ალბათ, არავისთვის იქნება სიახლე, რომ ბოლო დროს ახალგაზრდა წყვილებს შორის ურთიერთობები სულ უფრო ღიად ფინანსებს ეფუძნება. ქალები ამას პრაქტიკული თვალსაზრისით ხსნიან: „მომავალი დედა ვარ და მინდა დარწმუნებული ვიყო ფინანსურ უსაფრთხოებაში“. კაცები ხშირად კბილებს აკრაჭუნებენ და ცდილობენ თავი იმართლონ იმით, რომ მარჩენლები არიან და კარიერული ზრდისთვის სტიმული სჭირდებათ. უფროსი თაობა ამ მიდგომას აკრიტიკებს და განმარტავს, რატომ არ შეიძლება დაქორწინება მხოლოდ სარგებლის მიღების სურვილით. მოკლედ, კამათი დუღს.
რა თქმა უნდა, ნებისმიერი ოჯახის ფინანსური მდგომარეობა სტაბილური უნდა იყოს. ამის გარეშე შეუძლებელია, რადგან არავინ იცის, რა გველოდება მომავალში. მეორე მხრივ, ოჯახის შექმნა ორმხრივი გრძნობების გარეშე არ შეიძლება. მომავალში გამოიწვევს ღალატს, ტყუილს და სხვა პრობლემებს. სად არის ბალანსი, რომელიც მოგვიტანს მშვიდობას და ჰარმონიას? რთული კითხვაა და მასზე პასუხის გაგება ყველას გვსურს.
რატომ არ შეიძლება დაქორწინება?
როცა ჩემი ხუთწლიანი ქორწინება დასრულდა, მივხვდი, ახლა ხალხში უკეთ ვერკვევი. აღმოჩნდა, რომ ცრემლები, ვედრება და ისტერიკები ნამდვილი გრძნობის მაჩვენებელი არაა. ხვალინდელ დღეში იმედის ქონა კი არ იძლევა გარანტიას, რომ ყოველთვის კარგ განწყობაზე და საკუთარ თავთან ჰარმონიაში ვიქნები. თურმე ფული ყველაფერს არ წყვეტს.
მთავარზე გადავიდეთ. ჩემზე 7 წლით უმცროს გოგოზე დავქორწინდი. რატომაც არა, 30 წლისას შევამჩნიე, რომ ჩემი ასაკის ქალები არ მაინტერესებს. მაპატიეთ, მაგრამ ქალის სილამაზე საკმაოდ წარმავალია. არა ყველასთვის, მაგრამ, ძირითადად, ასეა. მოთხოვნილება უჩნდებათ, იზრუნონ გარეგნობის თითოეულ ასპექტზე, იქნება ეს კანი, წონა, ცელულიტი, თმა, ხელი, სახე და ბევრი სხვა. არც მიფიქრია, რამდენად სერიოზული იყო ეს ყველაფერი და თან შედეგს იდეალურს მაინც ვერ ვუწოდებთ.
უმცროსი ასაკის გოგოებიც თავის მოვლით გატაცებულნი არიან, მაგრამ მათ შემთხვევაში მაინც გამართლებულია, მაპატიეთ ჩემი გულწრფელობა. ანასთან მის გარეგნობაში დარწმუნებული ვიყავი. მეჩვენებოდა, რომ ჩემთან უფრო გულახდილი იყო. მას ხომ არ გამოუცდია იმდენი მამაკაცი, რამდენიც უფრო მდიდარი წარსულის მქონე ქალს. შემეძლო მისთვის მიმეცა ყველაფერი, რაზეც ნებისმიერი ქალი ოცნებობს: კარგი სახლი, ავტომობილი, საზღვარგარეთ დასვენება, ფული საშოპინგოდ და პერსპექტივები. რა არის საფიქრალი, უნდა მიხვიდე რეესტრში და ბედნიერად იცხოვრო. მაშინ ჯერ კიდევ არ ვიცოდი, რატომ არ შეიძლება ასეთ ქალბატონებზე დაქორწინება.
