და ყოველდღიური საქმეებით დავკავდი.
ოფისში სისუფთავე შესამჩნევად გაუმჯობესდა. დიასახლისს კადრების განყოფილების თანამშრომელი აკონტროლებდა, რომელმაც დაგეგმილ შეხვედრაზე მაცნობა, რომ სამუშაო დღის დაწყებამდე ოფისი სრული წესრიგში იქნებოდა.
ხელფასების გადახედვისას ავტომატურად შევნიშნე, რომ დიასახლისი ჩემთან შეთანხმებულ 500 ლარს ღებულობდა. გარკვეული პერიოდის შემდეგ ჩვენი ახალი თანამშრომელის შესახებ საერთოდ აღარ მახსოვდა, რადგან ოფისში არასოდეს შევხვედრილვართ, თინა თავის საქმეს დილით ადრე აკეთებდა.
ერთ დღეს კაბინეტის კარზე მომიკაკუნეს. სტუმარი შემოვიპატიჟე და დავინახე სიმპათიური ქალბატონი, რომელიც თავაზიანად ჩამოჯდა ჩემს მიერ შეთავაზებულ სკამზე.
დროის დაზოგვის მიზნით, ვთხოვე, რომ პირდაპირ მოეხსენებინა სათქმელი.
ქალბატონს ერთი სათხოვარი ჰქონდა:
-წინააღმდეგი ხომ არ იქნებით, თუ შუადღის 2 საათისთვის ავტოსამრეცხაოთი ვისარგებლებ, თანამშრომლებისათვის განკუთვნილი ფასდაკლებით?
ჩემი რეაქცია მის კითხვაზე ცოტა ემოციური იყო:
-თანამშრომლებისთვის განკუთვნილ ფასდაკლებასთან თქვენ რა კავშირი გაქვთ?
-მე თქვენთან ქლინინგით ვარ დაკავებული.
ახალმოდური სიტყვის სწრაფად გააზრების შემდეგ, ცოტათი დაბნეულმა ვუპასუხე:
-დიახ, რა თქმა უნდა…
ინტერესის გამო, დაახლოებით ოცი წუთის შემდეგ ფანჯრიდან ჩვენს ავტოსამრეცხაოს გადავხედე. თავიდან ვერ მივხვდი რა ხდებოდა, რადგან ჩვენი ავტოსამრეცხაო ჩაწერით მუშაობს და ამ დროს აქ ერთის ნაცვლად ერთდროულად სამი მანქანა იდგა. თანაც როგორი მანქანები! ძვირადღირებული უცხოური მანქანები!
უფროს ოსტატთან ზარმა ყველაფერს ნათელი მოჰფინა. ესენი ჩვენი დიასახლისის ოჯახის წევრები იყვნენ. ერთ-ერთ მანქანაში თავად ისიც დავინახე, რომელმაც თავდაჯერებულად შეიყვანა მანქანა სამრეცხაოში.
როგორც მოგვიანებით კადრების განყოფილების თანამშრომელმა გაარკვია, თინა თხუთმეტ კომპანიაში მუშაობს და მუშაობას საღამოს 6 საათზე ამთავრებს. შემდეგ კი – ოჯახი და დასვენება. არ ვიცი, რა შემოსავალი აქვთ მისი ოჯახის მამაკაცებს, მაგრამ ქალისთვის თვეში დაახლოებით ექვსი ათასი ღირსეულ შემოსავალზე მეტია.
ყოჩაღ, ქალბატონო თინა!
