მსოფლიო მოსახლეობის 10% მთელი სიმდიდრის 90%–ს ფლობს. დედამიწის მოსახლეობის დანარჩენი 90% ხელფასის დღეს თითქმის დღესასწაულად მიიჩნევს. ადამიანის ცხოვრებაში ყველაზე ცვალებადი სფერო ყოველთვის ფინანსური იყო. დღეს, როცა მთელი სამყარო მოცულია სხვადასხვა კატასტროფით, ეს სფერო უფრო დაუცველი გახდა.
ხელფასიდან ხელფასამდე სტაბილურად უკვე ვერავინ ცხოვრობს. რჩევების გარდა „მეტი უნდა იმუშაო“, არანაკლებ მნიშვნელოვანი ასპექტები არსებობს. ფული ენერგიაა. ფულს აქტიური, შეუპოვარი, მიზანდასახული ადამიანები უყვარს. სწორედ ამიტომ, მნიშვნელოვანია კარგ ხასიათზე ყოფნა ფულის ენერგიის გასაძლიერებლად. ადამიანი ემოციურად პოზიტიურად განწყობილი უნდა იყოს მოგების და სიმდიდრის მიღების მიმართ.
ხელფასის დღე
ისეთი ემოციები, როგორიცაა ეჭვები და ცუდი განწყობა, ფინანსურ სფეროს ანადგურებს. ასე ფული თქვენთან არ მოვა. როგორ გამოვასწოროთ? პაპარაცი გიამბობთ, როგორ გააძლიეროთ ფულის ენერგია და მიიზიდოთ ახალი მატერიალური შემოსავალი. ფინანსების გასაძლიერებლად ყველაზე ხელსაყრელი დღეა ხელფასის ან პენსიის მიღების დღე. ასევე ნებისმიერი შემოსავლის მიღების ან ვალის დაბრუნების, რაღაცის გადახდის დღე.
ხელფასის მიღების დღეს ეს პრაქტიკა აუცილებლად გააკეთეთ. ამ დღის შუაღამემდე სახლიდან გაიტანეთ პროდუქტი. ეს შეიძლება იყოს ხორცი, ძეხვი, მოხარშული გაფქცვნილი კვერცხი. მატერიალურად წონიანი რაიმე პროდუქტი და არა უბრალოდ პურის ნაჭერი. ეს პროდუქტი დადეთ იმ ადგილზე, სადაც ცხოველი ან ფრინველი ცხოვრობს. როცა პროდუქტს დადებთ, თქვით შემდეგი სიტყვები: „როგორც სახლიდან გამაქვს საკვები კეთილი გულით, ასე სახლში მოდის სიკეთე და ბარაქა“. ამის შემდეგ სახლში დაბრუნდით.
ასე გააკეთეთ ყოველ ჯერზე, როცა ფულს მიიღებთ. ამრიგად, სამყაროს მადლობას უხდით თქვენს ცხოვრებაში მატერიალური კეთილდღეობისთვის. რაც უფრო მეტად მადლიერი ხართ სამყაროსადმი, მით მეტად ეცდება თქვენთვის. მით მეტ შესაძლებლობას გამოგიგზავნით. მით უფრო გაძლიერდება თქვენი ფინანსური ენერგეტიკა. კიდევ ერთი მნიშვნელოვანი ასპექტი, რომელიც არ უნდა დაგავიწყდეთ, ეს თქვენი უსაფრთხოების ბალიშია.
ფინანსური განათლება
მისი ფორმირება სხვადასხვა ცხოვრებისეული სიტუაციის გადასალახავად ძალიან მნიშვნელოვანია. ასეთი ბალიში მინიმუმ 3 თვე თქვენს ფინანსურ მოთხოვნილებებს უზრუნველყოფს. უმჯობესია, თუ თქვენი ფინანსური ბალიში 6 თვეზე ან მეტზე გათვლილი იქნება. მისი ფორმირება მცირე ინვესტიციით შეგიძლიათ დაიწყოთ. ყოველი შემოსავლის 10% გადადეთ. თუ ასე ერთი წელი გაძლებთ, მცირე ხელუხლებელი კაპიტალი გექნებათ. ეს კაპიტალი შეგიძლიათ ჩადოთ რაიმე საწარმოში, რომელიც მოგების მცირე პროცენტს მოგიტანთ. ასე თქვენი ფინანსური უსაფრთხოების ბალიში ზრდას დაიწყებს.
დღეს არსებობს ბევრი მეთოდი, როგორ დაზოგოთ კაპიტალი. ფულს ძალიან უყვარს ანგარიში და პატივისცემა. უფრო მეტი მიდის მასთან, ვინც ფულს პატივს სცემს და მასთან სწორად მოქცევა იცის. სამწუხაროდ, განათლების სისტემაში ფინანსური განათლების მიღებას ნაკლებ ყურადღებას უთმობენ. უმეტესობამ ფულის მართვა უბრალოდ არ იცის. თუმცა ამის სწავლა ყოველთვის შეიძლება, მთავარი სურვილია.
