ქალი – ეს არის ძალა, გრაცია, ინტელექტი, შთაგონება და უშუალობა. თუმცა ნებისმიერი ქალი განიცდის ზოგჯერ სიცარიელესა და დაღლილობას. ეჩვენება, რომ ცხოვრებაში ბედნიერება აღარ ექნება და წინ მხოლოდ ნაცრისფერი ყოველდღიურობაა. როგორ გავაცოცხლოთ ჩვენს ცხოვრებაში ფერები და გრძნობები? როგორ დავიჯეროთ ისევ საკუთარი თავის და საკუთარი უნიკალურობის? როდესაც ქალს პირად ცხოვრებაში ყველაფერი წესრიგში აქვს, მაშინ მისი ცხოვრება უფრო ბედნიერი ხდება. როგორ მივაღწიოთ ჰარმონიას ცხოვრებაში, ამას დალაი ლამა გვეტყვის, რომელმაც 5 ბრძნული რჩევა მოგვცა, რომელიც ნებისმიერმა ქალმა უნდა გამოიყენოს.
ცხოვრება უფრო ბედნიერი ხდება
უბედურება ყველას თავისი აქვს. ყოველ საღამოს ვიღაც საკუთარ მარტოობაში იხრჩობა, ვიღაც კი ქმრის გულგრილობის გამო ტირის, რომელიც რამდენიმე წლის წინ მას ხელში აყვანილს ატარებდა. ვიღაც კი ტოქსიკური ურთიერთობების ქსელშია ჩათრეული, რომლის გასაწყვეტად ძალა არ ჰყოფნის. ყველა ოცნებობს ჩიტივით იფრინოს ბედნიერებისა და სიკეთისკენ და უკან მოიტოვოს ყველა პრობლემა და გაჭირვება.
დღეს სამყარო ქაოსშია, სადაც ნივთებს აფასებენ და ადამიანებს იყენებენ. ქალებმა სინაზე დაკარგეს, ისინი მამაკაცებისთვის ძლიერ საყრდენს უნდა წარმოადგენდნენ და შთააგონონ ისინი დიდი საქმეებისთვის. მაგრამ ქალმა არ უნდა აიღოს პასუხისმგებლობა მამაკაცის წარუმატებლობაზე და არ უნდა გაზარდოს მისი თვითშეფასება საკუთარი თავის დამცირებით. თქვენ არ უნდა გადაიქცეთ ისეთ ნივთად, რომელიც ვიღაცის ცხოვრებას ამშვენებს. ქალი მამაკაცის გვერდით ბედნიერი უნდა იყოს.
რამდენად ხშირად ვაქცევთ ჩვენს ტკივილს რაიმე კულტად? ჩვენ მოგვწონს წვრილმანების გამო ტანჯვა, ყველაფრის გულთან მიტანა. მაგრამ ეს თავად ადამიანის არჩევანია – დაიტანჯოს თუ არა. რა თქმა უნდა, ძალიან საწყენია, როდესაც საყვარელი მამაკაცი არ გაფასებს, მაგრამ ეს შენი არჩევანია: იტირო ან ახალ სიმაღლეებს მიაღწიო. გადახედეთ თქვენს ცხოვრებას, გაიაზრეთ ის და მიიღეთ სწორი გადაწყვეტილება განვითარებისთვის.
დალაი ლამას რჩევები, როგორ გავხდეთ უფრო ბედნიერი
ყოველი დილა დაიწყეთ ფიქრით: „დღეს ახალი დღეა. გავიღვიძე, ცოცხალი ვარ, მე აუცილებლად გამიმართლებს. მე მაქვს ჩემი მშვენიერი ცხოვრება ახალი მოვლენებითა და შთაბეჭდილებებით სავსე. ჩემი ცხოვრების ყოველ წამს საკუთარი თავისა და სამყაროს საკეთილდღეოდ ვცხოვრობ”.
იტანჯო ცალმხრივი სიყვარულის გამო ან აიტანო ტირანის ჩაგვრა – ნიშნავს, რომ ცხოვრება ფუჭად გაატარო. აიღეთ პასუხისმგებლობა საკუთარ ცხოვრებაზე, რადგან მეორე შანსი აღარ მოგეცემათ. განქორწინება ან ურთიერთობების დასრულება – ეს არის ცრემლების ღვრის მიზეზი, იმის გამო, რომ თქვენ უარგყვეს. ეს არის მოვლენების გააზრებისა და მათგან გამოცდილების მიღების საშულება.
დანამდვილებით ვერ ვიტყვით, რომ ის მამაკაცი, რომელიც დღეს ჩვენთანაა, ჩვენთვის ბედით არის განკუთვნილი. ამას მხოლოდ დრო და საქმეები გვიჩვენებს. შესაძლოა, სამყარომ ბედის ნამდვილი საჩუქარი მოგიმზადათ და ის, რაც დღეს გსურთ, სინამდვილეში არ გჭირდებათ.
ენდეთ საკუთარ ბედს. ისწავლეთ იყოთ მარტივი და სასიამოვნო ურთიერთობაში, ნუ გადააბრალებთ ყველა პრობლემას მამაკაცს. იმუშავეთ თქვენს კომპლექსებსა და პრობლემებზე და ამის შემდეგ შეხვდებით ნამდვილ მოსიყვარულე მამაკაცს.
ბედნიერი ქალი არის ქალი, რომელიც ჰარმონიაშია საკუთარ თავთან და მთელ სამყაროსთან. ის არის მშვიდი, ემოციურად გაწონასწორებული, ის ტკბება ცხოვრების ყოველი წამით. როდესაც საკუთარი თავის სიყვარულს ისწავლი, ნაკლებად იგრძნობ თავს ცუდად და დაინახავ, როგორ იცვლება შენი ცხოვრება უკეთესობისკენ.
დალაი ლამა დარწმუნებულია, რომ ქალსა და მამაკაცს შორის არ არსებობს ინტელექტუალური განსხვავებები. ყველა ადამიანი თანაბარი უფლებებით არის დაჯილდოვებული. მამაკაცებს ქალების გარეშე არ შეუძლიათ, ქალებს კი მამაკაცების გარეშე. ეს არის სამყაროს წონასწორობის კანონი.
სამყაროში ჰარმონიის მიღწევა შესაძლებელია, თუ მიაღწევთ ჰარმონიას საკუთარ თავთან. დედამიწას სჭირდება ადამიანები, რომლებმაც იციან როგორ იცხოვრონ ბედნიერად და ჰარმონიაში. ისწავლეთ ცხოვრება აქ და ახლა და ამის შემდეგ თქვენი ცხოვრების თითოეულ წამს შეიგრძნობთ.
