უმეტესობა ჩვენგანი ბუნებით ძალიან ეჭვიანი და ცრუმორწმუნეა. სხვადასხვა სიმბოლოების და მინიშნებების რწმენა გვახასიათებს. შესაძლოა, ცრურწმენების გაჩენის მთავარი მიზეზი წარმართულ წარსულში იმალება და არ ღირს ამაზე ყურადღების მიქცევა, მაგრამ ხალხური ნიშნების სრულად უგულებელყოფას ცოტა თუ ახერხებს. ცრურწმენების უმეტესობა სახლის დალაგებას უკავშირდება და ყველაზე მნიშვნელოვანი ადგილი ცოცხს უკავია: ბრძენი დიასახლისები ირწმუნებიან, რომ ცოცხით შეგიძლიათ დაგვათ და სახლიდან გაიტანოთ არა მხოლოდ ნაგავი, არამედ კეთილდღეობაც.
თითქოს არაფერია რთულია, რომ ნამცეცები მოხვეტოთ და ნაგვის ურნაში ჩაყაროთ. მაგრამ აქაც არსებობს წესები და აკრძალვები. ზოგჯერ უმჯობესია დილას დაელოდოთ და ნაგავი დღის სინათლეზე გაიტანოთ, ვიდრე სახლში უსიამოვნებები მიიზიდოთ. ზოგიერთი ნიშნის სანდოობაში ეჭვი შეიძლება გეპარებოდეთ, მაგრამ უნებურად მათ გათვალისწინებას იწყებ, როცა საქმე ახლობლებს ეხება.
როგორ უნდა გამოგვათ ცოცხით სახლი
ძველად სჯეროდათ, რომ მზის ჩასვლის შემდეგ უწმინდური ძალა გარეთ გამოდის. სწორედ ამიტომ, მიღებული არაა საღამოს სახლის დალაგება და ჩხუბის გარეთ გატანა, რომ უწმინდურმა ამ მომენტით არ ისარგებლოს და შიგნით არ შემოვიდეს.
არსებობს მოსაზრება, რომ გვიან დალაგება სახლიდან აგდებს ჯანმრთელობას, ბედნიერებას, სიყვარულს და სიმდიდრეს. თუ თავი შეიკავეთ და ნაგავი მოხვეტეთ, როცა გარეთ უკვე ბნელოდა, მაშინ პარკში შეაგროვეთ. გათენებამდე გააჩერეთ და მხოლოდ დილით გადაყარეთ.
თუ შემოსასვლელ კარზე ცოცხის ფორმის დეკორატიულ ამულეტს დაკიდებთ, თქვენს სახლს ბოროტი ხალხისგან დაიცავს. სახლში ორი ცოცხის ქონა არ შეიძლება, რადგან მასში ორი დიასახლისი იქნება. სახლის დალაგებისას ცოცხზე ფეხის დაბიჯება ცუდის ნიშანია. უსიამოვნებას ან ავადმყოფობას იწვევს.
შელახული ცოცხი ოჯახში სიღარიბეს და ჩხუბს იწვევს, ამიტომ ახლით დროულად უნდა შეცვალოთ. გასათხოვარ გოგონებს გამოხვეტა ეკრძალებათ, წინააღმდეგ შემთხვევაში ვერასდროს გათხოვდებიან. ცოცხზე გადაბიჯება არ ღირს, რადგან მალე შეიძლება დაავადდეთ.
დასუფთავებისას ორ ადამიანს ცოცხზე ხელის მოკიდება ეკრძალებათ, წინააღმდეგ შემთხვევაში საღამომდე იჩხუბებენ. სტუმრებს და მეგობრებს მთელი სახლის დაგვის უფლება არ უნდა მისცეთ, რადგან თქვენი ბედნიერება შეიძლება წაიღონ. დიდ დღესასწაულებზე ცოცხის ხელში დაჭერა დიდი ცოდვაა. სახლი წინასწარ უნდა დაალაგოთ.
ნიშნები ცოცხზე
თუ ოჯახის წევრი შორეულ მოგზაურობაში წავიდა, იმ დღეს არც სახლის და არც ეზოს მოხვეტა არ შეიძლება. რეკომენდებული არაა იატაკის მოწმენდა, წინააღმდეგ შემთხვევაში საყვარელ ადამიანს ელის რთული მოგზაურობა და ის შეიძლება აღარ დაბრუნდეს.
ადამიანების ან ცხოველების ცოცხით ცემა ან გაგდება აკრძალულია, რადგან ასე ღონემიხდილი გახდებიან. ცოცხზე ფეხის გაწმენდა არ შეიძლება, რადგან ასე ტკივილი დაგეწყებათ.
უძველესი დროიდან ცოცხს უჩვეულო თვისებებს მიაწერენ და ჯადოსნურ რიტუალებში ხშირად იყენებენ. ამ მიზეზით ძველი ცოცხი უმჯობესია მიწაში ჩამარხოთ ან ეზოდან შორს გადააგდოთ: თუ ავი ხალხის ხელში მოხვდება, სახლზე ჯადო შეიძლება გააკეთონ. ძველი ცოცხის დაწვა რეკომენდებული არაა, რადგან სახლში უსიამოვნებები შეიძლება მოხდეს.
როგორ მოვიზიდოთ ფული სახლში
სახლში ფული ყოველთვის რომ იყოს, განთიადისას სიმბოლური გამოხვეტა შეასრულეთ. შემოსასვლელიდან დაიწყეთ, შემდეგ ცოცხით ყველა ოთახი მოიარეთ სიტყვებით: „სახლს ვხვეტავ, სიმდიდრეს ვიწვევ!“ რიტუალის დასრულების შემდეგ ცოცხი ტარით ზემოთ დადეთ, ხოლო შეგროვებული ნაგავი გადაყარეთ.
ჩვეულებრივ, ნიშნების და ცრურწმენების ქალებს სჯერათ, რადგან უფრო ემოციურები და გულწრფელები არიან. გოგონებს ძლიერ განვითარებული წარმოსახვის უნარი აქვთ და ქვეცნობიერად წინათგრძნობას ენდობიან. ზოგჯერ მამაკაცები ქალების სისუსტეს დასცინიან, მაგრამ დროთა განმავლობაში მალულად მარცხენა მხარეს აფურთხებენ და ჩერდებიან, როცა გზას შავი კატა კვეთს.
