ბულგარელი ნათელმხილველი 1996 წელს გარდაიცვალა, თუმცა დღემდე რეგულარულად ჩნდება მისი სულ უფრო და უფრო მეტი წინასწარმეტყველება. რანაირად არის ეს შესაძლებელი? სკეპტიკოსების ჩაცინების საპასუხოდ, ვანგელია გუშტეროვას მემკვიდრეები დამაჯერებლად აცხადებენ, რომ ნათელმხილველმა უამრავი წინასწარმეტყველება დატოვა. მან აკრძალა მათი წინასწარ გამოქვეყნება, რადგან კაცობრიობას არ უნდა ჰქონდეს შესაძლებლობა მომავალში ძალიან შორს გახედვისა, რათა არ დაარღვიოს ისტორიის მიმდინარეობა.
პაპარაცის რედაქცია ვანგას 2023 წლის პროგნოზებით დაინტერესდა. იქნებ მის სიტყვებში მართლაც არის რაღაც ღირებული, რაც საშუალებას მოგვცემს უკეთ მოვემზადოთ მომავალი მოვლენებისთვის? რა თქმა უნდა, თუ ეს სიტყვები ნამდვილად წინასწარმეტყველ ქალს ეკუთვნის და არა მის ერთ-ერთ გამომგონებელ მემკვიდრეს.
ვანგას წინასწარმეტყველებები წლების მიხედვით
სინამდვილეში, ვანგას ბევრი სიტყვა ძნელია ზუსტად მიაკუთვნო რომელიმე თარიღს ან თუნდაც რომელიმე კონკრეტულ წელს. გაშიფვრას ართულებს ისიც, რომ წინასწარმეტყველებები ვანგას მიერ პირად საუბრებში იყო გაჟღერებული. სამწუხაროდ, მან არ დატოვა სიტყვები წერილობით ან თუნდაც საიდუმლოს შემცველი ლექსების სახით, როგორც ეს ნოსტრადამუსმა გააკეთა.
დაახლოებით 2023 წლისთვის ვანგამ იწინასწარმეტყველა, რომ ძალაუფლებისთვის ბრძოლა ბევრ ქვეყანაში სერიოზულად გამწვავდებოდა. სიურპრიზები იქაც კი არის მოსალოდნელი, სადაც ავტორიტარული ლიდერები თითქოს ყველაფერს აკონტროლებენ. ხელისუფლებაში მოულოდნელად ახალი ხალხი მოვა. ხალხს მოთმინება ამოეწურება, ისინი ხმამაღლა მოითხოვენ ცვლილებებს და მიიღებენ მათ.
ამასთან დაკავშირებით მაშინვე თურქეთი გვახსენდება, სადაც საპრეზიდენტო არჩევნების მეორე ტური სწორედ ამ დღეებში გაიმართება. და სავსებით შესაძლებელია, რომ მოქმედმა ლიდერმა, რომელიც ქვეყანას 2003 წლიდან ხელმძღვანელობს, თანამდებობა ოპოზიციურ კანდიდატს დაუთმოს.
ვანგამ ასევე იწინასწარმეტყველა, რომ ეკოლოგია წინა პლანზე გადმოვიდოდა და ბევრი პრობლემა ზღვრამდე გამწვავდებოდა. ზოგიერთ რეგიონში მოსახლეობას სასმელი წყალიც კი არ ექნება. სამაგიეროდ, პლანეტის სხვა ადგილებში მოულოდნელად საშინელი წყალდიდობები მოხდება.
წინასწარმეტყველება ომთან დაკავშირებით
მკვლევარებმა აღმოაჩინეს ვანგას წინასწარმეტყველება უკრაინაში რუსეთის სამხედრო შეჭრასთან დაკავშირებით. წინასწარმეტყველებაში ნათქვამია, რომ ომი ზამთარში დაიწყება და ზაფხულში დასრულდება. ამასთანავე, ბრძოლები 2 წელზე მეტ ხანს არ გაგრძელდება.
ამ სიტყვებს თუ დავუჯერებთ, მაშინ ომი 2023 წლის ზაფხულში დასრულდება. თუმცა ბევრი სკეპტიკურად უყურებს ასეთ პროგნოზს და უფრო მეტად იმის სჯერა, რომ უკრაინელები დაუპატიჟებელი სტუმრების თავიანთი ტერიტორიიდან განდევნას შეძლებენ არა უადრეს 2024 წლის შუა პერიოდისა.
ცნობილია კიდევ ერთი პროგნოზი, რომელიც ვანგამ უკრაინის მომავალთან დაკავშირებით გასცა. საუბარია იმაზე, რომ უკრაინა იქნება ხუთი სახელმწიფოს გარკვეულ გაერთიანებაში, სადაც ის მთავარი იქნება. მაგრამ ჯერ არ არის დაზუსტებული, რაიმე სახის ეკონომიკურ გაერთიანებაზეა საუბარი თუ სამხედრო ბლოკზე. ასევე გაურკვეველია ისიც, თუ როდის მოხდება ეს.
ქვეყნის მომავალზე საუბრისას, წინასწარმეტყველი წუხილით ამბობდა, რომ უკრაინელებს მრავალი განსაცდელის გავლა მოუწევთ. თუმცა, სიმწარისა და სიბნელის შემდეგ სიმშვიდისა და კეთილდღეობის ჟამი დადგება. მაგრამ გაურკვეველია, რამდენად სწრაფად მოხდება ეს.
მისი წინასწარმეტყველებების ნაწილი მართლაც ახდა. ვნახოთ, რამდენად მართალი აღმოჩნდება მისი სიტყვები უახლოეს მომავალთან დაკავშირებით.
