ყოველწლიურად აგარაკზე მე და ჩემს მეზობელს ფარული შეჯიბრი გვაქვს. ვინ სწრაფად გააშენებს ბოსტანს და ვის უფრო მოვლილი და ლამაზი ბაღი ექნება. მთელი ზამთარი სხვადასხვა მეთოდებს ვეცნობით, რომ გაზაფხულზე პრაქტიკაში გამოვიყენოთ. ახლახანს გავიგე, როგორ იზრდება სტაფილოს თესლი ტუალეტის ქაღალდზე. დეტალურად გიამბობთ!
სტაფილოს თესლი ტუალეტის ქაღალდზე – ყველაზე რთული ნაკვეთზე თესლის დათესვაა. გვსურს, რომ კვლები იყოს სწორი, ხოლო გაღვივებული თესლი ერთმანეთისგან თანაბრად დაშორებული. ბოსტანში სახაზავით ხომ ვერ ივლით! ინტერნეტ სივრცეში ერთ საინტერესო მოწყობილობას წავაწყდი. ესაა სათესი ლენტი, რომელზეც სტაფილოს და სხვა ბოსტნეულის თესლი თანაბრად მოთავსებულია. წარმოვიდგინე, როგორ მოწესრიგებული კვლები მექნებოდა და როგორ შეშურდებოდა მეზობლებს. სანამ ვოცნებობდი და საჭირო თესლის ლენტებს კალათაში ვამატებდი, თანხის დიდი ჯამი მივიღე. ოჯახის ბიუჯეტი ჩემს თანაბარ კვლებს ვერ გაწვდებოდა. უკვე გაზრდილი ნერგების ყიდვა უფრო იაფია. ვებგვერდი ჩავხურე, მაგრამ სათეს ლენტებზე ფიქრი არ მშორდებოდა. სახლში მათი მომზადების მეთოდზე დავფიქრდი.
სტაფილოს დათესვა ბიუჯეტურად – ერთხელ გონება გამინათდა. გამახსენდა, როგორ ვფუთავდით ფანჯრებს ზამთარში მღებავის ლენტით და ფქვილის წებოს ვხარშავდით. გავიფიქრე, რომ ამ მეთოდით სათესი ლენტის გაკეთება შეიძლებოდა. ოღონდ მღებავის ლენტი საკმაოდ სქელია და თესლს გაღვივება გაუჭირდება. აქ ტუალეტის ქაღალდი დამეხმარა. თხელია, წყალში ადვილად იშლება და მისგან თესლი სწრაფად გაღვივდება. მიწას ზიანს არ აყენებს, რადგან სწრაფად ლპება.
საქმეს შევუდექი. ფქვილით და წყლით წებო გავაკეთე. შევაგრილე, რომ თბილ ტემპერატურას თესლი არ დაეზიანებინა. სტაფილოს თესლი საცდელად ავიღე. როგორც კი წებო გაგრილდა, ტუალეტის ქაღალდის ლენტი მაგიდაზე გავშალე. ცენტრში, ერთმანეთისგან თანაბარი დაშორებით წებოს წერტილები წავუსვი. თუ გეომეტრიულ ნიჭში ეჭვი გეპარებათ, სახაზავი და ფანქარი გამოიყენეთ და მონიშნეთ. წებოწასმულ წერტილებზე სტაფილოს თესლები დავაწყვე. სასურველია, რომ არა თითო, არამედ ორ–ორი თესლი მაინც დადოთ. შემდეგ ქაღალდი შუაზე გავკეცე. გრძელი ჯიბე გამოვიდა. გაზაფხულამდე ფრთხილად დავახვიე.
სააგარაკო სეზონზე სტაფილოს თესლი ქაღალდის ლენტზე ავიღე. დაბალი გრძელი ორმო გავაკეთე და რულონი გავშალე. მიწა მოვაყარე და მოვრწყე. იმ სეზონის სტაფილო არასდროს დამავიწყდება. თანაბარი, ლამაზი და დიდი გაიზარდა. კვლები თვალს ახარებდა. მეზობლები მთელი ზაფხული მოდიოდნენ და მეკითხებოდნენ, როგორ მოვახერხე ეს. რა თქმა უნდა, საიდუმლო გავუზიარე. ახლა ზამთარში ფინჯან ჩაიზე ვიკრიბებით და სათეს ლენტებს მომავალი სეზონისთვის ვაკეთებთ.
