ანჯელა პერლმა ტაროს კარტი გაშალა და გაარკვია, რა ელის ზოდიაქოს თითოეულ ნიშანს 2024 წელს. მწვანე დრაკონის ძლიერი ენერგია ყველას შეეხება. აღმოჩენების, გარდაქმნების და გონების განათების ძლიერი და მშვენიერი დრო იქნება. დაფიქრდით, რა კითხვაზე გსურთ პასუხის გაცემა და სწრაფად მოძებნეთ თქვენი ნიშნის პროგნოზი. ანჯელა პერლის 2024 წლის ტარო პროგნოზი მომავალს ფარდას ახდის.
ანჯელა პერლი: 2024 წლის ტარო პროგნოზი
ვერძი
ზამთარი მოლოდინით დაიწყება. მშვიდი იანვარი დასასვენებლად და გამოსაძინებლად გამოიყენეთ. თებერვალში შემოსავლის ზრდას ელოდეთ. კარგი თვეა კონტრაქტების ან მომგებიანი შესყიდვების განსახორციელებლად.
მარტი სიყვარულის და გრძნობების გაღვიძებას გპირდებათ. ნაზი პაემნები, ვნებიანი რომანები, ახალი სერიოზული ურთიერთობა. ბიზნესისკენ ხედვა, გეგმის შედგენა გააგრძელეთ და იმოქმედეთ: თქვენი შეუპოვრობა ახალ ხელშეკრულებებს მოიზიდავს. მაისში უშიშრად იმოქმედეთ და თქვენი პოზიციები დაიცავით.
ივნისი საჩუქრების და არჩევანის დროა. გული გიკარნახებთ, საით წახვიდეთ. ივლისში ჭორებს თავი აარიდეთ. შეიძლება ამის დრო არც გქონდეთ, ნანატრი მოგზაურობის ან მივლინების პერიოდში. აგვისტოში ოდნავ დამშვიდდით, რომ კონკურენტები და მეგობრები შემთხვევით არ დაწვათ!
შემოდგომაზე ბევრი საზრუნავი გამოჩნდება. ყველგან მოასწრებთ, ყველას დაეხმარებით. დედის, ფსიქოლოგის ან, მაგალითად, ძიძისგან მხარდაჭერას მიიღებთ. ოქტომბერში გამოიყენეთ ჭკვიანი ადვოკატი ან ფინანსისტი ქალის დახმარება, რომელიც ჰაერის ელემენტს მიეკუთვნება – მერწყული, სასწორი ან ტყუპები. 2024 წლის დეკემბერი არის დრო, როცა ყურადღების ცენტრში უნდა იყოთ. სიფრთხილე გამოიჩინეთ: ვიღაც ორპირს თქვენი ენერგიით სარგებლობა სურს.
კურო
იანვარი სახლის და კომფორტის თვეა. ოჯახის წევრები თქვენ გვერდით, სტუმრები, მხიარულობა და მშვიდი ბედნიერება. თებერვალში შემოსავალი თქვენს ჯიბეში უხვად შემოვა. შურიანების ჩურჩული ზურგს უკან ისე არის, როგორც კოვზი კუპრი ბალანსისთვის.
მარტიდან აპრილამდე ფინანსებით და საჩუქრებით მდიდარი პერიოდია. მოსწავლის გზას დაადგებით: წინ გელით ახალი საინტერესო ცოდნა, ტექნიკა და უნარები. მაისში რაღაც ან ვიღაც თქვენი ცხოვრებიდან სამუდამოდ წავა. ძველი მეგობარი, ძველი ქმარი ან ყოფილი სამსახური.
ზაფხული ფინანსებით გაგახარებთ, მაგრამ ცოტა ლოდინი მოგიწევთ. ივლისი გეგმებში შესწორებას შეიტანს: რაღაც სცენარის მიხედვით არ წავა. გეგმა ბ ზედმეტი არასდროსაა. აგვისტოში იდეები თქვენს ყურადღებას დაიპყრობს. ლოდინის რეჟიმში იქნებით და ვარიანტებს გადახედავთ. განმარტოების, თვითანალიზის და შვებულების დროა.
