წვენსაწურის უქონლობა ერთადერთი მიზეზია რატომაც არ ინახავთ გემრიელ სტაფილოს წვენს ზამთრისთვის? გირჩევთ, მოეწყოთ კომფორტულად და გაეცნოთ ამ ვიტამინებით მდიდარი სასმლის მომზადების 2 შესანიშნავ მეთოდს, რომელსაც სპეციალური მოწყობილობის გამოყენება არ სჭირდება.
ამ 2 რეცეპტის წყალობით სახლში სასარგებლო და გემრიელი დელიკატესის დალევას შეძლებთ. ის არა მხოლოდ წყურვილს კლავს, არამედ ორგანიზმს ეხმარება. სტაფილოს ნატურალური წვენი მხედველობას და კანის მდგომარეობას აუმჯობესებს, ნივთიერებათა ცვლას აჩქარებს და იმუნიტეტის დამცავ თვისებებს ზრდის. ნამდვილად მშვენიერია.
როგორ მოვამზადოთ სტაფილოს წვენი ზამთრისთვის (წვენსაწურის გარეშე)?
რეცეპტი შაქრით
ინგრედიენტები:
- 3 კგ ახალი სტაფილო
- 1 მსხვილი ლიმონი
- 0,5 ლ სუფთა წყალი
- 3 ს/კ შაქარი
მომზადების წესი:
- ქილები კარგად გარეცხეთ და ნებისმიერი მოსახერხებელი მეთოდით გაასტერილეთ. თავსახურებიც დაამუშავეთ.
- სტაფილო გათალეთ და წვრილად გახეხეთ. რამდენიმე ფენად გაკეცილ მარლაზე გადაიტანეთ. წვენი კარგად გაწურეთ, დიდ ჭურჭელში ჩაასხით.
- ლიმონი სოდით კარგად გარეცხეთ, შემდეგ ცედრა წვრილ სახეხზე გახეხეთ. ციტრუსის წვენი გაწურეთ და სტაფილოს წვენს დაუმატეთ.
- ქვაბში ბოსტნეულის და ხილის წვენს სუფთა წყალი დაუმატეთ. შაქარი ჩაყარეთ. ყველა ინგრედიენტს კარგად აურიეთ. ქვაბი ცეცხლზე დადეთ.
- ადუღებამდე მიიყვანეთ. წვენი 5 წუთი ადუღეთ, პერიოდულად ქაფი მოხადეთ. ცხელი სასმელი სტერილურ მინის ქილებში ჩაასხით.
- ქილები მოხუფეთ, შემდეგ გადააბრუნეთ და პლედში შეფუთეთ. ოთახის ტემპერატურაზე გაგრილებამდე გააჩერეთ. 2 ლიტრი არომატული წვენი მზადაა!
უშაქრო რეცეპტი
ინგრედიენტები:
- 2,3 კგ ტკბილი სტაფილო
- 2 კგ ვაშლი
- 700 მლ წყალი
მომზადების წესი:
- სტაფილო დანით ან ბოსტნეულის სათლელით გათალეთ. მოგრძო ნაჭრებად დაჭერით. ვაშლი გათალეთ, ყუნწი და გული მოაშორეთ. ისე დაჭერით, როგორც სტაფილო.
- ხილი და ბოსტნეული ხორცსაკეპში დააქუცმაცეთ ან ერთგვაროვანი მასის მიღებამდე ბლენდერით დააბლენდერეთ. მზა პიურე მარლაჩაფენილ საცერში მოათავსეთ. მისგან წვენი ქვაბში ჩაწურეთ.
- მიღებულ სითხეს მდუღარე წყალი დაუმატეთ და აურიეთ. წვენი ცეცხლზე დადეთ. ადუღებამდე მიიყვანეთ. მომავალი სასმელი ზომიერ ცეცხლზე 5 წუთი ადუღეთ, აურიეთ და წარმოქმნილი ქაფი მოხადეთ.
- მინის ქილები ან ბოთლები ღუმელში ან მიკროტალღურში გაასტერილეთ. თავსახურებიც მოამზადეთ.
- ცხელი წვენი ჭურჭელში გადაიტანეთ. თავსახურები მჭიდროდ დაახურეთ. სრულ გაგრილებამდე სამზარეულოში გააჩერეთ. სტაფილო–ვაშლის წვენი მზადაა!
მნიშვნელოვანია გახსოვდეთ, რომ წვნიანი და ტკბილი სტაფილო ასეთი სასარგებლო და საოცრად არომატული სასმლის საუკეთესო საფუძველია. ცივ სეზონზე მისი დახმარებით ორგანიზმში ვიტამინების დეფიციტის აღადგენთ.
