ყველაზე ძველი, ბაბილონური ჰოროსკოპი – მასში 32 ნიშანია და იგი ზედმიწევნით ზუსტია

0
922

ჯერ კიდევ ქრისტიანობის გაჩენამდე, დედამიწაზე არსებობდა რელიგია, რომელმაც უდიდესი გავლენა მოახდინა ყველა მომდევნო რჯულზე.

საუბარი, რა თქმა უნდა, ზოროასტრიზმზეა. ზოროასტრიზმი გვასწავლის იდეალური ცხოვრებისკენ მისწრაფებას, რომელშიც ყველაფერი მხოლოდ შესანიშნავი და კარგი უნდა იყოს, მასში ბოროტების ადგილი არ არის.

ზოროასტრიზმის მქადაგებლებს სწამდათ, რომ ადამიანის ბედს მისი ტოტემური ცხოველი განაგებს. მათ საკუთარი, 32-ციკლიანი ჰოროსკოპი ჰქონდათ, რომელთაგან თითოეულსაც თავისი მფარველი ცხოველი ჰყავს. თითოეული ციკლი მოიცავს 1 წელიწადს და, თანამედროვე კალენდრით, 21 მარტიდან იწყება.

ანუ, თუ თქვენ 1 იანვრიდან 20 მარტამდე ხართ დაბადებული, ესე იგი, თქვენი ტოტემური ცხოველი ისაა, რომელიც წინა წელს ეკუთვნის.

მოდით, ვნახოთ, ვინაა ჩვენი მფარველი ზოროასტრული ჰოროსკოპის მიხედვით:

1. ირემი (1938, 1970, 2002)

ამ წლის ადამიანები, ხშირად, პირველმსვლელები, გზის მკაფავები არიან. მათთვის, ჩვეულებრივ, დამახასიათებელია საკუთარი ღირსების მაღალი შეგრძნება, მთავარზე კონცენტრაცია, მისწრაფება, მიზანმიმართულობა, ნათელი აზროვნება. მათი სუსტი მხარეებია – ხშირი უკმაყოფილება, ძალაუფლებისკენ მისწრაფება ნებისმიერ ფასად და უტიფრობა.

2. ცხვარი (1939, 1971, 2003)

ცხვრის ტოტემის მფარველობის ქვეშ დაბადებული ადამიანები თავს ვერ ხედავენ გვაროვნულ, ოჯახურ ან ეროვნულ ტრადიციებში. მათთვის ყველაზე მნიშვნელოვანია ხალხის თავიანთ საქმეში ჩათრევა, თუმცა, შინაგანად ისინი მშვიდი და მორჩილი არიან.

3. მანგუსტი (1940, 1972, 2004)

ადამიანი, რომელიც ამ წელს დაიბადა, მუდმივად უნდა ინარჩუნებდეს უზენაეს შემოქმედებით საწყისს საკუთარ თავსა და გარშემომყოფებში. იგი უნდა იყოს მოხერხებული, მოქნილი, ნებისმიერ მომენტში უნდა გამოთქვას მზაობა ბოროტებასთან საბრძოლველად და სხვა უწმინდურების გასანადგურებლად.

4. მგელი (1941, 1973, 2005)

ეს აქტიური ადამიანია, რომელსაც უყვარს ექსტრემალურ პირობებში ბრძოლა, არ ეშინია საფრთხის. ესაა ღირსების ადამიანი, მოგზაური, რომელსაც ერთ ადგილზე ჯდომა უჭირს. ამ წელს დაბადებულ ადამიანებს ნებისმიერ პირობებში შეუძლიათ გადარჩენა, ნებისმიერი გამოცდის ატანა.

5. წერო (1942, 1974, 2006)

წეროები – უცნაურები არიან, თუმცა ახლობლებსა და ნათესავებს ეჯაჭვებიან. მიუხედავად გადაადგილებისადმი მიდრეკილებისა, ისინი მუდმივად ბრუნდებიან სახლში. წეროს ტოტემის ადამიანი მშვიდი, მარტოხელა, ერთმოყვარეა. იგი მხოლოდ საკუთარი ძალების იმედად ცხოვრობს.

6. ობობა (1943, 1975, 2007)

ობობის ტოტემის ადამიანები თავს მშვიდ და მორიდებულ ტიპაჟად ავლენენ. მათ მოსწონთ გარკვეული გაერთიანებების შექმნა, ანუ, ერთგვარი ქსელის გაბმა. ობობა აუჩქარებელი, მიზანმიმართული, მოქნილი და მგრძნობიარეა.

7. გველი (1944, 1976, 2008)

ამ წლის ტოტემი ადამიანს ცვალებად, მოქნილ, მისტიკურად მოწყობილ გონებასა და ინტუიციას ჩუქნის. გველი თავდადებული და ერთგულია. მისთვის ფარული და იდუმალი უფრო მნიშვნელოვანია, ვიდრე ღია და თვალსაჩინო.

