დღის სიახლე! სამხრეთ კორეელმა მოხუცმა მილიარდერმა გადაწყვიტა თავისი სიმდიდრე თავის სოფელში მცხოვრები უბრალო ხალხისთვის გაეზიარებინა. რამ უბიძგა მამაკაცს ასეთი მოულოდნელი ნაბიჯისკენ, ამას პაპარაცის დღევანდელი სტატიიდან გაიგებთ.
მოხუცი მილიარდერი
ჩვენი ისტორიის გმირია – ლი იუნგ გეუნი (Lee Joong-keun). ის არის 82 წლის, წარმატებული ბიზნესმენი და Booyoung Group-ის ამჟამინდელი თავმჯდომარე. მან კარიერა უძრავი ქონების სფეროში 1970-იან წლებში დაიწყო. მამაკაცი მშენებლობებით იყო დაკავებული და გახდა თითქმის პირველი მეიჯარე მთელ სამხრეთ კორეაში.
დროთა განმავლობაში ლი იუნგის ბიზნესმა გაფართოება დაიწყო. კომპანია Booyoung Group-მა თავისი საქმიანობის ფარგლებში შეიტანა სასტუმროები და გოლფის მოედნები. სასტუმრო ბიზნესს კი, მოგეხსენებათ, დიდი ფული მოაქვს.
ასე დაიკავა კორეულმა კომპანიამ 22-ე ადგილი თავისი ქვეყნის კონგლომერატების სიაში. ხოლო მისმა ქონებამ აქტივებთან ერთად 16 მილიარდი დოლარი შეადგინა. გარდა ამისა, კორეელმა მოახერხა 1 მილიარდი დოლარის ოდენობის პირადი სახსრების დაგროვება. ამის წყალობით ის გახდა სამხრეთ კორეის ოცდაათ უმდიდრეს ადამიანთაგან ერთ-ერთი.
მაგრამ ლი იუნგის ბიოგრაფიაში ყველაფერი ასე სასიხარულო არ იყო. 2004 წელს მას ბრალი წაუყენეს გადასახადებისგან თავის არიდებაში და დააკავეს. 14 წლის შემდეგ ბრალდება განმეორდა, მხოლოდ ამჯერად კორეელი მართლაც გისოსებს მიღმა აღმოჩნდა.
მას ციხეში ორწელიწადნახევარი უნდა გაეტარებინა, თუმცა 2021 წელს ის ვადაზე ადრე გაათავისუფლეს. იქნებ ამან აიძულა ბიზნესმენი, რომ საკუთარი დანაზოგი უბრალო ხალხისთვის გაეზიარებინა?
ქველმოქმედება, როგორც ცხოვრების აზრი
სხვათა შორის, ასაკის მიუხედავად მას ჯერაც არ გადაუცია აქციები ახლობლებისთვის. მიუხედავად იმისა, რომ მაგნატების უმეტესობა ასე იქცევა. ჰოლდინგის Booyoung Group-ის თითქმის ყველა აქცია კორეელს ეკუთვნის. ამასთან, ბირჟაზე კომპანიის არცერთი ფილიალი არ არის. სხვათა შორის, Booyoung Group-მა საქველმოქმედო თანხები შესწირა კამბოჯას, ვიეტნამს და ლაოსს.
იქნებ ლი იუნგს ნათესავებთან ცუდი ურთიერთობა აქვს? ყველაფერი შესაძლებელია! მაგრამ ფაქტი ფაქტად რჩება: მამაკაცმა დაახლოებით 180 მილიონი დოლარი შესწირა თავისი მშობლიური სოფლის მცხოვრებთა საჭიროებებს, სადაც ის დაიბადა და გაიზარდა.
ამ სოფლის თითოეულმა ოჯახმა თავისი საჭიროებისთვის 70 ათასი აშშ დოლარი მიიღო. ასეთი ოჯახი სულ 280-ია, გარდა ამისა, ბიზნესმენმა ადგილობრივ მცხოვრებლებს სხვა საჩუქრები, წიგნები და იარაღები დაურიგა. როგორც თავად კორეელი განმარტავს, ეს არის ანაზღაურება იმისა, რომ მთელი ამ წლების განმავლობაში ხალხი ინარჩუნებდა კეთილდღეობას მის პატარა სამშობლოში და იცავდა მას.
ქველმოქმედება – შესანიშნავია! ალბათ გსმენიათ, რომ ბევრი მსოფლიო დონის ვარსკვლავი საკუთარ ფონდებსაც კი ქმნის გაჭირვებულთა დასახმარებლად. ერთ-ერთი ყველაზე ცნობილი პიროვნება მათ შორის, ვინც ამას აკეთებს, არის ანჯელინა ჯოლი. 2012 წელს იგი გახდა გაეროს წარმომადგენელი ლტოლვილთა საკითხებში.
ძნელია იმის გამოთვლა, თუ რა თანხა მოახმარა მსახიობმა აფრიკის ღარიბ ქვეყნებში ლტოლვილებისა და ხალხის საჭიროებებს. ერთ დროს მან ერთი მილიონი დოლარი შესწირა საქველმოქმედო ფონდს – „No Kid Hungry“.
თითქმის 9 მილიონი დოლარი ბრედ პიტმა (მსახიობის ყოფილმა ქმარმა) და ანჯელინა ჯოლიმ დახარჯეს ნიუ ორლეანში 150 სახლის მშენებლობაზე. ეს სახლები თავშესაფარი გახდა იმ ადამიანებისთვის, რომლებიც საშინელი ქარიშხლის, კატრინის, გამო დაზარალდნენ.
ეს სია შეიძლება უსასრულოდ გაგრძელდეს, მაგრამ ერთი რამ ცხადია: ბევრი ცნობილი ადამიანისთვის ქველმოქმედება ცხოვრების ერთ-ერთ მთავარ ღირებულებად იქცა. მშვენიერია, რომ ეს ეხება არა მხოლოდ ჰოლივუდის ვარსკვლავებს, არამედ ისეთ ბიზნესმენებსაც, როგორიცაა ლი იუნგი.