ჰარმონიული ურთიერთობები
რამდენიმე წელი ჩვენს ურთიერთობაში სრული ჰარმონია სუფევდა. მეგობრები ხუმრობდნენ, რომ რა ლამაზიც არ უნდა იყოს ცოლი, მამაკაცს ყოველთვის ექნება ღალატის მიზეზი. ამას მხარს არასდროს ვუჭერდი. ცხოვრება მრავალმხრივია, ეს გასაგებია, მაგრამ ამის საჭიროება თეორიაშიც არ მქონია. ანას სახლის საქმეების ზრუნვა არ უწევდა: შინამოსამსახურე გვყავდა. საჭმლის მომზადებაზეც არ წუხდებოდა, რადგან არსებობს მიწოდების სერვისი, რესტორნებიც გვიანობამდე მუშაობს. ცხოვრებით ვტკბებოდით.
მოგვიანებით ანას მთელი ეს უგვანობა მობეზრდა. თვითრეალიზაცია ისურვა. ამისთვის დრო და ფული სჭირდებოდა. ერთ კურსზე დარეგისტრირდა, შემდეგ მეორეზე, მესამეზე. დამარწმუნა, რომ უმიზნოდ ცხოვრება არ სურს. თავისი საქმის დაწყების მოტივაცია ჰქონდა. რა უნდა მეთქვა? მხარს ვუჭერდი. დიდ თანხასაც არ მთხოვდა, მაგრამ ყოველთვიურად გადასახდელი იყო.
მას შემდეგ ჩემი ცოლი ხშირად იკარგებოდა სხვადასხვა კურსზე თავისი ინტერნეტ არხის, ინსტაგრამის და მსგავსი არხების პოპულარიზაციისთვის. ჩემს დაქვემდებარებაში იყო რამდენიმე გოგო, რომლებიც ამას პროფესიონალურად აკეთებდნენ, მაგრამ ანამ მათ მომსახურებაზე უარი თქვა. მისი თქმით, ისინი „შაბლონურად“ აზროვნებენ და მალე „ასეთი სტრატეგია მოძველდება“. მაშინ დავეჭვდი, რომ მეუღლემ იპოვა კიდევ რამდენიმე თაღლითი, მაგრამ ხელი ჩავიქნიე. ვიფიქრე, შეცდომას დაუშვებს და დასკვნებს გამოიტანს. რა საჭიროა გახდე ამის გამომწვევი მის თვალში?
გარდა ამისა, გარკვეული სირთულეები შემექმნა სამსახურში. არაფერი სერიოზული, მაგრამ გადასახადების, ქირის პრობლემები იყო, რუტინაზე უფრო რთული. მოკლედ, ცოლის მომენტი მხედველობიდან გამომრჩა. და სულ ტყუილად, რადგან ბევრი ნერვის და დროის დაზოგვას შევძლებდი.
ერთ დღეს ერთ–ერთმა თანამშრომელმა მითხრა, რომ ჩემი ცოლის კურსები დიდი ხნის წინ დაიხურა. უკვე რამდენიმე თვის წინ. სახელის შეცვლას და მუშაობის გაგრძელებას ცდილობდნენ, მაგრამ მათ საქმეს ხელი მოკიდეს, ვიღაც დააპატიმრეს კიდეც. ესეც ახალი ამბავი. იმის გათვალისწინებით, რომ ჩემი მეუღლე აგრძელებდა „მუშაობას“ ამ ოფისთან არა ერთი თვე. ეს როგორ?
რატომ არ შეიძლება დაქორწინება?
ამ საკითხის დეტალურად შესწავლა მომიწია. ერთი კაცი დავიქირავე, რომ ეჩვენებინა ანას მიმოწერა სოციალურ ქსელებში. თავად არაფრის კითხვა მინდოდა. ვიცი, რა რეაქცია აქვთ მისი ასაკის გოგონებს უნდობლობაზე. ზოგადად, ნებისმიერი ასაკის ქალს. პროფესიონალის მომსახურებით სარგებლობა უფრო მარტივია. მალე სიმართლე გაირკვა. სასაცილოა, რომ თურმე მეუღლეს საერთოდ არ ვიცნობდი. არადა შემიძლია დავიფიცო, ურთიერთობის დასაწყისში მას უფრო ვუყვარდი, ვიდრე მე ის.