8. თახვი (1945, 1977, 2009)

ეს სილამაზისა და ჰარმონიის, სიძულვილზე სიყვარულის გამრჯვების წელია. თახვის დამახასიათებელი თვისებებია: შრომისმოყვარეობა, სიფრთხილე, წინდახედულობა, სტუმართმოყვარეობა, რწმენის სიმტკიცე. ასეთი ადამიანი ყოველთვის იცავს რიტუალებს და თავის სამყაროს ლამაზად, საიმედოდ აწყობს.

9. კუ (1946, 1978, 2010)

კუ ყოველთვის საკმაოდ იდუმალი, აუჩქარებელი, საკუთარ თავში დარწმუნებული მიჰყვება უსწორმასწორო გზას. მას შესანიშნავი მეხსიერება აქვს, მუდმივად უბრუნდება ერთსა და იმავეს. ასეთი ადამიანები ყოველთვის ისახავენ გარკვეულ მიზანს და ცდილობენ მის ნელა, თუმცა შეუჩერებლად, მიღწევას.

10. კაჭკაჭი (1947, 1979, 2011)

ამ წელს დაბადებულები უნდა იყვნენ სწრაფები, ენამოსწრებულნი, ეშმაკურები; ისინი უშიშრად ხლართავენ ინტრიგებს, დაუყოვნებლივ ერკვევიან მომხდარში და დამოუკიდებლად აერთიანებენ სიტუაციებს. ასეთ ადამიანს უნდა შეეძლოს ერთდროულად რამდენიმე საქმის კეთება. მართალია, კაჭკაჭი გაუჩერებლად გამოსცემს ხმებს, თუმცა მისთვის სიტყვების უმიზეზოდ სროლა არ შეიძლება.

11. ციყვი (1948, 1980, 2012)

ასეთი ადამიანი მკვირცხლი, ჭკვიანი, წინდახედული, შრომისუნარიანი ხასიათისაა და ყოველთვის მიისწრაფვის ოჯახის შესაქმნელად. ციყვს არათანაბარი ხასიათი აქვს, შესაძლებელია დეპრესიები და ჩავარდნებიც. თუმცა, მას სიკვდილის არ ეშინია და იგი სხვა ქვეყანაში გამავალ პორტალად მიაჩნია.

12. ყვავი (1949, 1981, 2013)

ყვავის ტოტემის ადამიანი სერიოზული, ვერაგი და განცალკევებულია. მას არც მბრძანებლობა, არც დამორჩილება უყვარს და შეუძლია, თავიდან მოიშოროს ნებისმიერი მზრუნველობა თუ ლაფი. მას, ასევე, მოვლენების წინასწარ განჭვრეტა შეუძლია.

13. მამალი (1950, 1982, 2014)

მამალი – აქტიური და უშიშარი რაინდია. მას თავი სახლისა და შვილების გარეშე ვერც კი წარმოუდგენია. ადამიანი მამლის ტოტემით ყოველთვის ავლენს მდუღარე ენერგიას, მუდმივად გეგმებითაა სავსე, უყვარს სხვადასხვაგვარად შემოსვა, ხატვა და ხშირად წითლდება.

14. ხარი (1951, 1983, 2015)

ამ წელს დაბადებული ადამიანები ცოტათი პასიურები არიან. მათ ბავშვის სული აქვთ, საჭიროებენ ზრუნვას, განვითარებისთვის დამატებითი იმპულსები სჭირდებათ. თუმცა, მათი შეუპოვრობის, სიკეთის, სირბილის, მოთმინებისა და გარშემომყოფთა დახმარებისთვის მზადყოფნის გამო, ისინი ყველას უყვარს.

15. მაჩვი (1952, 1984, 2016)

ასეთი ადამიანი წინდახედული მეპატრონე, ფრთხილი და პრაქტიკული, შრომისუნარიანი და საკმაოდ ჩაკეტილი ადამიანი უნდა იყოს. მას ყოველთვის უამრავი გადაწყვეტილება აქვს, მისი გარეგნობითა და ქცევებით შეუძლებელია იმის განსაზღვრა, თუ რითაა იგი დაკავებული. თავისი ცხოვრების მთავარი საქმე შეიძლება საიდუმლოდ შეინახოს უახლოესი ადამიანებისგანაც კი.

