ჩაი, ისევე როგორც ყავა, ყველაზე პოპულარული სასმელია მთელს მსოფლიოში. თითქმის ყველა ქვეყანაში არსებობს მისი გამოყენების თავისებურებები. ჩაის სვამენ ცივსაც და ცხელსაც, მას უმატებენ ხილს, რძეს და სანელებლებსაც კი. პაპარაცის დღევანდელ სტატიაში ამ ცხელი სასმელის მოხმარების ერთ-ერთ ყველაზე საინტერესო გზაზე ვისაუბრებთ. რით არის სასარგებლო ჩაი მარილით და როგორ მოვამზადოთ ის სწორად?
ამ სასმელში მარილის ჩაყრა აზიაში დაიწყეს. ეს სასმელი, ასეთი უჩვეულო დანამატით, მისი სასარგებლო თვისებების წყალობით პოპულარული გახდა ევროპაში. იმ შემთხვევაშიც კი, თუ ჩაის მგზნებარე გულშემატკივარი არ ხართ, უნდა სცადოთ მისი მომზადება და აუცილებლად შეიცვლით აზრს.
როგორ მოვამზადოთ ჩაი მარილით: ყველაფერი სასმელის შესახებ
სასარგებლო თვისებები
მარილის მცირე მწიკვი საგრძნობლად ცვლის ცხელი სასმელის გემოს. მარილის დამატების შედეგად ქრება სიმწარე, რომელიც ჩაის ზოგიერთ სახეობაში გვხვდება. მარილი ასევე აძლიერებს სასმელის გემოს. ჩაის გემოს უფრო პიკანტურს და საინტერესოს ხდის. ნამდვილად მოგეწონებათ!
აღსანიშნავია ისიც, რომ მარილი არა მხოლოდ ჩაის გემოვნურ თვისებებს აუმჯობესებს. ჩაიში მისი დამატებით, შეგიძლიათ სწრაფად აღადგინოთ წყლისა და ელექტროლიტური ბალანსი. თუ მარილიან მწვანე ჩაის დალევთ, ეს გაგამხნევებთ და დაღლილობის დაძლევაში დაგეხმარებათ. თქვენი სხეული ძალითა და ენერგიით შეივსება.
როგორ მოვამზადოთ ჩაი მარილით
რეცეპტი №1. ცალყურა ჭურჭელში ან პატარა ქვაბში ჩაყარეთ 1,5 ჩ.კ ჩაი. ჩაასხით 600 მლ სუფთა წყალი. დადგით ცეცხლზე რამდენიმე წუთის განმავლობაში. სასმელი ადუღებამდე არ მიიყვანოთ. დაამატეთ შაქარი გემოვნებით. დაამატეთ 0,25 ჩ.კ. მარილი. კარგად აურიეთ. ჩაასხით 100 მლ რძე. როდესაც პირველი ბუშტები გამოჩნდება, ჩაი გაზქურიდან გადმოდგით.
რეცეპტი №2. 1 ჩ.კ. ჩაის ფოთოლს 1.5 ჭიქა მდუღარე წყალი დაასხით და დადგით ცეცხლზე, სითხის მესამედი ნაწილის აორთქლებამდე. ჩაი გაწურეთ. ჩაასხით ცხელი რძე გემოვნებით. ადუღეთ კიდევ 3-5 წუთის განმავლობაში. დაამატეთ 2 მწიკვი მარილი. კარგად აურიეთ. მზად არის!
ფიქრობთ, რომ ჩაის მარილით ან თუნდაც რძით მომზადება ძალიან უჩვეულოა? დამიჯერეთ, თქვენი ორგანიზმი მადლობას მოგახსენებთ ასეთი სასმელის გამოყენების გამო. ამ ტექნოლოგიის გამოყენებით მომზადებული ჩაი მხნეობას მოგმატებთ, გააუმჯობესებს თქვენს ჯანმრთელობას და ასევე სისხლძარღვებს გააძლიერებს. სამკურნალო სასმელი!
