სტილისტმა გვიამბო, რომ ხანდაზმული ქალბატონები მოძველებული სტილის ფეხსაცმელს ირჩევენ, რადგან ისინი ქვეცნობიერად მზად არ არიან ცვლილებისთვის

0
154

გაზაფხული მოდის და, თავისთავად, მზე ყოველდღე უფრო კაშკაშად ანათებს ფანჯრებს მიღმა. ეს კი ნიშნავს, რომ არა მხოლოდ ყვავილები და ხეები ყვავის, არამედ ქალბატონებიც. ზამთრის გარდერობი გაზაფხულის გარდერობზე იცვლება: უფრო მსუბუქსა და ქალურზე. ქალები ცდილობენ, რომ რაც შეიძლება მალე ჩაიცვან ლამაზი და მოდური ფეხსაცმელი, რათა უფრო თავდაჯერებულად იარონ. 2023 წლის მოდური ქალის ფეხსაცმელი უკვე გელოდებათ!

რომელ მოდელებს უნდა მიაქციოთ ყურადღება? ამის შესახებ პაპარაცის დღევანდელ სტატიაში ვისაუბრებთ.

ჩვენ უკვე დიდი ხანია მიჩვეულები ვართ, რომ ფეხსაცმელი უნდა იყოს კომფორტული და ლამაზი. სულაც არ გვსურს, რომ ფეხსაცმელმა ქალის ასაკს გაუსვას ხაზი, რადგან ფეხსაცმელი მთავარი აქსესუარია ნებისმიერი ლამაზმანის იმიჯში. დღეს ახალი სეზონის ოთხ ტრენდულ მოდელზე მოგიყვებით.

მომავალი სეზონის ერთ-ერთი ფავორიტი კვლავ ლოფერებია. ნებისმიერი სხვა მოდის აქსესუარის მსგავსად, მათაც გარკვეული ტრანსფორმაცია განიცადეს. ახალ მოდელს უფრო გრძელი ცხვირი აქვს, ვიდრე მის წინამორბედებს. ასევე, ახალ სეზონზე სასურველია შეარჩიოთ ლოფერები უფრო ღრმა ჭრილით. ეს მოდელი ვიზუალურად ფეხს უფრო დახვეწილს, თხელს და გრძელს აჩენს.

ამ სეზონის უცვლელი კომფორტული ფავორიტი – მოკასინებია. ისევე როგორც ლოფერები, ისინი უფრო დაიხვეწა, გახდა უფრო წაგრძელებული. მოკასინის თანამედროვე მოდელი მოკლებულია უხეშ ნაკერებს და მასიურ დეკორს.

ამ სეზონის მოდელსაც უფრო ღრმა ჭრილი აქვს, რომელიც ფეხის ზედმეტ სისავსეს დამალავს და ბევრად უფრო გამხდარს გამოაჩენს. კიდევ ერთი დეტალი, რამაც მოკასინები უფრო ქალური გახადა, არის მასალა. ამ გაზაფხულზე განსაკუთრებით პოპულარული ზამშის მოკასინები იქნება.

როგორი ფეხსაცმელი ვიყიდოთ 2023 წლის გაზაფხულზე

კიდევ ერთი შეუცვლელი რამ ქალის ცხოვრებაში არის ეგრეთ წოდებული “ბალეტკები”. მაგრამ მათ ცოტა რამ აქვთ საერთო გასული სეზონის “ბალეტკებთან”. დღეს ეს არის კომფორტული მოდელი წაგრძელებული ცხვირით და ღრმა ჭრილით. ასევე, ახალ მოდელებს არ აქვთ რაიმე დეკორი, ქვები ან ბაფთები. ლაკონურობა და ელეგანტური სიმარტივე ისევ მოდაშია.

ასევე გირჩევთ, ყურადღება მიაქციოთ მაღალქუსლიან ლოფერებს. ასეთი მოდელი მთლიანად ჩაანაცვლებს ზონარებიან ჩექმას, რომელიც ზედიზედ რამდენიმე სეზონზე იყო აქტუალური. ახალი მოდელი ფეხებს აგრძელებს და უფრო გამხდარს აჩენს.

ეს ლოფერები უხდება როგორც შარვალს, ასევე ნებისმიერი სიგრძის ქვედაბოლოს. თუ სრული წვივები გაქვთ, მაშინ ეს მოდელი მშვენივრად გამოგადგებათ. ის ვიზუალურად აგრძელებს ფეხებს, წვივებს გამხდარს აჩენს, ღრმა ჭრილი კი – მოცულობას მალავს.

თითოეულ ჩვენს მკითხველს ვუსურვებთ, რომ 2023 წლის გაზაფხულმა მხოლოდ დადებით ემოციები და ახალ მიღწევები მოუტანოს. ახალი ცხოვრებისკენ კი უმჯობესია ლამაზი და კომფორტული ფეხსაცმლით იაროთ. სიარულის მანერა ცვლის თქვენს დამოკიდებულებას ცხოვრებისადმი და გჩუქნით სიყვარულს საკუთარი თავის მიმართ.