ახლახანს პაველ გლობამ პროგნოზი გააკეთა, თუ რა ელის მსოფლიოს 2024 წელს. დრო გვიჩვენებს, მისი რომელი პროგნოზი ახდება. პაპარაცი გიამბობთ, რა პროგნოზებს აკეთებს პაველ გლობა 2024 წლისთვის.
პაველ გლობა თავის განხილვებში სამი ქვეყნის, რუსეთის, ჩინეთის და ისრაელის, თანამეგობრობის პერსპექტივას განიხილავს. პაველ გლობამ პლანეტების გავლენის და ასტროლოგიური მონაცემების საფუძველზე შოკისმომგვრელი დასკვნები გამოიტანა. ადრე ასტროლოგმა იწინასწარმეტყველა სამხედრო კონფლიქტების ახალი კერები 2023 წელს. ეს კონფლიქტები შეიძლება გაგრძელდეს რამდენიმე წლის განმავლობაში. დღეს ვხედავთ ახლო აღმოსავლეთში საომარი მოქმედებების აქტიურ ფაზას ღაზას სექტორსა და ისრაელს შორის.
2024 წლის პროგნოზი
ციური სხეულების პოზიციებიდან გამომდინარე პაველ გლობა პროგნოზირებს, რომ სამყარო უახლოეს მომავალში კონფლიქტებში შეიძლება ჩაიძიროს. ამის თავიდან ასაცილებლად სასწრაფოდ კონსტრუქციული გამოსავალი უნდა ვეძებოთ და შეთანხმებამდე მივიდეთ. წინააღმდეგ შემთხვევაში, განკითხვის დღე შეიძლება დადგეს. ამას თითოეული ჩვენგანი იგრძნობს. 2023–24 წლების ზამთარი ერთ–ერთი ყველაზე საშინელია ჩვენი სამყაროსთვის.
ეს შეიძლება აღმოჩნდეს ფატალური დროის მონაკვეთი წარსულსა და მომავალს შორის ჩვენი პლანეტისთვის. აუცილებელია, ვიპოვოთ კონფლიქტების მშვიდობიანად მოგვარების გზები და ჩვენი პლანეტის და მისი მაცხოვრებლების მომავლისთვის უსაფრთხო არსებობა შევქმნათ. ასევე უნდა მოვერიდოთ პროვოკაციებს, რომლებიც როგორც ერთი, ასევე მეორე მხრიდან შეიძლება იყოს. ასტროლოგი გირჩევთ შეინარჩუნოთ ის არასტაბილური ბალანსი, რომელიც დღეს არსებობს. წინააღმდეგ შემთხვევაში, ახალი კონფლიქტები საბოლოოდ გამოიწვევს მესამე მსოფლიო ომს. მაშინ გამოიყენებენ ბირთვულ და სხვა იარაღებს. საფრთხე 2024 წლის იანვარ–თებერვალში განსაკუთრებით გამწვავდება.
პაველ გლობას აზრით, ამ ზამთარს ვიხილავთ მიღებული გადაწყვეტილებების შედეგებს, თუ ისინი სწორი იყო, ან არასწორი გადაწყვეტილებების შედეგებს. რუსეთსა და უკრაინას შორის სამხედრო კონფლიქტმა სხვადასხვა ქვეყნებში კონფლიქტების ჯაჭვის შეუქცევადი პროცესი გამოიწვია. საბოლოოდ ეს კონფლიქტები გამოიწვევს ჩვენი სამყაროს სრულ ტრანსფორმაციას და გლობალურ ცვლილებებს. ახლა სამყარო იცვლება.
ახალი პოლიტიკური წესრიგი
რაც შეეხება რუსეთსა და ჩინეთს, პაველ გლობა პროგნოზირებს, რომ რუსეთი თავის აღმოსავლეთ პარტნიორზე დიდად დამოკიდებული იქნება. პერსპექტიულ მომავალში, ჩინეთი ელოდება ხელსაყრელ პირობებს მისი ეკონომიკის განვითარებისთვის, რუსეთში ძალაუფლების გაფართოებისთვის და მისი უფლებამოსილების გაზრდისთვის. რუსეთის ხელისუფლება უკვე ახლა ჩინეთის აზრზეა მთლიანად დამოკიდებული და მომავალში ეს დაქვემდებარება მხოლოდ გაიზრდება. ასტროლოგის თქმით, ახლა რუსეთს აქვს დიდი შანსი დაუშვას სერიოზული სტრატეგიული შეცდომები და მოექცეს ჩინეთის გავლენის ქვეშ.
პაველ გლობა გვაფრთხილებს სამყაროს ყველაზე უარესი სცენარის შესახებ. ჩვენს ძალებშია გავლენა მოვახდინოთ ამ ცვლილებებზე და გამოვასწოროთ ეს პროცესები. ამისთვის მოგვიწევს შევწიროთ სიდიადე და ვისწავლოთ პასუხისმგებლობის აღება საკუთარ ქმედებებზე და მოსაზრებებზე.
