კარგი დიასახლისის სახლში მხოლოდ სისუფთავის, დროდადრო ახალგამომცხვარი ნამცხვრის სუნი ტრიალებს. სამწუხაროდ, ხშირად ამ მხრივ ნაქირავები ბინები და ძველი სახლები იდეალური დიასახლისისთვის ნამდვილი გამოწვევა ხდება. ბინიდან უსიამოვნო სუნის გაქრობა საკმაოდ რთულია. აქვს ამაზრზენი ჩვევა, ისევ და ისევ გამოჩნდეს, რასაც მობინადრეები სიგიჟემდე მიყავს. საბედნიეროდ, არსებობს გამოცდილი ხალხური მეთოდები, რომელთა დახმარებით სახლიდან ნებისმიერ მიაზმებს გააძევებთ.
უსიამოვნო სუნი ბინაში: რა გავაკეთოთ, როგორ მოვიშოროთ?
მარადიული პრობლემა
ყველაზე ხშირად უსიამოვნო სუნის პრობლემა ნაქირავებ ბინაში მცხოვრებლებს ექმნებათ. ხშირად მეპატრონეები აქირავებენ საცხოვრებელს, რომელიც უფროსი ნათესავებისგან მემკვიდრეობით მიიღეს. ასეთ ბინაში კედლებიც კი სიბერის სუნით გაჟღენთილია! დიასახლისები მის მოშორებას არ ჩქარობენ, მათ ხომ ხელს არ უშლით!
სინესტის სუნი ძველი სახლების მობინადრეების კიდევ ერთი გავრცელებული პრობლემაა. ჩვეულებრივ, ამას ობი და სხვადასხვა საზიზღარი სოკო ახლავს. მხოლოდ სინესტის სუნიც ნაქირავებ ბინაში გადასული ოჯახისთვის სერიოზულად პრობლემად იქცევა. ზოგი თვლის, რომ ამ უსიამოვნო სუნის მოშორება შეუძლებელია.
აუცილებელი მოქმედება
საბედნიეროდ, უსიამოვნო სუნის ბინიდან მოშორება შესაძლებელია, თუ ხელნაკეთ ხსნარს გამოიყენებთ. მართალია, მხოლოდ ეს ხსნარი პრობლემას ვერ მოაგვარებს. საწმენდი საშუალება გენერალური დასუფთავების დროს უნდა გამოიყენოთ. ყველაფერი უნდა დაიწყოთ რამდენიმე სავალდებულო მოქმედებით.
პირველ რიგში, სხვადასხვა ნაგავი მოიშორეთ. ამ კატეგორიაში შედის ძველი ჟურნალ–გაზეთები, ტანსაცმელი და სხვა ნივთები, რომლებიც უსიამოვნო სუნით გაჟღენთილია. თუ ბინა ნაქირავებია, მეპატრონისგან ნებართვა აიღეთ, სანამ რამეს გადაყრით. თუ საცხოვრებელი თქვენი საკუთრებაა, უბრალოდ მემკვიდრეობით მიღებული, ნაგავი უყოყმანოდ გადაყარეთ!
ახლა ყველა ფარდა ჩამოხსენით და კარგად გარეცხეთ, თან არა ერთხელ, მინიმუმ ორჯერ. ხშირად სწორედ ისინი ინარჩუნებენ სუნს სახლში. პარალელურად, საცხოვრებელი კარგად გაანიავეთ. იდეალურია, თუ სუფთა ჰაერი მთელ სახლში თავისუფლად იმოძრავებს.
საწმენდი საშუალება
რბილი ავეჯი ნაყიდი საწმენდი საშუალებებით დაამუშავეთ. მაგალითად, ვანიშით. გაფრთხილებთ, სავარაუდოდ, პროცედურის მინიმუმ ორჯერ ჩატარება მოგიწევთ. იატაკების გასაწმენდად გამოიყენეთ წყლის, კოვზი ძმრის და კოვზი მარილის ნარევი. მხოლოდ ასე შეძლებთ ბინაში უსიამოვნო სუნის გაქრობაც. ხის ზედაპირისა და ავეჯის გასაწმენდად განსაკუთრებულ რეცეპტს გთავაზობთ.
3 ლ წყალში 1 სუფრის კოვზი თხევადი სარეცხი საპონი და 2 სუფრის კოვზი ძმარი გახსენით. კარგად აურიეთ. ამ ხსნარით ყველა ხის ზედაპირი გაწმინდეთ, შემდეგ შპალერი. მარტივი არაა, მაგრამ სხვა გამოსავალი არაა. სამაგიეროდ, უსიამოვნო სუნი ბინაში სამუდამოდ გაქრება!