შემოდგომაზე წარმატებას მიაღწევთ, რასაც კი ხელი არ უნდა მოჰკიდოთ. ტკბილი დასვენება და ახალი შესაძლებლობები. ბუმერანგის კანონი გაიხსენეთ: სამყარო სამართლიანად უპასუხებს თქვენს ყოველ ნაბიჯს, ამიტომ იცხოვრე სინდისის მიხედვით და არავის უსურვო ცუდი. წლის ბოლოს ახალ ცოდნას და თქვენი ნიჭის და უნარის ფულად დადასტურებას მიიღებთ.
ტყუპები
2024 წლის დასაწყისში თქვენს ცხოვრებაში სიახლე შემოვა. ვიღაცას თქვენი ყურადღება და ზრუნვა დასჭირდება. იანვარი ხარჯების და ახალი გამოცდილების თვეა. მიიღებთ საინტერესო სამუშაოს, მაგრამ სწრაფად დასწავლა მოგიწევთ. თებერვალში სწორედ „იმ“ კითხვაზე პასუხს მიიღებთ.
მარტში ალალბედზე იმოქმედებთ და მოულოდნელად მიზანში მოხვდებით. არჩევანის გაკეთება და თავის დაცვა მოგიწევთ. სამაგიეროდ, აპრილში თვითშეფასება და ფინანსები წინსვლაში დაგეხმარებათ. დროა, იბრწყინოთ და მღელვარე ცხოვრებაში გადაეშვათ. ბედი მოგზაურებს ხელს უწყობს.
ზაფხულში გონება გაგინათდებათ. გააცნობიერებთ, რომ ბედს თავად ქმნით. ჩაიფიქრეთ სურვილი, მაგრამ ფრთხილად: სამყაროს ყველა ფიქრი ესმის. ივლისში დასვენების დროა. აგვისტოში გაიცნობთ ავტორიტეტულ ადამიანს, მასწავლებელს. რეპუტაცია და სულიერი ზრდა გაიზრდება.
სექტემბერი და ოქტომბერი თქვენი ძალისხმევით ფულადი შემოსავლის აღების დროა. თქვენს ცხოვრებაში გამოჩნდება გავლენიანი ქალი. სირთულეებს არ შეუშინდეთ, დაე, მათ ეშინოდეთ თქვენი! წლის ბოლოს ურთიერთობის და ფანტაზიის უნარი გამოიყენეთ, რომ ახალი გეგმები და იდეები განახორციელოთ.
კირჩხიბი
იანვარში ფინანსური საკითხით დაკავდებით. სად ჩადოთ, სად აიღოთ მოგება. ფინანსებში გაგიმართლებთ. თებერვალი ახალი საქმის დასაწყებად კარგი დროა. ახალი შესაძლებლობები თქვენთან ახლოს შეიძლება იყოს. შემოთავაზებას თამამად დათანხმდით.
მარტში თქვენი ინტერესის საგანში აქტიურად ჩაერთეთ. გვერდით შეიძლება აღმოჩნდეს ნათელი გოგონა, რომელიც კარგ რჩევას მოგცემთ და მორალურად მხარს დაგიჭერთ. აპრილში რაღაც ახალს მიაღწევთ. ტაროს კარტი კარიერაში ფინანსურ ბონუსებს, მოგზაურობას გპირდებათ. მაისი სასწაულების შესაქმნელად საუკეთესო დროა. იცით, როგორ უნდა იმოქმედოთ.
ზაფხულის დასაწყისი – მოკრძალებული ფული. ტემპი შეანელეთ, დაისვენეთ. დაფიქრების, საკუთარ თავზე ზრუნვის დროა. ინტუიციას მოუსმინეთ, ივლისში წარმატებამდე მიგიყვანთ. რთული იქნება, მაგრამ გამოსავალს იპოვით. აგვისტო მეტ ფულს მოგიტანთ. დაიწყებთ ახალ საქმეს, რომელიც სექტემბერში ნაყოფს გამოიღებს.
შემოდგომაზე ბედი თქვენს სანუკვარ სურვილს აასრულებს. თავისუფალი კირჩხიბი ახალ სიყვარულს იპოვის, ხოლო დაოჯახებულს მეორე თაფლობის თვე ექნება. ენერგია საკმარისია, რომ 2024 წელი ღირსეულად დაასრულოთ. ბევრი იდეა და საქმე იქნება, მაგრამ ბონუსები სასიამოვნოდ გაგახარებთ.
