ფსიქოლოგების აზრით, ამა თუ იმ არჩევანის გაკეთებისას თითოეული ჩვენგანი მისთვის დამახასიათებელი თვისებებით ხელმძღვანელობს. ტანსაცმელში მოდური პრეფერენციები გამონაკლისი არაა. ამ მიზეზით პაპარაცი გთავაზობთ მარტივ ფსიქოლოგიურ ტესტს „აირჩიე კაბა“.
მოწონებული კაბის არჩევით გაიგებთ რა არის თქვენი ხასიათის მთავარი თვისებები, რომლებიც ბრბოსგან გამოგარჩევთ. დიდხანს არ იფიქროთ: რაც უფრო სწრაფად გადაწყვეტთ, მით უფრო სწორ პასუხს მიიღებთ. ფსიქოლოგიური ტესტი ასოციაციურ მეთოდს იყენებს და თქვენს შესახებ ბევრს საინტერესოს ამბობს.
ფსიქოლოგიური ტესტი „აირჩიე კაბა“
ზოგჯერ ტანსაცმლის არჩევა უფრო მეტად ავლენს ჩვენს ხასიათს, ვიდრე საახლობლო წრე. ტესტის გავლის შემდეგ ამაში თავად დარწმუნდებით, რადგან ხშირად ჩვენი გემოვნება ჩვენს ნამდვილ არსს ასახავს. ყურადღებით დააკვირდით სურათს და აირჩიეთ კაბა, რომელიც ყველაზე ლამაზია თქვენი აზრით. შედეგად თქვენს შესახებ ყველაზე პირადულს და საიდუმლოს გაგიმხელთ.
კრემისფერი
ყველაფერი ახალი და უჩვეულო გაინტერესებთ. ეს მეტყველებს, რომ ნაზი და მგრძნობიარე ხართ. იცით კეკლუცობა და კაცების მხრიდან გაზრდილი ყურადღება გიყვართ. მოგწონთ აღფრთოვანებული მზერის დაჭერა და ამით განსაკუთრებული ვნებიანი გრძნობების გამოწვევა. თუმცა თქვენი გულის მოგებას შეძლებს მხოლოდ ის, ვინც კომფორტით და მომავლის რწმენით აგავსებთ. თქვენთვის მნიშვნელოვანია იცოდეთ, რომ გაფასებენ და პატივს გცემენ. ასეთ ადამიანს ნამდვილად უყვარს და ზრუნავს თავის ოჯახზე და შვილებზე.
ცისფერი
მიზანდასახულობა თქვენი მთავარი უპირატესობაა. საჭიროების შემთხვევაში წინ შეუპოვრად მიიწევთ. ცვლილებები ან ექსპერიმენტები არ გაშინებთ. მოქნილი ხართ, ამიტომ გარკვეულ პირობებთან ან მოვლენებთან მორგება არ გიჭირთ. ასეთ ქალს საკმაოდ ძლიერი ნებისყოფა და ძლიერი ხასიათი აქვს. დასახულ მიზანს უმოკლეს დროში აღწევს. მიღწეულზე არ ჩერდებით, ამიტომ უმჯობესია გზაზე არავინ გადაგეღობოს. ბუნებამ გარკვეული ექსპრესიით და ვნებით დაგაჯილდოვათ. ყურადღების ცენტრში ყოფნა მოგწონთ. საკმაოდ ახირებული ხართ, მაგრამ შეგიძლიათ იყოთ უანგარო და ალტრუისტი.
ვარდისფერი
მეგობრული და სიცოცხლით სავსე ხართ. თავაზიანობა და პოზიტივი – არის ის, რაც ახსენდება გარშემომყოფებს თქვენს დანახვაზე. გულწრფელად, შეუძლებელია არ შეგიყვარდეს თქვენნაირი ქალი. კომუნიკაბელური და საინტერესო ხართ. თქვენს ხასიათში არის სითამამე და ორიგინალობა. მოკლებული არ ხართ თვითირონიას, ტაქტს და შესანიშნავ იუმორის გრძნობას. ღრმა სიბერემდე თვითგანვითარებას არ წყვეტთ, რადგან მზად ხართ, ისწავლოთ ახალი რამ. თქვენთან მოწყენა შეუძლებელია, რადგან შეგიძლიათ იყოთ არაპროგნოზირებადი და იდუმალი. ასეთი ქალი იდეალურად ერგება ცხოვრების სხვადასხვა პირობას და შეუძლია ყველაზე ფეთქებად კაცსაც შეეგუოს.
გახსოვდეთ: დიზაინერების ფანტაზია უსაზღვროა, თუმცა კლასიკა უცვლელია. თუ გსურთ გქონდეთ სამოსი, რომელიც ნებისმიერ შემთხვევას მოეგება, არ დაივიწყოთ შავი პატარა კაბა.
