2023 წლის ოქტომბერში მთვარის დაბნელება კუროს ნიშანში ბოლო დაბნელება იყო. ბოლო ორი წლის განმავლობაში მთვარის დაბნელება სწორედ კუროს ნიშანში ხდებოდა. ამის შესახებ ანჯელა პერლი საუბრობს. პაპარაცი დეტალურად გიამბობთ, რას უნდა ელოდოს ზოდიაქოს თითოეული ნიშანი 28 ოქტომბრის, მთვარის დაბნელების შემდეგ.
მთვარის დაბნელება ოქტომბერში
დავიწყოთ იმით, რომ 28 ოქტომბრის მთვარის დაბნელების საკვანძო სიტყვაა „ცვლილებები“. ნებისმიერი ცვლილებები პროგრესს და პიროვნების განვითარებას მოიცავს. ამ დაბნელებით ცხოვრების თითოეულ სფეროში ცვლილებები დასრულდა. ცვლილებები ჯერ კიდევ 2 წლის წინ შეიძლება დაწყებულიყო, როცა კუროში პირველი დაბნელება მოხდა. დროა შევაჯამოთ და მოვემზადოთ ცხოვრების ახალი მოვლენებისთვის, ახალი ენერგიის გასაშვებად. 28 ოქტომბრის მთვარის დაბნელება ერთდროულად ერთი საქმის დამთავრებას და ახლის დაწყებას ეხმარება.
ვერძს მთვარის დაბნელება მოუტანს ფინანსურ ცვლილებებს, რაც სამსახურთან კავშირში იქნება. თუ გრძნობთ, რომ იქ, სადაც ახლა მუშაობთ, თქვენი არაა, თამამად შეიცვალეთ საქმიანობის სფერო. კურო მიწის სტიქიაა, ამიტომ შესაძლოა უძრავი ქონების გარიგება ან რაიმე სახის მიწის ინვესტიცია დასრულდეს. ასეა თუ ისე, ნებისმიერი ფინანსური გარიგება კარგ ფინანსურ შემოსავალს მოგიტანთ. ასეთი ცვლილებები მოგიტანთ არა მხოლოდ მატერიალური მდგომარეობის გაუმჯობესებას, არამედ თვითშეფასების ზრდას, საკუთარი თავის და ძალების თავდაჯერებულობას.
კურომ თავის ცხოვრებაში ყველაზე მნიშვნელოვანი ცვლილებების დაგეგმვა შეიძლება დაიწყოს. ეს თვითგამოხატვის, ცხოვრებისეული მიზნების, ღირებულებების და პრიორიტეტების პერიოდია. სავარაუდოდ, თქვენს ცხოვრებაში ვიღაც ახალი ადამიანი გამოჩნდება. ეს იქნება ძლიერი კავშირი, ურთიერთგაგება და სიყვარული. კარგი დროა ტანსაცმლის სტილის, ვარცხნილობის ან მაკიაჟის შესაცვლელად. სახელიც შეგიძლიათ შეიცვალოთ ან შემოქმედებითი ფსევდონიმი მოიფიქროთ.
ტყუპებს ოქტომბრის მთვარის დაბნელება რაიმე სიტუაციისგან გათავისუფლებას ჰპირდება. ეს სიტუაცია უკვე დიდი ხანია გაწუხებთ და დროა დაემშვიდობოთ. შესაძლოა, ეს სიტუაცია ავადმყოფობას ან საძულველ სამსახურს უკავშირდება. თუ დიდი ხანია გეგმავთ მოგზაურობას ან სხვა ქვეყანაში გადასვლას, ამ დაბნელების შემდეგ ყველაფერი საუკეთესოდ გამოვა.
სურვილების ბარათი
კირჩხიბისთვის მთვარის დაბნელება მომავლის სახლის წინამორბედია. შეძლებთ შეკრათ თანამოაზრეების მეგობრული გუნდი, რომელთან ერთადაც მომავალს შექმნით. ამ დროს ძალიან კარგია სანუკვარი სურვილების ჩაფიქრება და მის ვიზუალიზაციაზე მუშაობა. წარმოიდგინეთ თქვენი მშვენიერი ცხოვრება და სურვილები ახდენას დაიწყებს.
ლომი ახალ პროექტში ჩაეფლობა. გელით ახალი სამსახური, საინტერესო შეხვედრები და მაგარი პროექტები. მთვარის დაბნელება მოგიტანთ საქმიანობის სფეროს შეცვლას ან ბიზნესის განვითარებას. მთავარი ჯილდო, რომელსაც მიიღებთ, აღიარება და ცნობადობაა. ეს ყველაფერი 28 ოქტომბრის, მთავარის დაბნელების შემდეგ მოხდება.