ლომი
2024 წელი კაშკაშით დაიწყეთ. გამოეწყვეთ, გალამაზდით, მიიღეთ საჩუქრები და ახლობლებიც გაახარეთ. გელით ძვირადღირებული შესყიდვები და ფულადი ანაზღაურება სამსახურიდან. თებერვალში ოჯახი და ბიზნესი საქმეს მოგიმატებთ, მაგრამ გაუმკლავდებით. მოხდება რაღაც, რაც სიხარულს მოგანიჭებთ.
მარტი გიბიძგებთ სიყვარულში ან ბიზნესში წერტილი დასვათ. კონფლიქტები, ტყუილები, წყენა ან შეუსაბამობა გეგმაში. თუ შეთანხმება გაყინულია, სხვა ვარიანტები მოძებნეთ. აპრილი სწავლის, გუნდური მუშაობის დროა. მომგებიან მაისში სურვილების ასრულება დაგეგმეთ.
ფულადი ივნისი დაგაჯილდოებთ მარტში მწვავე საკითხის მოგვარებისთვის. არ დაიბნეთ, თაყვანისმცემლის და ბიზნესის საკითხში არჩევისას გულს მოუსმინეთ. ივლისში გამოჩნდება ბევრი საქმე ბუღალტერთან, უძრავი ქონების აგენტთან, ადვოკატთან ან ფინანსისტთან. აგვისტოში ახალი გავლენიანი ადამიანი თქვენს ცხოვრებას რადიკალურად შეცვლის. ცვლილებები გადაადგილებას და პირად ტრიუმფს გპირდებათ.
სექტემბერში მიზანს თითქმის მიუახლოვდებით. პროექტის, რემონტის ან სწავლის დასასრული. ოქტომბერში შეჩერდით: მარტის გაურკვეველი სიტუაცია კვლავ გამოჩნდება. შემოდგომა შვებულებით და განმარტოებით დაასრულეთ. დეკემბერში საკუთარი თავით კმაყოფილი იქნებით. წარმატებული წელი გამოვიდა!
ქალწული
იანვარს სახლში ან დედასთან ახლო კონტაქტში გაატარებთ. მნიშვნელოვანი გადაწყვეტილების მიღებამდე დაისვენეთ. თებერვალში განმარტოვდით, გადახედეთ თქვენს დიეტას, დარჩით უახლოეს ადამიანებთან. უფრო მოსახერხებელ ადგილას შეიძლება გადახვიდეთ ან მიიღოთ სტაბილური სამსახური, სადაც ოჯახის წევრივით მიგიღებენ.
გაზაფხული თქვენს ცხოვრებაში მეტ ჰარმონიას შემოიტანს. ძლიერი და უშიშარი ხართ, კონტაქტზე ადვილად მიდიხართ. თამამად შეიცვალეთ ადგილი ან აიღეთ ახალი პროექტი. ფულადი მოგება, სტაბილურობა და უსაფრთხოების შეგრძნება აპრილი–მაისის პერიოდში გაძლიერდება.
ივნისში ყველა საქმეში წინსვლა გელით. შეგიძლიათ წახვიდეთ შვებულებაში, იყიდოთ მანქანა ან მიიღოთ მართვის მოწმობა. ივლისი–აგვისტოს პერიოდში ქაოტური აქტივობა კონფლიქტებს და გეგმის შეცვლას გამოიწვევს. მხოლოდ საკუთარი თავის იმედი გქონდეთ და გადაწყვეტილებები სწრაფად მიიღეთ. ახალი მომგებიანი უნარი თამამად შეისწავლეთ. ცხოვრებაში გამოგადგებათ.
შემოდგომის დასაწყისში ძალების გადინებას იგრძნობთ. ვიღაცას თქვენი ფინანსური დახმარება დასჭირდება. დროა დაასრულოთ არაჯანსაღი ურთიერთობა ან შეცვალოთ სამსახური. ბევრს იფიქრებთ: იქცევით თუ არა სწორად? მაგრამ ყველაფერი კარგად დასრულდება. ვარსკვლავები გპირდებიან ჯანმრთელობას, კარიერაში წარმატებას და თბილ ოჯახურ კერას. ნოემბერში ახალ სამუშაო ადგილზე გადასვლას და ყველა კლიენტის თან წაყვანას შეძლებთ. დეკემბერი მარტოხელა ქალწულს ახალ სიყვარულს, ხოლო დაოჯახებულს პარტნიორობას ჰპირდება.
