ზამთარში მაღაზიების თაროებზე შეგიძლიათ დაინახოთ თურინჯი. ამ ციტრუსის მწიფე ნაყოფს ძალიან ტკბილი გემო აქვს სასიამოვნო სიმჟავის ნოტებით. მკვახე ან გაფუჭებული ხილი გამოირჩევა სიმწარით, რომელიც გასინჯვის შემდეგ პირში იგრძნობა. პაპარაცი გიამბობთ, როგორ აარჩიოთ თურინჯი მაღაზიაში და არ შეცდეთ.
რამდენიმე ნიუანსი უნდა იცოდეთ, რომ ამ ციტრუსის შეძენისას შეცდომა არ დაუშვათ. ხილის გამოცდილმა გამყიდველმა გვიამბო, როგორ მივხვდეთ 10 წამში, რომ ჩვენს წინაშე მწიფე ხილია.
როგორ ავარჩიოთ თურინჯი: მნიშვნელოვანი რჩევები
ხილის ქერქის ფერი
- თუ გემრიელი თურინჯის ყიდვა გსურთ, მის ქერქს აუცილებლად დააკვირდით. ღია ყვითელი (ოდნავ ნარინჯისფერი) უნდა იყოს. არ იფიქროთ, რომ არასაკმარისად ნაჯერი ფერი მოუმწიფებელ ხილზე მიუთითებს. მკვახე თურინჯს ქერქზე მწვანე ლაქები აქვს.
- ციტრუსის ზომიერი ფერი ნიშანია, რომ ეს ხილი თქვენს კალათაში უნდა ჩადოთ. ნაყოფი მოწითალო გვერდებით – ასევე კარგი არჩევანია. აი, თურინჯი, რომლის შეფერილობა ზედმეტად ნათელია, არ შეიძინოთ. ეს ხილის გაზრდისას ქიმიკატების გამოყენების ნიშანი შეიძლება იყოს.
- თურინჯი ძალიან ბზინვარე ქერქით, რომელიც ხელს პირდაპირ ეწებება, შეძენილ პროდუქტებს შორის არ უნდა აღმოჩნდეს. ხილის ეს თავისებურება ამბობს, რომ სავაჭრო სახის მისაღებად დამატებით დაამუშავეს.
- ქერქზე აქვს რგოლები, რომლებიც ზოლებად გამოყოფილია, მუქი ლაქები ან ჩაღრმავება? ასეთი თურინჯი არ შეიძინოთ.
ციტრუსის სიმკვრივე
ბევრი შეცდომით ფიქრობს, რომ თურინჯის სირბილე მის სიმწიფეზე მიუთითებს. სინამდვილეში, უნდა აირჩიოთ მაგარი (მკვრივი) ხილი. ამ ციტრუსის სირბილე ლპობის დაწყების ნიშანია. თურინჯს თავზე თითი დააჭირეთ შესამოწმებლად. თუ მაგარია, ციტრუსის ყიდვა შეგიძლიათ.
მაღაზიაში ყურადღება მიაქციეთ თურინჯის ქერქს და მის სიმკვრივეს. ასე შეიძენთ ნამდვილად გემრიელ და მწიფე ხილს, რომელსაც მწარე გემო არ ექნება. არ დაგავიწყდეთ, რომ ქერქისგან გასუფთავებული ციტრუსი მაცივარში უნდა ინახებოდეს და მაქსიმუმ 24 საათით. გასუფთავებული ციტრუსი 1 დღეზე მეტხანს გაჩერების შემდეგ ხმება. თუ ნამდვილად ხარისხიანი თურინჯი შეიძინეთ და ქერქის მოშორება ვერ მოასწარით, ასეთი ნაყოფი გრილ ადგილას 2–3 თვე შეგიძლიათ შეინახოთ. ამ დროში არომატული ხილი თავის გემოს და სასარგებლო თვისებებს არ დაკარგავს.
