ერთხელ ჩემმა მეგობარმა ბებიისგან საჩუქრად მიიღო საუცხოო ბუმბულის ბალიში. თავიდან საჩუქრით აღფრთოვანებული იყო და კომფორტის ნამდვილ სიმბოლოდ თვლიდა. თუმცა რამდენიმე კვირის შემდეგ ჯანმრთელობის პრობლემები შეექმნა. დილით დაწითლებული თვალებით და გაჭედილი ცხვირით იღვიძებდა. ექიმმა დაუდასტურა, რომ ბუმბულზე ალერგია ჰქონდა. ბებიის ნაჩუქარი ბუმბულის ბალიში, რომელიც სიამოვნების მომტანი უნდა გამხდარიყო, კოშმარად გადაიქცა. ყველაზე მყუდრო ნივთიც საიდუმლო საფრთხის შემცველი შეიძლება იყოს. პაპარაცი ამის შესახებ გიამბობთ.
რატომ არ არის ბუმბულის ბალიში საუკეთესო არჩევანი ძილისთვის
გახსოვთ დრო, როცა ავტომობილები მეგაფონით მოგვიწოდებდნენ: „იყიდეთ ბუმბული ბალიშისთვის!“ დიახ, ეს იყო დღეები, როცა ბუმბულის ბალიში კომფორტის ნამდვილ სიმბოლოდ ითვლებოდა. თუმცა სიბრძნე ამბობს, რომ არაფერი გრძელდება სამუდამოდ.
ერთ–ერთი მთავარი საკითხი, რაც უნდა გახსოვდეთ, როცა საქმე ბუმბულის ბალიშთან გაქვთ, ალერგიული რეაქციაა. დარწმუნებული უნდა იყოთ, რომ ბუმბულზე ან ფრთაზე ალერგია არ გაქვთ. წინააღმდეგ შემთხვევაში, ასეთ ბალიშზე ძილი გამოიწვევს უსიამოვნო შედეგებს, როგორც ჩემი მეგობრის ისტორიაში. უსიამოვნება შეიძლება გამოვლინდეს ღებინების, ხველების ან სხვა სიმპტომის სახით. ბალიშის შერჩევას პასუხისმგებლობით მიუდექით, თუ მყუდრო და მშვიდი ძილის ნაცვლად უძილო ღამეების და უსიამოვნო ალერგიული რეაქციის მიღება არ გსურთ.
ეს ერთადერთი მომენტი არაა, რაზეც ნერვიულობა ღირს. რას იტყვით მტვერზე და ტკიპებზე? დიახ, ბუმბულის ბალიში მტვრის და მიკროსკოპული ტკიპების ნამდვილი კერა შეიძლება გახდეს. ამ დაუპატიჟებელმა სტუმრებმა შეიძლება გამოიწვიოს სერიოზული შედეგები, რომელიც შეიძლება გამოვლინდეს როგორც კანის გამონაყარის, ასევე გაჭედილი ცხვირის და ქავილის სახით. ჩვენ, ყველა ვცდილობთ სახლში სისუფთავის დაცვას, მაგრამ, როგორც ჩანს, ბუმბულის ბალიშებს ამის შესახებ საკუთარი გეგმა აქვს.
რა უნდა გააკეთოთ, თუ არ გსურთ საყვარელ ბუმბულის ბალიშთან დამშვიდობება?
არ იდარდოთ, გამოსავალი არსებობს! თუ არ გსურთ რბილ და მყუდრო ბუმბულის ბალიშს დაემშვიდობოთ, რამდენიმე რჩევა გვაქვს. პირველ რიგში, ბალიშები რეგულარულად გაწმინდეთ და განაახლეთ. გამოიყენეთ სპეციალური გადასაკრავი და ბალიშისპირი, რომლებიც შეგიძლიათ გარეცხოთ, რომ მტვრის და ტკიპების დაგროვება თავიდან აიცილოთ.
მეორეც, მოუსმინეთ თქვენს ორგანიზმს. თუ შეამჩნიეთ ალერგიის ნიშნები ან დისკომფორტი ბუმბულის ბალიშის გამოყენებისას, გირჩევთ არჩევანი გააკეთოთ ალტერნატიულ ვარიანტზე, მაგალითად, სინთეტიკურ შემავსებელზე.
და ბოლოს, არ დაგავიწყდეთ, რომ ბუმბულის ბალიში დროთა განმავლობაში ფორმას კარგავს. ამან თქვენს ძილზე და განწყობაზე გავლენა შეიძლება მოახდინოს. კარგი ძილი კარგი დღის გარანტიაა, ამაში სიმართლის მარცვალი არის. სწორედ ამიტომ, თუ თქვენი ბუმბულის ბალიში ბამბის გუნდას დაემსგავსა, ჩანაცვლებაზე დაფიქრდით.
ბებიაჩემი ყოველთვის ამაყობდა თავისი ძველი ბუმბულის ბალიშით, რომელსაც ათწლეულები იყენებდა, მაგრამ დროთა განმავლობაში ბალიშმა თავისი ფორმა დაკარგა. ბებია მასზე ძილს აგრძელებდა, მაგრამ მისი ძილი გახდა ნაკლებად კომფორტული, კისრის და ზურგის ტკივილი დაეწყო. მიხვდა, რომ ძველი ერთგული ბალიშის ახალი მოდელით ჩანაცვლების დრო მოვიდა.
ბუმბულის ბალიში სიმყუდროვე და კომფორტია, მაგრამ ასევე ფარულ საფრთხეს შეიცავს. თუ გსურთ ამ კომფორტის სიმბოლოს ერთგული გახდეთ, ფხიზლად იყავით და ბალიშის მდგომარეობა აკონტროლეთ. ჯანსაღი და კომფორტული ძილი ჩვენი კეთილდღეობის ძლიერი ასპექტია და ბალიში ამ საქმეში უკანასკნელ როლს არ ასრულებს.