16. აქლემი (1953, 1985, 2017)

აქლემის ტოტემი ადამიანებს სთავაზობს ასკეტიზმს, ამტანობას, მცირეთი დაკმაყოფილების უნარს. აქლემს თითქმის არაფერი აქვს. რაც აქვს – ყველაფერს თან ატარებს, თანაც, ქონებას ყოველთვის ძალიან გონივრულად და ჰარმონიულად ანაწილებს. იგი არ ფარავს თავის დამოკიდებულებას ადამიანების მიმართ, ენამახვილია, იცის თავის ფასი და ცდილობს, ყველაფერს დამოუკიდებლად მიაღწიოს.

17. ზღარბი (1954, 1986, 2018)

ზღარბის ტოტემის ადამიანი არაპროგნოზირებადი, ეკლიანია, გარედან რამდენადმე ამაო, აზიზიც კია. ასეთ ადამიანებს შეუდარებელი მეხსიერება, განსაკუთრებული დაკვირვების უნარი აქვთ, მეწვრილმანეები არიან და უყვართ დეტალებზე ჩაბღაუჭება. მეგობრობისას ძალიან ერთგული არიან.

18. შველი (1955, 1987, 2019)

ამ ტოტემის ადამიანები გამოირჩევიან გრაციოზულობით, ფიგურის დახვეწილობით, სიარულის მსუბუქი მანერით, არისტოკრატიზმითა და მანერების სიფაქიზით. ბუნებით რომანტიკული, არტისტული, პრეტენზიული შველი ფაქიზად გრძნობს და განიცდის მოვლენებს. ჩვეულებრივ, მკვეთრად ავლენენ თავს ხელოვნებაში.

19. სპილო (1956, 1988, 2020)

ამ წელთან დაკავშირებულია განსაკუთრებული მედეგობა, გამძლეობა, სერიოზულობა. სპილოს ტოტემის ადამიანი გაწონასწორებულია: რთულია მისი მწყობრიდან გამოყვანა, თუმცა, ამის შემდეგ მისი შეჩერება უფრო ძნელია. მართალია, ბუნებით იგი კონსერვატიულია, თუმცა ნებისმიერი წინაღობის დაძლევა შეუძლია, თუ ხედავს, რომ ეს აუცილებელია.

20. ცხენი (1957, 1989, 2021)

ცხენის ტოტემის ადამიანი თავისივე ბედნიერების მჭედელია. იგი პატიოსანი და მამაცია, უყვარს ბუნება და სივრცე, მოგზაურობა და სპორტი. სამართლისა და სამართლიანობის მხარეს მდგარს შეუძლია ნებისმიერისთვის ტკივილის მიყენება, თუ გარკვეული ფორმალობის დარღვევას ეცდებიან. თუმცა, საკუთარი მიზნის მისაღწევად, შეიძლება საზოგადოების წინააღმდეგაც წავიდეს.

21. ლეოპარდი (1958, 1990, 2022)

ლეოპარდი სწრაფად დარბის, წამიერად ითვისებს დიდ სივრცეს, შეუძლია ექსტრემალურ პირობებში თავის გატანა. ლეოპარდი ყოველთვის იმისკენ მიისწრაფვის, რომ წინასწარ განჭვრიტოს ნებისმიერი საფრთხე, თვლის ყველა სვლასა და გამოსავალს. უყვარს ბრძოლა, თუმცა, ზოგ შემთხვევაში უკანაც იხევს, რათა ძალები აღიდგინოს და თავს ხელახლა დაესხას.

22. ფარშევანგი (1959, 1991, 2023)

ფარშევანგის ტოტემის ადამიანი მხიარული და მრავალსახიანია. იგი მიისწრაფის თავისი შემოქმედებითი პოტენციალის სწრაფად გახსნისკენ და თავისი ნიჭის ყველა კუთხეში ელვარებს. მასში მუდმივად იჩენს თავს ახალ-ახალი მახასიათებლები, არასდროს კმაყოფილდება ერთ ადგილს და არ წყვეტს გარშემომყოფთა გაოცებას, თუმცა, თავადაც ხშირად უკვირს ხოლმე.

23. გედი (1960, 1992, 2024)

ამ ტოტემის ადამიანს ახასიათებს შეუპოვრობა, სიამაყე, მაღალი იდეალების ერთგულება, თვითჩაღრმავებისა და მედიტაციის სურვილი. იგი დიდ ყურადღებას არ უთმობს მატერიალურ სიკეთეს. ჩაკეტილია შინაგან სამყაროში და გარესამყაროს მოწყვეტილია, თუმცა, იგი ძალიან მიჯაჭვულია მისთვის ძვირფას ადამიანებზე და სიყვარულშიც სამაგალითოდ ერთგულია.

24. ფოცხვერი (1961, 1993, 2025)

ამ ტოტემის ადამიანები, ხშირად, მოშვებულ და დაბნეულ პიროვნებებად გვეჩვენება, თუმცა, მათ აქვთ წამებში გონების მოკრებისა და მობილიზების უნარი. ისინი ოპტიმიზმითა და იდეებით არიან სავსე. აქვთ წინასწარმეტყველების უნარი.