სასწორი
წელი დაიწყება სადღესასწაულო და თბილი განწყობით, კეთილი სიტყვებით და გრძნობებით, მეგობრების და ოჯახის წევრების გარემოცვაში. ახლობელს თქვენი მხარდაჭერა ძალიან გაუხარდება. თებერვალში გამოჩნდება ახალი საქმე და ხალხი. კარგი დროა საქმის დასაწყებად.
მარტი ცდუნებით ან ზემოდან ზეწოლით სავსე იქნება. ვიღაც თქვენით მანიპულირებას ეცდება, მაგრამ საკუთარი თავისადმი სიყვარული ყველა ცბიერ ადამიანს მოგაშორებთ. აპრილში გამოჩნდება ახალი იდეა, კონტაქტი ან მოულოდნელი სტუმარი. მაისში გელით მოგზაურობა და კეთილდღეობის სრული შეგრძნება.
ივნისი სულიერ სითბოს გაჩუქებთ. ბავშვის შესახებ ახალ ამბავს გაიგებთ, სტუდენტი გახდებით ან ბავშვებთან დაკავშირებულ საქმეს დაიწყებთ. ივლისში კონფლიქტები გეგმებს ჩაგიშლით. სასურველი ახდება, მაგრამ გზადაგზა ყველაფრის შეცვლა მოგიწევთ. აგვისტოში ბედი უკეთესი მომავლისკენ გიბიძგებთ, იქნება ეს სამსახური თუ ურთიერთობები.
შემოდგომა შემოსავლით დაიწყება. გაქვთ სითამამე, რესურსი და მიზნის გრძნობა, რომ გადადგათ პირველი ნაბიჯი. ოქტომბერში საკუთარი თავის და სხვების მიმართ გულწრფელი იყავით. თქვენი სიმართლე სხვაზე მაღლა დგას. იურიდიული საქმიანობისთვის კარგი დროა. ნოემბერში მოვლენები განსაცვიფრებლად განვითარდება. სწრაფად, ენერგიულად, ხარისხიანად! დეკემბერში თქვენ გვერდით იქნება აქტიური, ძლიერი ადამიანი ფინანსების სფეროდან. სიტუაცია გაჭიანურდება, მაგრამ ყველაფერი წარმატებით დასრულდება.
მორიელი
წელი დაიწყება ძლიერ ხელმძღვანელ მამაკაცთან კონტაქტის დამყარებით. უყვარს, როცა მისი წესებით თამაშობენ. ან თავად მოგიწევთ მართვის სადავეების აღება. თებერვალი შეუპოვრობისთვის საჩუქრებით და ფულით აგავსებთ. თქვენს ჯანმრთელობაზე და კარიერაზე იზრუნეთ.
მარტში გამარჯვება გელით. საკუთარი თავით კმაყოფილი იქნებით. აპრილში კაშკაშა ქალი მფარველობას გაგიწევთ, რომ გასწავლოთ და დაგეხმაროთ. გაზაფხულის ბოლოს საბუთების მოგვარება, ბუღალტერთან, ადვოკატთან, უძრავი ქონების აგენტთან ან კლიენტებთან დაკავშირება მოგიწევთ.
ზაფხულში წინსვლას, პროექტის გაზრდას ისურვებთ. გუნდი თქვენი ძლიერი ფარია ნებისმიერ საქმეში. წადით სამოგზაუროდ, საქმეს ხელი მოკიდეთ. დათვალეთ ფინანსები, რომ ყველაფრისთვის საკმარისი გქონდეთ. ივლისში სიყვარულში გაგიმართლებთ. საკურორტო რომანი გამორიცხული არაა. აგვისტო კარგი დროა, თქვენი ბედნიერი ცხოვრება დაგეგმოთ. ენერგიული იქნებით. ფიზიკურად და სულიერად გაძლიერდებით.
სექტემბერში ახალი ამბავი გაგაოცებთ, მაგრამ რთულ პერიოდს სწრაფად გადალახავთ და წარსულის კარის დახურვას შეძლებთ. განვითარება, ზრდა და მოძრაობა გელით ოქტომბერში. შემოდგომა კარგი შემოსავლით, ქეიფით ან საჩუქრებით დაასრულეთ. დეკემბერში მოსალოდნელია განმარტოებაში გაქცევა, გარემოს შეცვლა და ზღვა ემოციები.
