საიმედო მეთოდი, როგორ მოიშოროთ მემინდვრიები ბოსტნეულის დარგვამდე

0
922

მემინდვრია ძალიან საყვარლად გამოიყურება, მაგრამ ფერმერისთვის ეს პატარა არსება ნამდვილი კოშმარია. მღრღნელების შემოსევას კვლებში თითქმის ყველა ძირნაყოფის, ასევე ყვავილების განადგურება შეუძლია. ხეებსა და ბუჩქებზე ძალაც რჩებათ. სააგარაკო სეზონი უკვე დაიწყო, ამიტომ Paparazzi გიამბობთ, როგორ მოიშოროთ დაუპატიჟებელი სტუმრები ნაკვეთზე.

მემინდვრიები – იდეალურია, თუ კვლებს მღრღნელების დასაფრთხობად წინასწარ დაამუშავებთ. ეს სეზონის დაწყებამდე უნდა გააკეთოთ, რომ სეზონზე მავნებლების თავდასხმის შედეგებთან გამკლავება არ მოგიწიოთ. ის არა მხოლოდ ნერგებს და მათ ფესვების სისტემას აზიანებს, არამედ სხვადასხვა უსიამოვნების გადამტანი შეიძლება იყოს. ეს როგორც ადამიანისთვის, ასევე ცხოველისთვის სახიფათოა. გარდა ამისა, მინდვრის თაგვებს შეუძლიათ მიწაში სოროების და გვირაბების გათხრა, რაც მცენარეთა ფესვების სისტემის და ბაღის ან ბოსტნის ინფრასტრუქტურის დაზიანებას იწვევს. მღრღნელებს სხვა მავნებლების გადატანაც შეუძლიათ. სასიამოვნო არაფერია!

კვლებზე დაუპატიჟებელი სტუმრების გამოჩენის თავიდან ასაცილებლად რამდენიმე რამ უნდა გააკეთოთ. პირველ რიგში, ტერიტორია დროულად გაწმინდეთ ნაგვისა და მცენარეული ნარჩენებისგან, რომელიც თაგვებს იზიდავს. მეორეც, ბოსტანი და მისი შემოგარენი მღრღნელების არსებობაზე რეგულარულად შეამოწმეთ. ისინი ნებისმიერ მომენტში შეიძლება გამოჩნდეს. თაგვებთან ბრძოლის სხვადასხვა მეთოდი არსებობს. მაგალითად, სპეციალური რეპელენტები ან ხაფანგები, რომელიც შეგიძლიათ შეიძინოთ ან თავად გააკეთოთ. უფრო ჰუმანურ მეთოდს გთავაზობთ. ასე ბოსტანს მემინდვრიებისგან მარტივად გაასუფთავებთ.

როგორ მოვიშოროთ მემინდვრიები ბოსტანში – რამდენიმე ხალხური მეთოდი შეგიძლიათ გამოიყენოთ. საჭირო არაა სხვადასხვა ქიმიური საშუალება, რომლითაც ცხოველებს უბრალოდ მოკლავთ. დასაშვებია სუნით დაფრთხობა. მინდვრის თაგვს არ მოსწონს კედრის ხის, ლავანდის, როზმარინის და პიტნის ეთერზეთების სუნები. ანწლის არომატს ვერ იტანს, ამიტომ ამ მცენარის ტოტები ბაღში ხეებს შეგიძლიათ მიაკრათ.

მღრღნელების სოროებში შეგიძლიათ ჩადოთ იგივე ანწლი, ასევე ნივრის კბილი, ნიგვზის ან ჭაობის იელის ფოთლები. დარიჩინის ან ჩილის წიწაკის ფხვნილიც შეგიძლიათ ჩაყოთ. ეს პროდუქტები ბუნებრივი რეპელენტების როლს ასრულებს. სხვათა შორის, წიწაკა განსხვავებულად შეგიძლიათ გამოიყენოთ, თუ თაგვები სარდაფში ან საკუჭნაოში გაჩნდა. აიღეთ ცხარე წიწაკა, გაზეთში გაახვიეთ და დაწვით. მნიშვნელოვანია, რომ კვამლმა ოთახი გაავსოს და რამდენიმე დღე შენარჩუნდეს.

მინდვრის თაგვებს ხის ნაცარიც არ მოსწონს. ნივთიერება მღრღნელების თათებზე უსიამოვნო შეგრძნებას ტოვებს, მისი სუნიც აფრთხობს. შედეგად, დაუპატიჟებელი სტუმარი ნაკვეთს ტოვებს. არყის კუპრიც ასე მუშაობს. მისი დახმარებით შეგიძლიათ დაამუშაოთ სახლიც: პლინტუსები, ავეჯის ქვედა ნაწილი და ზღურბლები.

ულტრაბგერითი რეპელენტებიც გამოგადგებათ. მოწყობილობა გამოსცემს ხმის ტალღებს, რომელსაც მღრღნელები ვერ იტანს და ნაკვეთს უბრალოდ ტოვებს. შესანიშნავი მეთოდია, თუ მსგავსი მოწყობილობის შესაძენად საკმარისი ფული გაქვთ. სწრაფი, ეკოლოგიური და მოსახერხებელი!