ბავშვის ნათლობა – ოჯახის ცხოვრებაში ერთ-ერთი ყველაზე მნიშვნელოვანი მოვლენაა. მისთვის მზადება იწყება ნათლიების არჩევით და მთავრდება სტუმრების სიის შედგენით. გოგონას ნათლობა – ერთგვარი საიდუმლოებაა, რომელშიც მხოლოდ უახლოესმა და ძვირფასმა ადამიანებმა უნდა მიიღონ მონაწილეობა. ყველა მშობელს სურს, რომ ეს მომენტი მთელი ცხოვრების მანძილზე დაამახსოვრდეს და ეს მოგონება ყველაზე ნათელი და სასიამოვნო იყოს.
ნათლობისათვის მზადება – არა მხოლოდ მშობლების, არამედ მოწვეული პირების საზრუნავიც არის. მთავარი ამოცანა არის ის, თუ რა აჩუქონ ბავშვს და რა თანხაში ჩაეტიონ. ფულის ჩუქების შემთხვევაში, საჭიროა თუ არა დამატებით სხვა საჩუქრის ყიდვაც? უამრავი კითხვაა და ამ კითხვებზე პასუხებს პაპარაცის დღევანდელ სტატიაში წაიკითხავთ.
გოგონას ნათლობა
ჩვენს არასტაბილურ დროში, როდესაც მოსახლეობის შემოსავალი დღითიდღე მცირდება, ნებისმიერმა დამატებითმა ხარჯმა შეიძლება მნიშვნელოვანი დარტყმა მიაყენოს ბიუჯეტს. ჩვეულება კი მოითხოვს, რომ ყველამ უნდა შეიტანოს საკუთარი ფინანსური წვლილი პატარას კეთილდღეობისთვის. დღეს მიღებულია, რომ ნათლობაში ფულს ჩუქნიან, მშობლები კი – თავად წყვეტენ, ეს ფული რაში დახარჯონ.
მიღებულია, რომ ყველაზე დიდ თანხას ნათლიები ჩუქნიან. რა თქმა უნდა, ეს თანხა ნათლიის ფინანსურ შესაძლებლობაზეა დამოკიდებული. რადგან თუ ნათლიები სტუდენტები არიან, არავინ ელის მათგან ფულით სავსე უზარმაზარ ტომარას. იგივე ეხება იმ ადამიანებს, რომელთა შემოსავალი, საშუალოზე დაბალია. მაგრამ საშუალოდ, 2023 წელს, სავარაუდოდ, ნათლობის საჩუქრის თანხა 100-დან 200 დოლარამდე იქნება.
ტრადიციის თანახმად, ნათლობის პირსახოცი ბავშვის ნათლიებმა უნდა იყიდონ. მაგრამ უფრო ხშირად, ამას თავად ბავშვის მშობლები აკეთებენ. თუ ნათლიებს ბავშვისთვის საჩუქრის ყიდვა სურთ და არა ფულის ჩუქება, მაშინ უმჯობესია ეს საკითხი მშობლებთან ერთად განიხილონ.
შესაძლოა, მშობლებს ბავშვისთვის ეტლის ან ავტომობილის საბავშვო სავარძლის ყიდვა უნდოდეთ. ძვირადღირებული საჩუქრების შეძენის შემთხვევაში, რამდენიმე ნათესავი ერთობლივად აფინანსებს ასეთ შენაძენს.
ნათლობის საჩუქარი
ცალკე უნდა აღინიშნოს ბებიები და ბაბუები. ისინი ფულის დაზოგვას ნათლობისთვის დღესასწაულის თარიღის დამტკიცებამდე დიდი ხნით ადრე იწყებენ. ითვლება, რომ ყველაზე მნიშვნელოვანი საჩუქარი სწორედ მათ უნდა აჩუქონ. ამიტომ, ბებია-ბაბუის კონვერტებში, ჩვეულებრივ, 100 დოლარიანი კუპიურა დევს. თუმცა ეს ნათესავების ფინანსურ მდგომარეობაზეც არის დამოკიდებული.
დანარჩენ სტუმრებს შეუძლიათ უფრო მშვიდად იყვნენ. დეიდებს, ბიძებს და ოჯახის მეგობრებს შეუძლიათ კონვერტში 20 – 50 დოლარის ექვივალენტი თანხა ჩადონ. თუ ნათლობას რომელიმე რესტორანში ან კაფეში აღნიშნავენ, მაშინ საჩუქრის ოდენობა ოდნავ მეტი უნდა იყოს, ვიდრე ეგრეთ წოდებული ერთი პორციის საფასური ნორმალურ დაწესებულებაში, რაც დაახლოებით 60 დოლარია.
მაგრამ თავად საჩუქარი, თავისი ნატურალური ფორმით, კონვერტის დამატება იქნება. ეს შეიძლება იყოს სათამაშოები, ერთგვარი სამახსოვრო ღია ბარათი, ყუთი – პირველი კბილისთვის, საბავშვო ბიბლია, ინდივიდუალური ფოტო ალბომი, ჯაჭვი გულსაკიდით.
ნათლობა – ყოველი ადამიანისთვის ერთ-ერთი პირველი მნიშვნელოვანი დღესასწაულია. ამიტომ, მშობლებს სურთ, რომ ის ყოველთვის დაუვიწყარი იყოს.