მშვილდოსანი
წარსულზე ფიქრებს უფლება არ მისცეთ წლის დასაწყისი გაგიფუჭოთ. თუ პროექტი შეჩერებულია, გეგმა ბ მოიფიქრეთ. ახალი კარი გამოჩნდება და გაგიმართლებთ. თებერვალი თანამშრომლობის თვეა. მოსალოდნელია შეყვარებულთან ერთად გადასვლა, ახალი ბიზნესის დაწყება ან ოჯახში კარგი ამბის გაგება.
მარტში მოსალოდნელია კონფლიქტი ან სხვისი შური. ვიღაც სიტყვას არ შეასრულებს ან თქვენზე ჭორებს გაავრცელებს. ეს სასარგებლო და ღირებული გამოცდილება იქნება. აპრილი და მაისი ბედნიერების, ოჯახის და მიღწევების დროა. ბავშვის დაბადება ან ახალი ბინის შეძენა, კარგი ამბავი მშობლებისგან ან სასურველის მიღება მოსალოდნელია. ყველაფერს სწორად აკეთებთ, თქვენ გვერდით სწორი ხალხია.
ივნისი კარგი დროა ქორწილისთვის და კონტრაქტების გასაფორმებლად. ივლისში თქვენი სურვილები ახდება. რაღაც მოვლენა თქვენს სასარგებლოდ დასრულდება. აგვისტოში დაისვენეთ. კარგი იქნება თუ კლინიკაში დაწვებით, განმარტოვდებით ან ზღვაზე წახვალთ.
შემოდგომა თავისუფალ მშვილდოსანს წყვილის პოვნას ჰპირდება. 2024 ქორწინებისთვის, ახალი ნაცნობებისთვის და საქმიანი წინადადებებისთვის გულუხვი იქნება. დეკემბერში საკუთარი თავით კმაყოფილი იქნებით. დღესასწაულებზე დაისვენეთ. ძველი ცხოვრება დასასრულს უახლოვდება, 2025 წელს ახალი სტატუსით შეხვდებით.
თხის რქა
იანვარსა და თებერვალში წინსვლა გელით: მოგზაურობა, საცხოვრებლის შეცვლა, ახალი სამსახური. ბნელი პერიოდი დასრულდება. ასარჩევი გექნებათ. გაზაფხულზე ბევრი საქმე გამოჩნდება. ჯანმრთელობაზე და უსაფრთხოებაზე იზრუნეთ. შესაძლოა ბიზნესის, ოჯახის ბიუჯეტის ან შვილების პოზიციის დაცვა მოგიწიოთ.
აპრილში თქვენი აზრისთვის ბრძოლა მოგიწევთ კოლეგებთან და ოჯახის წევრებთანაც. მხოლოდ საკუთარი თავის იმედი შეიძლება გქონდეთ. მაისში დროა გადაწყვეტილება მიიღოთ, რას გააკეთებთ. ივნისში ცხოვრება ნულიდან დაიწყეთ: იმიგრაცია, ახალი საქმე ან ურთიერთობა პარტნიორთან დიდი ასაკობრივი სხვაობის გამო. გარისკეთ, თქვენი თავდაჯერებულობა ისე ძლიერია, როგორც არასდროს!
ივლისში ბედი ყველა საქმის დაწყებაზე მწვანე შუქს ანთებს. აგვისტოში ყურადღების ცენტრში აღმოჩნდებით, რეპუტაციას გაამყარებთ ან სანუკვარ ოცნებას აიხდენთ. გულუხვი სექტემბერი გაჩუქებთ რესურსებს, რომ საკუთარი თავი გაანებივროთ. ოქტომბერი რომანტიკული ოინებისთვის კარგია. ბედნიერებას და ჯანმრთელობას ასხივებთ. წლის ბოლოს ზომიერება დაიცავით. თავისუფალი დრო ცოტა გექნებათ. ბავშვის, სწავლის ან სამსახურის საქმით დაიტვირთებით. წლის ბოლოს უხვ შემოსავალს ელოდეთ.
