გონების გავარჯიშება აუცილებელია ნებისმიერი ზრდასრული ადამიანისთვის. სკოლის მოსწავლეები და სტუდენტები სწავლის პროცესში, ნებისმიერ შემთხვევაში, აქტიურად ავარჯიშებენ ტვინს. ზრდასრული ადამიანები კი ხშირად ხვდებიან რუტინაში, რომელიც მათგან დიდ გონებრივ აქტივობას არ მოითხოვს. არა და, ეს აუცილებელია.
პაპარაცის დღევანდელ სტატიაში რამდენიმე თავსატეხს გთავაზობთ. ჩართეთ თქვენი გამჭრიახობა მაქსიმუმზე, რათა თითოეულ შემთხვევაში სწორ პასუხს მიაგნოთ.
გონების სავარჯიშო
1. დედამ შვილს დაურეკა, რათა ეკითხა, როგორ იყო. მან უთხრა, რომ საოცარ სიტუაციაში იმყოფებოდა. ახლა მის წინ თვითმფრინავია, მის უკან ცხენი, თვითონ კი გემზეა. რას ნიშნავს ეს ყველაფერი?
2. რა არ ეტევა თუნდაც ყველაზე დიდ ქვაბში?
3. ხანშიშესული მამაკაცი წვიმაში მოჰყვა და ვერსად ნახა ადგილი, სადაც თავს შეაფარებდა. შედეგად, ის სახლში გაბრაზებული და სველი მივიდა. თუმცა მეუღლემ ღიმილით აღნიშნა, რომ თავზე ერთი თმაც არ დასველებია. ეს როგორ მოხდა?
4. ბიზნესმენმა ინდაური 10 დოლარად იყიდა და ფერმერს 20 დოლარად მიჰყიდა. მოგვიანებით მან იყიდა კიდევ ორი ინდაური 30 დოლარად და მიჰყიდა იმავე ფერმერს 40 დოლარად. რამდენის შოვნა მოახერხა მოხერხებულმა ბიზნესმენმა?
5. სურათზე ნაჩვენებია სახლი კარებებითა და კიბეებით. შეეცადეთ დათვალოთ, რამდენი კიბის ავლა დასჭირდება გოგონას ზემოთ ასასვლელად.
მინიშნებები და პასუხები
1. როგორც ჩანს, მისი ვაჟი კარუსელზე ზის. ამ შემთხვევაში სავსებით გასაგებია, რომ მის წინ თვითმფრინავია, მის უკან კი ცხენი და თავად კი გემზეა.
2. ყველაზე დიდ ქვაბშიც კი შეუძლებელია ამ ქვაბის სახურავის ჩადება.
3. ეს კაცი ალბათ მელოტია, თავზე თმა არ აქვს და დასასველებელიც არაფერი იყო.
4. პირველ ინდაურის გაყიდვით ბიზნესმენმა 10 დოლარი გამოიმუშავა, შემდეგ კი კიდევ 2 ინდაურის გაყიდვიდან კიდევ ხუთ-ხუთი დოლარის მოგება მიიღო. გამოდის, რომ ბიზნესმენმა გამოიმუშავა 10 + 5 + 5 = 20 დოლარი.
5. თუ ყველა კიბეზე თანმიმდევრობით ავა, მაშინ ნამდვილად 6 კიბეზე ასვლა მოუწევს. მაგრამ თუ გოგონა პირდაპირ მესამე სართულზე ავა და გადადგამს კიბეს, რომელზეც ბოლოს ავიდა, ის შესძლებს, რომ სწრაფად ავიდეს მეოთხე სართულზე. აქედან კი, ღია კარების გავლით, შეუძლია მიირბინოს კიბემდე, რომელიც სახურავზე აიყვანს. ამიტომ, ის უნდა ავიდეს ოთხ კიბეზე (ან თუნდაც სამზე, მაგრამ ერთი და იგივე კიბეზე ორჯერ ასვლა მოუწევს).
