ოჯახის შენარჩუნება თუ გსურთ, არასოდეს დადგათ საწოლი კუთხეში და ნუ მოაწყობთ ნივთების საწყობს მის ქვეშ

0
462

სასიამოვნოა, როდესაც დილით დასვენებული, ძალითა და ენერგიით სავსე იღვიძებ. მაგრამ ხშირად ადამიანებს ძილის პრობლემები აწუხებთ. დაღლილობა გროვდება, იწვევს გაღიზიანებას და ადამიანი დეპრესიულ მდგომარეობაში შეჰყავს. უძილობის მიზეზის ძიებაში ბევრი ადამიანი სხვადასხვა სპეციალისტს მიმართავს: ფსიქოლოგებს, მკურნალებს და ეზოთერიკოსებს.

აღმოჩნდა, რომ აღდგენით ძილზე ბევრი რამ მოქმედებს: საწოლის მდებარეობა, ოთახში ჰაერის ტენიანობა, ლეიბის ხარისხი და ა.შ. ჯერ გავარკვიოთ, როგორ მოვათავსოთ საწოლი საძინებელში ისე, რომ დასვენება მაქსიმალურად კომფორტული იყოს.

როგორ დავდგათ საწოლი

რა ახდენს გავლენას საწოლის სწორ მდებარეობაზე? სინამდვილეში, ბევრი რამ. მაგალითად, საწოლის დადგმისას გაითვალისწინეთ სინათლის მხარე. ექსპერიმენტების დროს ექსპერტებმა დაასკვნეს, რომ ძილისთვის ყველაზე ხელსაყრელი პოზიციაა, როდესაც სხეული თავით ჩრდილოეთით ან აღმოსავლეთით არის. თავად გადაწყვიტეთ, როგორ უფრო მოგწონთ.

ასევე მნიშვნელოვანია ის, თუ როგორ არის განლაგებული საწოლი კედელის მიმართ. საწოლისთვის იდეალური ადგილია – ოთახის ცენტრში თავით კედელთან. საწოლის ასეთი მდებარეობა საიმედოობასთან და უსაფრთხოებასთან ასოცირდება. ვინაიდან საწოლის ასე დადგმა ყველას არ შეუძლია, მაშინ საწოლის საზურგე მაინც უნდა ეყრდნობოდეს კედელს.

ოთახის კუთხეებს უმჯობესია თავი აარიდოთ. ორსაწოლიან საწოლს კუთხეში ნუ დადგამთ, რადგან ერთ-ერთი პარტნიორი დათრგუნულ მდგომარეობაში იქნება მისი თავისუფლებისა და დამოუკიდებლობის ხელყოფის განცდის გამო.

ტუმბოები შეგიძლიათ საწოლის თავთან განათავსოთ, მაგრამ ტუმბოს სიმაღლე არ უნდა აღემატებოდეს თავის ბალიშზე დადების დონეს. წინააღმდეგ შემთხვევაში, მძინარე ადამიანს შეიძლება ჰქონდეს მოსალოდნელი საფრთხის განცდა.

მნიშვნელოვანია ასევე საწოლის მდებარეობა კართან მიმართებაში. არ არის რეკომენდებული ძილი ფეხებით ან თავით კარისკენ. შესაძლოა ეს უფრო ცრურწმენებთან იყოს დაკავშირებული, მაგრამ სჯობს თავი აარიდოთ ამ მიმართულებას. სპეციალისტები გვირჩევენ საწოლის განთავსებას ისე, რომ მწოლიარე ადამიანი საძინებლის შესასვლელს ხედავდეს: ადამიანი შეძლებს სიტუაციის გაკონტროლებას და ქვეცნობიერად თავს დაცულად იგრძნობს. მძინარე ადამიანი დერეფნიდან არ უნდა ჩანდეს.

სხვა რჩევები

საწოლი პირდაპირ ფანჯარასთან არ უნდა დადგათ: მძინარე ადამიანი შეიძლება ორპირმა ნიავმა ან უსიამოვნო სიცივემ შეაწუხოს. დილით კი ამომავალი მზე არ მისცემს დილით საწოლში დიდხანს ნებივრობის საშუალებას. რეკომენდებულია საწოლის განთავსება ფანჯრიდან ნახევარი მეტრის ან უფრო მეტის დაშორებით.

თუ ადამიანს რადიატორთან ან გამათბობელთან ახლოს სძინავს, მაშინ გათბობის სეზონზე ადამიანი დისკომფორტს იგრძნობს ჰაერის გაზრდილი სიმშრალის გამო და გაუჭირდება ძილის დროს კომფორტული ტემპერატურის დარეგულირება. საჭიროა ჰაერის დამატენიანებლის ყიდვა და შემოდგომა-ზამთრის პერიოდში ჩართვა, ღამით მაინც.

საძინებელში უზარმაზარი სარკეების არსებობა – საეჭვო იდეაა. პირდაპირ საწოლთან (ან მის ზემოთ) სარკეები არ არის რეკომენდებული, თუ მშვიდი ძილის უზრუნველყოფა გსურთ. ჭაღები, დიდი ნახატები, თაროები, კიბეები – არ არის რეკომენდებული საწოლის ზემოთ, რადგან მათ ქვეშ მძინარე ადამიანები თავს საფრთხეში იგრძნობენ. თავთან დალაგებული ნივთები უარყოფითად იმოქმედებს დადებით ენერგეტიკაზე.

გარდა ამისა, საწოლი უნდა განთავსდეს საყოფაცხოვრებო ტექნიკისგან მოშორებით, რადგან ელექტრომაგნიტური ველი უარყოფითად იმოქმედებს ადამიანის ძილზე. ექსპერტების აზრით, არ შეიძლება საწოლის ქვეშ სხვადასხვა ნივთების დალაგება, თუნდაც ცარიელი ადგილი იყოს. უმჯობესია გადაახარისხოთ ის ნივთები, რომლებსაც არ იყენებთ და გადაყაროთ ყველაფერი, რაც არ გჭირდებათ, გაათავისუფლოთ მათგან კარადა, რათა იქ ის ყველაფერი მოათავსოთ, რაც გჭირდებათ. საწოლის ქვეშ არსებული სივრცე თავისუფალი უნდა იყოს ენერგიის უწყვეტი ნაკადისთვის.

გააანალიზეთ ინფორმაცია, გადაიტანეთ საწოლი საუკეთესო ადგილას და დატკბით სრულფასოვანი დასვენებით და ტკბილი სიზმრებით!