ზოგჯერ კვერცხის მოხარშვის დროს, ნაჭუჭი იბზარება, რის გამოც ცილა ჟონავს და იკვრება. ალბათ, მსგავსი უსიამოვნება ერთხელ მაინც ყველას მოსვლია. ამის თავიდან ასაცილებლად, ზოგი იყენებს სპეციალურ ფორმებს მოსახარშად, ზოგი პროდუქტს ცივ წყალში დებს, სხვები კი ფოლგაში გახვეულ კვერცხს ქვაბში ათავსებენ. მომზადების ბოლო მეთოდი უფრო დეტალურად გავარკვიოთ.
რულონი ფოლგა ნამდვილად დაგეხმარებათ მოხარშოთ იდეალური კვერცხი. თან ასეთ მომზადებაში რთული არაფერია. ფოლგის დახმარებით სკოლის მოსწავლეც შეძლებს მოხარშოს კვერცხი ცილის გაჟონვის გარეშე.
რატომ უნდა მოხარშოთ კვერცხი ფოლგაში: საინტერესო მეთოდი
კულინარიული ხრიკი
კვერცხი ხარშვისას რომ არ დასკდეს, ზოგი მზარეული მას ქვაბში ათავსებს, შემდეგ ცივ წყალს ასხამს. არ დავმალავთ, მეთოდი მუშაობს. თუმცა ამის გამო ცილა ნელა მზადდება და ნაჭუჭს ძლიერ ეკვრის. შედეგად, ამ მეთოდით მოხარშული კვერცხის გაფრქცვნა ძალიან რთულია. ფოლგით მომზადებისას მსგავს პრობლემასთან შეჯახება არ მოგიწევთ.
ჩაუშვათ კვერცხი მდუღარე წყალში დაბზარვის შიშის გარეშე შესაძლებელია. ამისთვის ჩვეულებრივი ალუმინის ფოლგა გამოიყენეთ. თითოეული კვერცხი ფოლგაში მჭიდროდ გაახვიეთ და შემდეგ მოათავსეთ მდუღარე წყლით სავსე ქვაბში. მზადაა! კვერცხი მოხარშეთ. ცილა არ გაჟონავს, ხოლო ნაჭუჭი სწრაფად და მარტივად მოშორდება.
კვერცხის მომზადების რჩევები
თუ სამზარეულოში ფოლგა არ გაქვთ, კვერცხის მოხარშვის რამდენიმე წესი გაიხსენეთ. მათი დაცვით არ შეგაწუხებთ ისეთი პრობლემები, როგორიცაა დაბზარული ნაჭუჭი და ცილის გაჟონვა.
- კვერცხი მაცივრიდან გამოღებისთანავე მდუღარე წყალში არ ჩადოთ. ტემპერატურის მკვეთრი ცვლილებისას აუცილებლად დაიბზარება.
- კვერცხს ოთახის ტემპერატურამდე გათბობა აცადეთ, სანამ მოხარშავთ. თუ დრო არ გაქვთ, რამდენიმე წუთით თბილ წყალში გააჩერეთ.
- კვერცხი პატარა ზომის ჭურჭელში მოხარშეთ. ასე ერთმანეთს ნაკლებად დაეჯახებიან.
- წყალს მარილი დაუმატეთ. ნაჭუჭში ვერ შეაღწევს, სამაგიეროდ კვერცხს დასკდომის საშუალებას არ მისცემს.
- წყლის ადუღების შემდეგ სუსტ ან საშუალო ცეცხლზე ხარშეთ. ძლიერ ცეცხლზე მომზადებით პროცესს არ აჩქარებთ, არამედ დასკდომის რისკს ზრდით. ეს ძლიერი დუღილის შედეგად შეიძლება მოხდეს.
ფოლგის გამოყენებით კვერცხის მოხარშვის მეთოდი გარანტიას იძლევა, რომ ცილა არ გაჟონავს. ნოყიერი და სწრაფი საუზმის მოსამზადებლად გამოიყენეთ. არ დაგავიწყდეთ მნიშვნელოვანი წესები, რომლებიც ხელს შეუშლის კვერცხის გაბზარვას მდუღარე წყალში, თუ ფოლგაში გახვეული არაა.