25. ვირი (1962, 1994, 2026)

ვირის ტოტემი ადამიანს დიდ შრომისუნარიანობას, ამტანობას, მოთმინებას, მშვიდობისმოყვარეობას, მორჩილებად, სიმშვიდეს, საკუთარი ხელებით ბევრი რამის კეთების უნარსა და სურვილს, დიდ მორიდებულობას სთავაზობს. ასეთი ადამიანი ცხოვრებისეულ ნებისმიერ სიტუაციას უდგება საღი და გაწონასწორებული გონებით, აქვს საკმაოდ მტკიცე ხასიათი, თუმცა, მუშაობისთვის რაღაც დამატებითი იმპულსი სჭირდება.

26. თეთრი დათვი (1963, 1995, 2027)

დათვს ბუნებისგან აქვს ბოძებული მშვიდი ხასიათი და რთულია მისი აჟიტირება. თუმცა, აგზნებულ მდგომარეობაში იგი ძალიან მამაცი და აქტიური ხდება, განსაკუთრებით კი მდედრი, იმ შემთხვევაში, თუ მის შვილებს ემუქრებათ საფრთხე. ადამიან თეთრ დათვს მკაცრი, რაინდული, ერთგვარი არაპროგნოზირებადი ხასიათი აქვს.

27. არწივი (1932 1964, 1996, 2028)

ეს ადამიანები კოლექტივისთვის, კლანებისთვის არიან გაჩენილი, აქვთ უნარი, შეეწირონ დიდ საქმეს. ადამიანი-არწივები მომავალს სჭვრეტენ. ისინი სახელმწიფოებრიობის მცველები არიან, არ უშინდებიან წინააღმდეგობებსა და ბარიკადებს.

28. მელია (1933, 1965, 1997, 2029)

მელიის წელიწადში, როგორც წესი, იბადებიან ადამიანები ძალიან იდუმალი, უჩვეულო და ცვალებადი ბედით, მათგან ძალიან ცოტას თუ ელის მონოტონური ცხოვრება. მელიის ტოტემის ადამიანები გამოირჩევიან მოქნილობით, გონებამახვილობითა და ირონით. არ ეგებიან მახეებში და შეუძლიათ ნებისმიერი ინტრიგის გამოჭერა, სხვებისთვის გზის ჩვენება.

29. დელფინი (1934, 1966, 1998, 2030)

დელფინის წელში დაბადებული ადამიანები შთაგონებული იდეალისტები, ბრძენი ადამიანები არიან, რომლებიც მკვეთრ ზღვარს ავლებენ ნათელსა და ბნელს შორის, რთულ მომენტში დახმარების ხელს უწვდიან ადამიანებს. ისინი უმაღლესი იდეალების ერთგული არიან, აქვთ ფილოსოფიისა და მშვიდობიანობისკენ მიდრეკილება. საკმაოდ იდუმალი და უჩვეულო ქცევებით გამორჩეული დელფინი მუდმივად უთვალთვალებს მოვლენათა განვითარებას და შეუძლია დახმარების დაუყოვნებლივ აღმოჩენა.

30. ტახი (1935, 1967, 1999, 2031)

ტახის წელს დაბადებული ადამიანები მამაცები, გაბედულები, უშიშრები, მტკიცეები არიან. ტახი ყოველთვის მზადაა მტრისთვის საპასუხო დარტყმის მისაყენებლად, მიისწრაფვის პირველობისკენ. მას შეუძლია თავისი ძალების სწორად შეფასება და არ მიმართავს უმიზნო ზომებს.

21. ბუ (1936, 1968, 2000, 2032)

ამ ტოტემის ადამიანებს ცხოვრების თავისებური გრაფიკი აქვთ – შეუძლიათ დილით ძილი და ღამით სიფხიზლე. მათგან დგებიან წინასწარმეტყველები, ნათელმხილველები, საიდუმლო საზოგადოების დამფუძნებლები. ასეთი ადამანი საკმაოდ ჩაკეტილი, მისტიციზმისკენ მიდრეკილია.

32. შევარდენი (1937, 1969, 2001, 2033)

შევარდნებისთვის დამახასიათებელია დაუდევრობა. მართალია, შემდეგ ჩადენილ საქციელს ნანობენ, თუმცა თავის შეკავება არ შეუძლიათ. ისინი ბევრ კარგ საქმეს აკეთებენ ბრძნული ხელმძღვანელობის შემთხვევაში, თუმცა დიქტატურას ვერ იტანენ.

რას იტყვით, რამდენად ზუსტია აღწერა?

პასუხი

დაწერეთ კომენტარი
ჩაწერეთ თქვენი სახელი