დღეს სამსახურიდან ადრე წამოვედი ლოცვის ტექსტის მოსაძებნად. ყველა წიგნი შევამოწმე, რომელიც თაროზე მქონდა, მაგრამ ნანატრი ფურცლის პოვნა ვერ მოვახერხე. მასზე დედაჩემის ხელით იყო დაწერილი ლოცვა ოჯახის შენარჩუნებისთვის. დედაჩემმა ის ზეპირად იცოდა, ფურცელზე დაწერა და მომცა, როდესაც ვთხოვდებოდი. მაშინ სისულელედ მივიჩნიე, მაგრამ დედაჩემის პატივისცემის გამო არ გადავაგდე. დედა ამტკიცებდა, რომ ეს ლოცვა არაერთხელ დაეხმარა მას ქორწინების გადარჩენაში. თუმცა მე იმ მომენტში მომეჩვენა, რომ საქმე იყო არა თავად ლოცვაში, არამედ დედაჩემის სურვილში, რომ ქმარი არ დაეკარგა და ასევე მის კომპრომისზე წასვლის უნარში.
პაპარაცის დღევანდელ სტატიაში ერთი ძლიერი ლოცვის ისტორიას გიამბობთ.
ლოცვა ოჯახის შენარჩუნებისთვის
დედაჩემის გარდაცვალებიდან ხუთი წელი გავიდა. ბოლო წუთამდე ის და მამაჩემი შეხმატკბილებულად ცხოვრობდნენ, მიუხედავად იმისა, რომ ახალგაზრდობაში ბევრი რამ გადახდათ (მშობლებს არ უყვარდათ ამის გახსენება). რთულ მომენტებში დედაჩემი დახმარებისთვის მფარველ წმინდანებს მიმართავდა და უმაღლესი ძალების რწმენა მეც ჩამინერგა. მონათლული ვარ და დიდ დღესასწაულებზე ეკლესიაში დავდივარ, მაგრამ ბოლო დრომდე საკმაოდ სკეპტიკურად ვიყავი განწყობილი დედაჩემის სიტყვების მიმართ.
ბედნიერი ოჯახური ცხოვრების მეათე წელს, ჩემს ოჯახში სიტუაცია შეიცვალა: ჩემს ქმარს, ლევან, თვალი ჩვენი გაუთხოვარი მეზობლისკენ გაექცა, რომელმაც ბინა ქვედა სართულზე იქირავა. გასაკვირი არ იყო: მე თავით გადავეშვი ოჯახსა და შვილზე ზრუნვაში, აქ კი – მოკლეკაბიანი უდარდელი ლამაზმანი გამოჩნდა! ჩემმა ქმარმა ჩემს მიმართ ინტერესი დაკარგა და უფრო დიდხანს ჩერდებოდა სამსახურში. პატარა უთანხმოებები თანდათან ხმაურიან ჩხუბებში გადაიზარდა. სწორედ მაშინ გამახსენდა დედაჩემის მოცემული ფურცელი.
ეს ლოცვა ოჯახის შესანარჩუნებლად ერთ-ერთი წიგნის ფურცლებს შორის იყო დამალული, მაგრამ დამავიწყდა რომლის. ორჯერ მომიწია ჩემი პატარა ბიბლიოთეკის გადათვალიერება და მხოლოდ ამის შემდეგ ვიპოვე დედაჩემის ფურცელი. ხელში ანთებული სანთელი დავიჭირე, პირჯვარი გადავიწერე, ღვთისმშობლის პატარა ხატის წინაშე დავდექი, რომელიც მშობლებმა მაჩუქეს ქორწილში და დავიწყე კითხვა.
ლოცვის ტექსტი
წმიდაო ღვთისმშობელო, ისმინე ჩემი ლოცვა! გახდი ჩემი ოჯახის მფარველი და გვაჩუქე ოჯახური ბედნიერება. მოგვეცი მოთმინება და ურთიერთსიყვარული. მოგვეცი ძალა, რომ ვაპატიოთ ყველა უნებლიე დანაშაული. გონება გაუნათე ჩემს ქმარს და სიმართლის გზაზე დააყენე, განდევნე მისი თავიდან მრუშობის აზრები. დაე, მშვიდობა და სიყვარული დამკვიდრდეს ჩემი ქმრის გულში. დაგვიფარე ეშმაკის ცდუნებისგან და მძიმე დაცემისგან. გვასწავლე საყვარელ ადამიანებთან ჰარმონიაში ცხოვრება. არ დაუშვა ჩვენს ოჯახში განუკურნებელი დაავადებები, უეცარი სიკვდილი და სასტიკი განშორება. დაიფარე ჩვენი სახლი და მასში მცხოვრები ყველა ადამიანი ცეცხლის, წყალდიდობის, სასტიკი სიძულვილის და ადამიანური შურისგან. ყოვლადწმიდაო ღვთისმშობელო, მოგვეცი კურთხევა, რომ უფლის მცნებების მიხედვით ვიცხოვროთ! ღვთისმშობელო, გადაარჩინე და დაიფარე ჩემი ოჯახი! ამინ!
ძლიერი ძალა
ვილოცე და თავი უკეთ ვიგრძენი. ჩემს შვილს არდადეგები ჰქონდა და დედამთილმა რამდენიმე დღით თავისთან წაიყვანა. მე გამომიჩნდა თავისუფალი დრო არსებულ მდგომარეობაზე დასაფიქრებლად. ვახშამი მოვამზადე და მისაღებში გავედი, რათა ლევანს სამსახურიდან ტელევიზორთან დავლოდებოდი. დერეფანში სარკეში ჩავიხედე და საკუთარი თავი არ მომეწონა, მოვწესრიგდი: ტანსაცმელი გამოვიცვალე, თმა დავივარცხნე და ცოტა მაკიაჟი გავიკეთე.
ჩემი ქმარი სახლში რომ დაბრუნდა, კარებთან შევხვდი. ის სასიამოვნოდ გაკვირვებული იყო ჩემი გარეგნობითა და მასთან ურთიერთობის მანერის ცვლილებით: მე თავს უფრო თავდაჯერებულად და მშვიდად ვგრძნობდი.
ყოველდღე ვლოცულობდი და ვამჩნევდი, რომ ჩემი და ლევანის ურთიერთობა იცვლებოდა. ჩემი ქმარი სულ უფრო მეტ დროს ატარებდა ოჯახთან ერთად და ჩხუბიც სულ უფრო და უფრო ნაკლებად ხდებოდა. ჩვენმა მეზობელმა მალევე მონახა მდიდარი საყვარელი და ჩვენი სახლიდან გადავიდა. ჩვენ ისევ ბედნიერები ვართ! დედაჩემის ლოცვა კი ახლა უკვე ზეპირად ვიცი!
