ამ ზაფხულს პირველად ვიგრძენი, რა არის სასტიკი სიცხე. ბინაში კონდიციონერის გარეშე ყოფნა ძალიან რთულია. რაღა უნდა ვთქვათ გარეთ გასვლაზე. გაჩნდა კითხვა, როგორ ჩავიცვათ სიცხეში ისე, რომ თავი მაქსიმალურად კომფორტულად ვიგრძნოთ. პაპარაცის დღევანდელ სტატიაში გიზიარებთ ექსპერტების რჩევებს, რომლებიც ამ თემას ეხება!
როგორ ჩავიცვათ სიცხეში
დღეს გაგიზიარებთ რჩევებისა და ხრიკებს, რომლებიც ზაფხულის ცხელ დღეების კომფორტულად გადატანაში დაგეხმარებათ.
1.დავიწყოთ საბაზო ნივთებით, კერძოდ საცვლებით. ზაფხულში, საცვალი მხოლოდ ბუნებრივი მასალის უნდა აირჩიოთ. ამათგან საუკეთესოა ბამბა. ბოლო წლებში გოგონები და ქალები სულ უფრო ხშირად ამბობენ უარს ბიუსტჰალტერებზე.
ასევე მნიშვნელოვანია საცვლის სტილი. რეკომენდირებულია, რომ ტანგებზე მთლიანად უარი ითქვას. მათ მაგიერ, ჯობია აირჩიო ბრაზილიელები ან სლიპები. ეს განსაკუთრებით აქტუალურია იმ შემთხვევაში, თუ აპირებთ მსუბუქი ფრიალა კაბის ჩაცმას.
2. შემდეგი რჩევა არის იმ ქალბატონებისთვის, რომლებსაც აწუხებთ კანის გახეხვა ფეხებს შორის. ამ პრობლემის შესანიშნავი გამოსავალი არსებობს, კერძოდ, ელასტიური ზოლები. ეს არის სპეციალური სახვევები ბარძაყებისათვის, რომლებიც დაიცავს თქვენს ფეხებს არასასიამოვნო ხახუნისგან. ისინი შესახებად ძალიან სასიამოვნოა და თითქმის არ იგრძნობა ფეხებზე. ასევე არსებობს მსგავსი ფორმატის შორტებიც.
3. თუ მუხლს ქვემოთ სიგრძის კაბის ან ქვედაკაბის ტარებას აპირებთ, ექსპერტების რჩევით საცვალი შეგიძლიათ საერთოდ არ გამოიყენოთ. თუმცა, მხოლოდ იმ შემთხვევაში, თუ მის გარეშე თავს კომფორტულად გრძნობთ. თუ სიცხეში ჯინსის ჩაცმა გსურთ, ექსპერტები გირჩევენ საცვლის გამოცვლას დღეში ორჯერ. ეს იმიტომ ხდება, რომ ვიწრო ჯინსი ან შარვალი უფრო მეტად გაოფლიანებთ. შესაბამისად, საცვალი ტენით იქნება გაჯერებული. ტენიანობა არ არის ყველაზე ხელსაყრელი გარემო თქვენი სხეულის დელიკატური უბნებისთვის. ამაზე რას იტყვით?
4. ცხელი ამინდისთვის აირჩიეთ ღია ფერის საცვლები. აქ მოქმედებს მარტივი წესი: რაც უფრო ღია ფერის არის ქსოვილი, მით უკეთ აირეკლავს მზის სხივებს და არ შთანთქავს მათ. ეს ასეა, რადგან ხშირად საზაფხულო ტანსაცმელი თხელი მასალისგან არის დამზადებული და მზე მათში ადვილად აღწევს თეთრეულამდე. ეს აქტუალურია მაშინაც, როდესაც ვიწრო კაბას ან ქვედაბოლოს იცვამთ. ამ შემთხვევაში, ღია ფერის საცვლები აუცილებელია!
5. რეგულარულად გამოიცვალეთ ბიუსტჰალტერი. თუ ის კანს გიხეხავთ და ძალიან ვიწრო გაქვთ, სავარაუდოდ, უნდა გადააგდოთ და შეიძინოთ ახალი. თუმცა, არსებობს ერთი ხრიკი, რომელსაც ამ პრობლემის გადაჭრა შეუძლია.
პირველ რიგში, შხაპის შემდეგ არასოდეს ჩაიცვათ თეთრეული სველ სხეულზე. ჭარბმა ტენიანობამ შეიძლება გაზარდოს ხახუნი. მეორე, სადაც ბიუსტჰალტერი კანს ეხება იქ ჩვეულებრივი დეოდორანტი წაისვით. მისი გამოყენება ასევე შესაძლებელია ბარძაყის ზოლების ნაცვლად.
სხვა რჩევები ქალებისთვის
6. ზაფხულში ხშირად ვიცვამთ ღია სამოსს, ამიტომ ზედმეტი არ იქნება კომფორტული ბიუსტჰალტერის შეძენა თასმების გარეშე. ფუმფულა ფორმების მფლობელებსაც კი შეუძლიათ წარმატებული მოდელის შერჩევა, რომელიც მკერდზე კომფორტულად იქნება. თუმცა, სურვილის შემთხვევაში, თუ ასე თავს კომფორტულად გრძნობთ, შეგიძლიათ საერთოდ არ ატაროთ ბიუსტჰალტერი. ზოგი, მაგალითად, მის ნაცვლად ჩვეულებრივ მიკროფიბერის ტოპებს იცვამს. ძალიან კომფორტულია!
7. თუ ოფისში მუშაობთ და კლასიკურ ქვედაბოლოს ატარებთ, რომელიც ხაზს უსვამს თქვენი ფიგურის ყველა ნიუანსს, თქვენ უნდა შეარჩიოთ სწორი საცვალი. იდეალურია მარტივი, უნაკერო საცვალი, რომელიც ძლივს იგრძნობა სხეულზე. ასევე, ამ შემთხვევაში შესაფერისი იქნება ტანგაც. მაგრამ მხოლოდ იმ შემთხვევაში, თუ თქვენთვის კომფორტულია. საკუთარი სხეულის წამება მოდის ტენდენციების გამო არ ღირს!
გამოიყენეთ ეს რჩევები ყოველ ზაფხულს, რათა თავი კარგად იგრძნოთ ზაფხულის ყველაზე ცხელ დღეებშიც კი.
