წესრიგი სამზარეულოში – ყველა დიასახლისის ყველაზე დიდი ოცნებაა. მაგრამ იქ, სადაც მუდმივად რაღაცას ამზადებენ და დიდ დროს ატარებენ, ძნელია სრულყოფილი სისუფთავის შენარჩუნება. განსაკუთრებულად გვსურს, რომ სამზარეულოს პირსახოცები და ხელსახოცები იდეალურად სუფთა იყოს. ეს არის ის, რაც აუცილებლად უნდა იყოს ყველა სამზარეულოში. სამზარეულოს პირსახოცები ძალიან სწრაფად ბინძურდება და მათზე ძნელად მოსაშორებელი ლაქები რჩება. ყველაზე ცუდი მოსაშორებელი მზესუმზირის ზეთის, ტომატის, ბორშის, ჩაის და ყავის ლაქებია. ამოიღებთ თუ არა სუფთა პირსახოცს, ის მაშინვე ჭუჭყიანდება. ეს ძალიან გამაღიზიანებელია!
სამწუხაროდ, ყველაზე ეფექტურ რეცხვაც კი ყოველთვის არ მოაქვს სასურველი შედეგი. დიდი დრო უნდა დახარჯოთ იმისთვის, რათა პირსახოცებს ოდნავ მაინც დაუბრუნოთ მიმზიდველი შესახედაობა. მაგრამ იდეალის მიღწევა ძალიან რთულია. პაპარაცის დღევანდელ სტატიაში გიამბობთ, როგორ უნდა გაკეთდეს ეს მარტივად. როგორ ფიქრობთ, შეიძლება თუ არა ქვაბში ტანსაცმლის გარეცხვა?
ჩვეულებრივი საშუალებები ნივთებს სისუფთავეს უბრუნებს, მაგრამ მათი შესახედაობა აღარ არის იდეალური. ძნელად ამოსაყვანი ლაქები არა მარტო ჯდება ქსოვილში, არამედ უსიამოვნო სუნსაც ტოვებს, რომელსაც სარეცხი საშუალება ვერ აშორებს. და ხშირად ხდება, რომ ახლახან შეძენილი პირსახოცი აღარ არის გამოსადეგი მისი შესახედაობის ან სუნის გამო.
ასეთ შემთხვევებში, მრავალი დიასახლისი ყველაზე სასტიკ საშუალებებს მიმართავს და იწყებს მათეთრებლის გამოყენებას. მაგრამ, შეიძლება ტანსაცმლის მათეთრებელით გარეცხვა? უმეტეს შემთხვევაში, მათეთრებელი ლაქებს არ აშორებს და მხოლოდ ქსოვილის სტრუქტურას აფუჭებს. ამ შემთხვევაში ქსოვილი ზიანდება და ნივთი გადასაგდები ხდება. ამასთანავე, ეს მეთოდი არ შეიძლება გამოყენებულ იქნას ფერად ნივთებზე, ქსოვილი შეიძლება გახუნდეს.
ასეთი ძნელად ამოსაყვანი ლაქების ერთხელ და სამუდამოდ დასავიწყებლად, საკმარისია გამოიყენოთ უნივერსალური საშუალება. ის ქსოვილში ღრმად ჩამჯდარი ძველი ლაქების ამოყვანის საშუალებასაც კი იძლევა. ამ საშუალების მოსამზადებლად საჭირო ინგრედიენტები ნებისმიერ სამზარეულოში მოიპოვება, შედეგი კი ძალიან გაგაოცებთ. თქვენ დაგჭირდებათ ძმარი, საცხობი სოდა და ჭურჭლის სარეცხი საშუალება.
როგორ მოვიშოროთ ძველი ლაქები სამზარეულოს პირსახოცებს
სამზარეულოს პირსახოცებიდან ლაქების მოსაშორებლად, მოათავსეთ ისინი ქვაბში და დაასხით წყალი. შემდეგ დაუმატეთ 1 ჭიქა ძმარი და 1 ჭიქა სოდა. კარგად აურიეთ და დაამატეთ ჭურჭლის სარეცხი საშუალება. კიდევ ერთხელ აურიეთ საფუძვლიანად, დადგით ცეცხლზე და ადუღებამდე მიიყვანეთ. ცოტა ხანს უნდა ადუღოთ და შემდეგ პირსახოცები სარეცხ მანქანაში უნდა მოათავსოთ და ჩვეული წესით გარეცხოთ.
ასეთი დამუშავების შემდეგ, ძველი ლაქების კვალიც კი არ დარჩება. თქვენი სამზარეულოს პირსახოცები ისევ ახალივით სუფთა იქნება. ეს პროდუქტი უსაფრთხოა ქსოვილების უმეტესობისთვის და შეიძლება გამოყენებულ იქნას ნებისმიერი ტიპის ტანსაცმლის გასარეცხად. ეს განსაკუთრებით აქტუალურია მათთვის, ვისაც პატარა ბავშვები ჰყავთ, რომელთაც უყვართ ირგვლივ ყველაფრის დასვრა.
აღარ არის საჭირო დიდი თანხების დახარჯვა ძვირადღირებულ და არაეფექტურ სარეცხ ფხვნილებსა და სითხეებში. ეს საშუალება სოლიდური თანხის დაზოგვაში დაგეხმარებათ!