ახალი გატაცებები და ნაცნობობა
ქალწულს მთვარის დაბნელება ჰპირდება უცხოელებთან ნაცნობობას და საზღვარგარეთ გადასვლას. შესაძლოა შემოგთავაზონ საინტერესო პროექტი ან სხვა ქვეყანაში საერთაშორიო კომპანიაში მუშაობა. ეს ემიგრაციაში სამუდამოდ გადასვლის შესაძლებლობას მოგცემთ. ეს პერიოდი შემოქმედებასაც უკავშირდება. თუ თქვენი ცხოვრება დაკავშირებულია სწავლებასთან, ამ პერიოდში შეძლებთ ახალი პროექტის შექმნას. შესაძლოათ გახსნათ ახალი კურსი ან მიმართულება ან ახალი წიგნი გამოსცეთ.
სასწორისთვის ოქტომბრის მთვარის დაბნელება ფინანსებს უკავშირდება. წარმატებული ინვესტიციები, მიწის ან უძრავი ქონების ყიდვა/გაყიდვის წარმატებული გარიგება, მემკვიდრეობის მიღება ან მოგება. ეს ყველაფერი ახლა შესაძლებელია. კარგი პერიოდია ახალი ურთიერთობის დასაწყებად ან ძველი ტოქსიკური ურთიერთობის დასასრულებლად. ახლა თქვენი მიმზიდველობა პიკზეა, რაც საშუალებას მოგცემთ საპირისპირო სქესთან ურთიერთობა დაამყაროთ.
მორიელი მთვარის დაბნელების პერიოდი ახალ სიყვარულს ჰპირდება. დაოჯახების წინადადებას მიიღებთ. გელით რომანტიკული შეხვედრები და ახალი საინტერესო ნაცნობები. თუ უკვე დაოჯახებული ხართ, ამ პერიოდში ყველაფერი სწრაფად შეიძლება დასრულდეს. ახალი ურთიერთობა მსოფლმხედველობის სრულიად განსხვავებულ დონეზე აგიყვანთ.
მშვილდოსანო, სამსახურის შეცვლის დროა. თუ დიდი ხანია ამაზე ფიქრობთ, სავარაუდოდ, დაბნელების პერიოდში საინტერესო წინადადებას მიიღებთ. თუ დიდი ხანია გეგმავთ ახალი ბიზნესის დაწყებას, ბიზნეს გეგმის შესადგენად შესაფერისი დროა. ახალი ნაცნობები და ახალი საქმიანი კონტრაქტების გაფორმება. თქვენი ცხოვრების ხარისხის გაუმჯობესების შანსი ხელიდან არ გაუშვათ.
ცვლილებები ცხოვრებაში
თხის რქას ოქტომბრის მთვარის დაბნელება აჩვენებს, რამდენად უყვართ საკუთარი თავი. დროა, დაფიქრდეთ საკუთარ თავზე, მიხედოთ ჯანმრთელობას, გარეგნობას. დროა, იმიჯი ან ვარცხნილობა შეიცვალოთ. ეს მთვარის დაბნელება საპირისპირო სქესთან ურთიერთობას უკავშირდება. თუ უკვე შეხვდით მეორე ნახევარს, მთვარის დაბნელება თქვენს ურთიერთობას ახალ ემოციებს და სიხარულს შემატებს.
მერწყულს საცხოვრებელი ადგილის შეცვლა ელოდება. სხვა ქალაქში ან ქვეყანაში კარგი სამსახური შეიძლება შემოგთავაზონ. შესაძლოა, ოჯახის შექმნა შემოგთავაზონ და საზღვარგარეთ გადახვიდეთ. ამ პერიოდში დედასთან ურთიერთქმედება გაძლიერდება, თქვენი დახმარება შეიძლება დასჭირდეს. კარგი დროა უძრავ ქონებასთან დაკავშირებული საქმის დასასრულებლად, უძრავი ქონების გასაყიდად ან შესაძენად.
თევზები ახალი ფინანსური პროექტებისთვის უნდა მოემზადოს. გელით ახალი საინტერესო ნაცნობები, ურთიერთობის წრის შეცვლა. ახალი ინტერესები და ჰობი გამოგიჩნდებათ. დაფიქრდით ახალ ცოდნაზე და განათლებაზე. ხელსაყრელი დროა მართვის კურსის გასავლელად და მოწმობის ასაღებად. თამამად იმუშავეთ თქვენს მომავალზე და განათლებაზე.
ვიმედოვნებთ, ოქტომბრის მთვარის დაბნელების შემდეგ თქვენი ცხოვრება სასიამოვნო მოვლენებით და სიახლეებით აივსება.
