5 ოქტომბერი მასწავლებლის საერთაშორისო დღეა! ბავშვებს და მშობლებს დრო აქვთ, აუჩქარებლად მოიფიქრონ, რა აჩუქონ საყვარელ მასწავლებლებს. პაპარაცმა გადაწყვიტა საქმე გაგიმარტივოთ. შევადგინეთ სია, რისი ჩუქება შეიძლება მასწავლებლის დღისთვის. გიამბობთ, რომელი საჩუქრები არის უადგილო. თუ ნამდვილად გსურთ მასწავლებლის გახარება და საჩუქრის სწორად შერჩევა, ეს მასალა თქვენთვისაა.
რა ვაჩუქოთ მასწავლებელს
პირველ რიგში, საყვარელ ადამიანს გულწრფელი მილოცვა გაუხარდება. ლამაზი ღია ბარათი, რომელზეც საყვარელი პოეტის ლექსი ლამაზად წერია ისეთივე ღირებულია, როგორც თქვენ მიერ უბრალო სიტყვებით დაწერილი რამდენიმე სტრიქონი. არ იდარდოთ, თუ ვერ შეარჩევთ უჩვეულო მეტაფორას და ვერ ააწყობთ რიტმს. რაც უფრო მეტ გულწრფელობას ჩააქსოვთ სიტყვებში, მით უფრო ძვირფასი იქნება საჩუქრის მიმღებისთვის. ნამდვილად ორიგინალური მილოცვა იქნება.
არასამუშაო საათებში ტელეფონზე დარეკვას და მილოცვას არ გირჩევთ. ადამიანი ისვენებს. იქნებ, სურს დრო მშვიდად გაატაროს და განმარტოებით ისიამოვნოს. ასეთი ჟესტი გონივრულია, თუ ზუსტად იცით, რომ ყურადღების ასეთი გამოვლენა კონკრეტულ პიროვნებას ნამდვილად მოეწონება.
ყვავილები, ტკბილეული, დეკორატიული კოსმეტიკა
უმჯობესია, ყვავილებით ექსპერიმენტები არ ჩაატაროთ. აჩუქეთ ყვავილი, რომელიც მასწავლებელს მოსწონს. სხვათა შორის, თაიგულის ყიდვა აუცილებელი არაა. ბევრ მასწავლებელს მოსწონს ოთახის მცენარეებით კაბინეტების მორთვა. თუ მასწავლებლის გემოვნება არ იცით, მაგრამ ყვავილის ჩუქება გსურთ, კლასიკური აირჩიეთ. მაგალითად, თეთრი, წითელი ან ღია ვარდისფერი ვარდი ან ტიტა.
ტკბილეულის ყიდვისას სპეციფიკურ დელიკატესს გვერდი აუარეთ და ნაცნობ კომბინაციებზე შეჩერდით. რძიანი და შავი შოკოლადი მარტივი, მაგრამ შესანიშნავი იდეაა. რაც უფრო მრავალფეროვანი იქნება დესერტის ინგრედიენტები, მით მეტი შანსია, რომ საჩუქარი სწორად ვერ შეარჩიოთ. თუმცა ყოველთვის შეიძლება წარუმატებელი კანფეტის ხელახლა გაჩუქება და სხვა ადამიანის გახარება ტკბილეულით.
დეკორატიული კოსმეტიკის შემთხვევაში, უფრო უსიამოვნო სიტუაცია შეიძლება შეიქმნას. პირველ რიგში, უცნობი ადამიანისთვის თავის მოვლის საშუალების შერჩევა ყოველთვის რთულია. მეორეც, ასეთ ნაკრებს ხშირად ფასდაკლებით ყიდულობენ. შესაძლოა საყვარელმა მასწავლებელმა ნაჩუქარი კრემის გამოყენება ვადის ამოწურვამდე ვერ მოასწროს.
რატომღაც ხშირად მიღებულია გამოყენებული ტექნიკის ჩუქება. საქმე ეხება მიქსერს, ტოსტერს, ვაფლის აპარატს და მსგავს მოწყობილობას. თუ ასეთ საჩუქარზე არ მიგანიშნეს, დიდი ალბათობით, დიდხანს ხელუხლებელი დარჩება და მტვრის სქელი ფენა მოედება.
უკეთესია, დღესასწაულამდე მასწავლებელს სთხოვოთ სურვილების სია ჩამოწეროს. დაე, საჭირო ნივთების სია შეადგინოს: მარტივიდან და იაფიდან ფინანსურად მნიშვნელოვნამდე. ასე გაგიმარტივდებათ კარგი საჩუქრის შერჩევა. დროსაც დაზოგავთ იმაზე ფიქრში, თუ რა უყიდოთ მასწავლებელს, რომ ნამდვილად გაახაროთ.
ვიმედოვნებთ თქვენთვის სასარგებლო სტატია იყო. გიზიარებთ ერთ–ერთი მასწავლებლის სახალისო ისტორიას, რომელიც 25 წელი დაწყებითი კლასის მასწავლებლად მუშაობდა.
ამბავი პირადი გამოცდილებიდან
„ერთხელ მასწავლებლის დღეზე მაჩუქეს საჩუქარი, რომელიც, ალბათ, არასოდეს დამავიწყდება. მთელი კლასმა ნიანგის ტყავის მდიდრული მწვანე საფულე მაჩუქა. მახსოვს, სკოლაში მუშაობა ახალი დაწყებული მქონდა. ჩამაბარეს კლასი, რომლის მშობელთა კომიტეტის ხელმძღვანელად მოდის მიმდევარი დედა აირჩიეს. ქალბატონი ნათია საუკეთესო ბუტიკებში შეძენილი მოდური სამოსით გამოირჩეოდა. სტილის გაგებაში სხვა მშობლები მასთან კონკურენციას არც ფიქრობდნენ. ასე რომ, როცა ნათიამ გადაწყვიტა, რომ მასწავლებლის დღისთვის ბრენდულ საფულეზე უკეთესი არაფერია, წინააღმდეგობა არავის გაუწევია. როცა მთელმა კლასმა ფული შეაგროვა, საკუთარი გემოვნებით საფულე იყიდა.
მახსოვს, რომ ასეთი საჩუქრის მიღება ძალიან მეუხერხულებოდა. სურვილებს შორის იყო წარმატებული რეპუტაციის და სტატუსის ხაზგასმის აუცილებლობა. ოღონდ ნიანგის ტყავის საფულე არ შეესაბამებოდა ჩემს გემოვნებას და მოკრძალებულ გარდერობს. სხვაზეც ვერ გავაჩუქებდი, რადგან მეგობარი მასწავლებლებიც თავშეკავებულ აქსესუარებს ანიჭებდნენ უპირატესობას. ალბათ, ეს მდიდრული უადგილო საჩუქარი ჯერ კიდევ ინახება ჩემი მშობლების სახლში ლამაზ ყუთში“.