მერწყული
იანვარი თქვენი დროა. ნებისმიერი მიზანი დაისახეთ, დიდზე იოცნებეთ. გარღვევის დროა. თებერვალში მოვა ფული, მოგზაურობა შესაძლებელია. მარტში ბედის კარმული კარტი საუბრობს სტატუსის მკვეთრ ცვლილებაზე. თქვენი შინაგანი იმპულსი გიბიძგებთ ქორწილისკენ, განქორწინებისკენ, საძულველი სამსახურის დატოვებისკენ. შიში გაქრება, რადგან დასაკარგი არაფერია.
აპრილში კარგი ადამიანები სიხარულს მოგანიჭებენ. რომანტიკა ან ბიზნეს პარტნიორობა მოსალოდნელია. მაისში ყველაფერი გეგმის მიხედვით არ წავა. წინსვლისთვის დაბრკოლებები გადალახეთ. ხალხთან მჭიდრო კონტრაქტი შეინარჩუნეთ, მოგზაურობა დაგეგმეთ და ბიზნესი გააფართოვეთ. გულუხვი ივლისი ნებისმიერი სურვილისთვის რესურსებს მოგცემთ. აგვისტოში თქვენ გვერდით ძლიერი მამაკაცი გამოჩნდება. ის მოგცემთ რჩევას და მნიშვნელოვანი საკითხის მოგვარებაში დაგეხმარებათ. დიდი ცვლილებები, გადაადგილება და ძველზე უარის თქმა.
სექტემბერში მადლობას გადაუხდით საკუთარ თავს, რომ ეს გზა აირჩიეთ. პირველი ნაბიჯი ახალი მიმართულებისკენ. კარტი გპირდებათ წარმატებას და ბევრი ადამიანისგან აღიარებას. სამყაროსთვის საჩვენებელი გექნებათ. ნოემბერი მომავალში გაურკვევლობას და გეგმის მარცხს გპირდებათ. თუმცა უსიამოვნებას გადაფარავს ფინანსების შემოდინება. დეკემბერში თქვენი უფლებების დაცვა მოგიწევთ. ფენიქსის მსგავსად ფერფლიდან აღდგებით და ახალ სტატუსზე გადახვალთ.
თევზები
იანვარი ფულის და პარტნიორული ურთიერთობების გარშემო ტრიალებს. თებერვალში მნიშვნელოვან შეტყობინებას მიიღებთ ან სტუმარი ჩამოვა. ოჯახის წევრებთან სიხარულის და წარმატების გაზიარების სურვილი გექნებათ. გაზაფხული მოგცემთ ახალ შანსს და სასიამოვნო საჩუქრებს. მარტი სულიერი ზეიმის დროა. ძლიერი წყვილები ქორწილს გადაიხდიან.
აპრილში ახლობელს თქვენი ემოციური მხარდაჭერა დასჭირდება. სწავლაში ან ბიზნესში ახალ დონეზე გადახვალთ, თავისუფლებას იგრძნობთ. მაისში მამაკაცი ვერძი, მშვილდოსანი ან ლომი დაგეხმარებათ. სამსახურის, ინვესტიციის ან უძრავი ქონების კუთხით ბევრი ურთიერთობა მოგიწევთ.
ზაფხულში დაიწყება იურიდიული საკითხები, რომლებიც სტაბილურობას მოგიტანთ. უძრავი ქონების გაყოფა, ადვოკატთან მუშაობა, ბინადრობის ნებართვის ან ახალი სამუშაო ხელშეკრულების აღება. შვებულების უფლება დაიცავით, საკუთარი თავისთვის დრო გჭირდებათ. აგვისტო იქნება დაძაბული, მაგრამ ყველა შიშს და ეჭვს გადალახავთ.
კონკურენტუნარიან სექტემბერში საკუთარი თავი საუკეთესოდ გამოავლინეთ. თქვენი ნიჭი გამოაჩინეთ და გაგიცნობენ. ოქტომბერში ფინანსებში გაგიმართლებთ. შემოდგომას დაასრულებთ სასიხარულო მოვლენით, რომელიც მატერიალურად გამყარებული იქნება. სტაბილური დეკემბერი მოგიტანთ ძალის და მომავლის კონტროლის განცდას. ახალი თვისებით ხელახლა დაიბადებით.