ბევრ სხვა ნაგავთან ერთად კომუნიკაცია ჰქონდა ვიღაც თურქთან, ფატიჰთან. ის ფინანსური კეთილდღეობის „ქოუჩი“ იყო და საყვარელი. ფატიჰი სთავაზობდა სტუდენტებს დიდ თანხას, რომლის გამომუშავება არაფრის კეთებით შეიძლებოდა. მისი თქმით, ფული ძლიერი მაგნიტია და იზიდავს წარმატებას, ბედნიერებას და მეტ ფულს. არსი იყო, რომ ყოველთვე მის „ორგანიზაციაში“ გარკვეული თანხა უნდა ჩაგერიცხა, შემდეგ გაათმაგებული რაოდენობით დაგიბრუნდებოდა. კიდევ იყო ბევრი მანტრა, მედიტაცია, დონეები და ა.შ. დეტალურად აღარ ჩამიხედავს და არც თქვენ გირჩევთ.
როცა ანასთან მივედი ამობეჭდილი მიმოწერით, მოსალოდნელი რეაქცია ჰქონდა. ცრემლები, ვედრება, თხოვნა. როცა ჩემი სიმტკიცე დაინახა, ქცევა შეცვალა. აღმოჩნდა, რომ სულელი ქალია, რომელიც პირველივე შემხვედრს ფულისთვის გაჰყვა. მოხუცს და უინტერესო კაცს. მას კი უნდოდა ვინმე, ვისკენაც გული მიუწევდა, ვინც მის სანუკვარ ოცნებებს აასრულებდა. მე ასეთი ვარიანტი არ ვიყავი. მოუწია კურსებზე მოტყუება, თორემ ფულს არ მივცემდი, რომელსაც მოგვიანებით რეალურ სიმდიდრედ აქცევდა.
მაჩვენა თავისი „სურვილების რუკა“, რომელიც მისი ლოგიკით ბედნიერების მოპოვებაში უნდა დაეხმაროს. უბრალოდ დიდი მუყაო, რომელზეც მიკრული იყო სხვადასხვა სულელური სურათი. იმ თურქის ფოტო, იახტა, კერძო თვითმფრინავი, მკერდის იმპლანტები (რამაც გამაოცა) და წვრილმანი ნაგავი, სამკაული, ტანსაცმელი და ა.შ. მისი სიწმინდე იყო, რომელსაც სხვებისგან მალავდა.
შემდეგ დაიწყო ჩვენი განქორწინების პროცესი. მიხარია, რომ ადვოკატმა ჩემი ფულის და ნივთების დიდი ნაწილი დამიბრუნა. ამ პერიოდში ძალიან ვნერვიულობდი, ნორმალურად ვერ ვჭამდი და ვიძინებდი. ცნობილი ფატიჰის პოვნა მინდოდა, მაგრამ ყველა ანგარიში გააუქმა სოციალურ ქსელებში. ისე, რომ მიმდევრებიც ვერ ნახულობდნენ, მათ შორის ანაც. ფსიქოლოგმა მირჩია, სიტუაციის გაშვება და ბრძნულად მოქცევა: საჭირო დასკვნების გამოტანა. არა მაშინვე, მაგრამ ნელ–ნელა, მივედი იმ აზრამდე, რომ ასე უკეთესი იქნებოდა.
ვერ ვიტყვი, რომ ჩემთვის ეს ისტორია ჭკუის სასწავლებელია. ადამიანები განსხვავებულები არიან და უფლება არ მაქვს, რომ ყველა გოგოზე ჩემი ყოფილიდან გამომდინარე ვიმსჯელო. უბრალოდ ჩემთვის გარკვეული დასკვნები გამომაქვს. მივხვდი, რატომ არ შეიძლება ახალგაზრდა გოგოზე დაქორწინება. ახლა ანა თითქმის 29 წლისაა და ისევ შესანიშნავად გამოიყურება, თან ხელცარიელი არ წასულა. ჩემგან ბრძნულ სიტყვებს არ ელოდოთ. მხოლოდ ერთს ვიტყვი, რომ ჩვენს დროში უახლოეს ადამიანსაც მცირეოდენი ეჭვის თვალით უნდა შეხედოთ. სამწუხაროა, მაგრამ სასარგებლო, როგორც იაფფასიანი საკეტი მაგიდის უჯრაზე. როგორც მინიმუმ, ორჯერ დაფიქრდით, სანამ გახსნას გადაწყვეტთ.
